Ke mang Monna yo? – letšatši la 19

Re bitša ka pela motho yo a nago le semelo se bonolo bjalo ka sebodu. Gabotsebotse, go ka ba le phapano magareng ga bonolo le go ba “boleta”. Jesu o be a le bonolo le boleta, eupša seo ga se re gore O be a sa kgone go ikemela. O ile a emela se a bego A dumela go sona.

Motho yo bonolo ke motho o boleta, ga a bogale goba thata. Batho ba ile ba ikwela ba lokologile bogoneng bja Jesu. A ba amogela ka tsela ye ba abego ba le ka yona. Ba tla go Yena ka ditšhila le mabošaedi a bona. Jesu o be a sa potuloge taba ge a bolela le batho. Ga se a tlogela motho tseleng. Go bulega ga gagwe go be go kgahliša. Bonolo ke go lebelela bokgoni bja motho e se fela go lemoga mabošaedi a bona.

O ka lemoga bonolo bja Jesu bjo bo bontšhwago go kgahlego ya gagwe ya kgonthe go batho. E be e se moratharathi wa boikaketši. O be a tsoma sehlokwa se tseneletšego. Morago ga mathata ao a bego a bonagala gabotse, O be a nyaka sebaki.

Nagana o etela ngaka, ka ditswata tše khubedu mmeleng wa gago ka moka. Ngaka e dira ditlhahlobo: mooko. Sa go latela, o bea pantisi go setswata se sengwe le se sengwe. E ka ba ngaka e a gafa? Ditswata ke fela dika; bolwetši bja kgonthe bo mading a gago. Jesu o na le kgahlego go bolwetši bjo bo lego ogareng bja go phela gag ago: sebe. O nyaka go kgwatha pelo ya gago le go fihlelela go sehlokwa sa gago se tseneletšego le bodutu.

Ke re bonolo – kwelebohloko ya kgonthe go batho, ka dinako tše dingwe, ke fela go botša motho nnete. Tatago goba mosadi o bontšha bolnolo bjo bontši ge a go hlohla go e na le go go tlogela o dira ka mo o ratago ka gona.