Ke mang Monna yo? – letšatši la 13

Nakong e fetilego, ke kwele bana ba opela kua Sekolong sa Sontaga: “O na le maatla; O botse.” Ka gopola mantšu ge ke be ke naganišiša ka Jesu. Maatla le bobotse ke mantšu a go kgahliša go ka hlaloša Jesu. Ka tlwaelo, re ka se hlaloše Jesu bjalo ka go ba botse. Re ka bolela seo ka selo goba motho, koloi goba motho. Eupša Jesu e be e le motho yo mmotse. O re bontšhitše ka fao Modimo a nyakago re be ka gona. Se ke ka fao rena, bjalo ka batho, re ka bago re le ka gona. Gomme, Jesu o be a le go feta ka mo motho a ka bago ka gona.

Ka mengwaga ye 12, a makatša baithuti tša Bibele ba mehleng ya gagwe ka tsebo ya gagwe. Baithuti ba ba be ba le bohlale; re ka re e be e le diprofesa tša thutatumelo.

Jesu a kwešiša mantšu ka Testamenteng ye Tala ao a bego a le mabapi le Yena,  go se swane le motho yo mongwe. O be a na le tsebo ye e phethagetšego ya Testamente ye Tala. Batho ba ile ba makatšwa ke tsela ya gagwe ya go ruta. Ga se a tsopola fela dipolelo tše botse tša go fapanafapana, eupša tsela ya gagwe ya pharologantšho ya go ruta e be e le: “Ke re go lena …” Go ya ka Markose (1:22), O be a sa rute bjalo ka bamangwalo, eupša ka motho yo a nago le maatla. A hlalošwa leswa melao ya bjale le go utolla le gore go bohlokwa kudu mmušong wa gagwe He did not teach like a teacher of the law, but as one who had authority. He re-interpreted the current laws and revealed that it is even more radical in his kingdom. (Mateu 5:31,33,38).

Dithuto tša Jesu di bonolo gape di kwešišega gabonolo. O be a šomiša mehlala ya go tsebalega. A bolela ka dilo tše mang le mang a kago di kwešiša: modiši, morara, o aga bjang ntlo, thorwana ya lehloko, molemi yo a bjalago, mefoka bjalobjalo. Ka leleme la gagwe le tlwaelegilego, Jesu a bntšha gore Modimo o nyaka go ba kgauswi le batho le gore Modimo o na le kgahlego go dilo tša letšatši le letšatši.