Gopola maatla a gagwe – Letšatši la 4

Ditšhabeng tše dingwe go ralala le lefase, go bega ebangedi ya Modimo go amogelwa ka borutho le boikarabelo bjo bobotse. Ditšhabeng tše dingwe, molaetša wa Bibele ga o amogelwe goba o a hlokomologwa.

Ke ka lebaka la eng go na le dikarabo tša go fapafapana? Go ba gona, ye nngwe ya dilo tše Testamente ye Tala ka mehla e di beago pepeneneng ke dikarabo tša go fapafapana go Jesu le go lentšu la gagwe.

Go seswantšho se sa mobjadi, re na le dikarabo tše nne tša go fapafapana go ditaba tše botse. Batho ba bangwe ba kwa molaetša wo o bjetšwego dipelong tša bona gomme diabolose ka bjako a ba amoge wona, le kelelo, ya se ba se kwelego. Ba bangwe ba amogela lentšu ka phišagelo e kgolo, eupša lentšu ga le tsenelele goba go meela medu go bona. Ka moka ke boikaketši, gomme ge mathata a hlaga, ba wa ka pela le go lahla nnete.

Go na le karabo ye nngwe go ebangedi, yeo ka moka re e tsebago. Karabo ye ke kamogelo ya pele ya molaetša, eupša batho ba a šitišwa ka lebaka la go swarega kudu ka malapa a bona, bana le go dira tšhelete, moo mafelelong nnete e tšwago maphelong a bona. Ka moka re tseba motho o bjalo. Naa ke moka ga gona kholofelo le gannyane? Naa ebangedi ga e ipiletše go motho? Ka mo go fapanego, Jesu o re boditše gore go na le mobu o mmotse wo o tšweletšago puno e kgolo.

Ka mehla go na le motho yo a kwago le go dumela. Ka dinako tše dingwe, ke batho ba re sa ba letelago, eupša ba fiwa mpho ya kwešišo gomme ba tšweletša puno.

Mohlomongwe, o ka gopola boitemogelo bja gago – ka fao go go tšerego lebaka ka gona go bona seetša. Gomme, gaešita le ge o sa bona seswantšho ka moka sa ebangedi, seo o se kwešišitšego se go thabišitše gomme sa thoma go laola bophelo bja gago. Itebelele lehono! Le ge o se motho yo bohlokwa mahlong a lefase, ke batho ba bakae bao ba kwelego ebangedi go wena goba go itemogela lerato la Kriste ka wena gomme ba šegofetše? Ke wena o tšweletšago puno.