Etlang go nna – Letšatši la 11

Ke ga kae moo motho a rilego go wena, “Se belaele, Modimo o na le leano!” Naa o kgolwa se ka mehla? Goba o na le matšatši moo o lebelelago maemo a gago gomme o nagane gore, “E ka ba ka nnete o na le leano? Ke tla tseba bjang gore o na le leano le nka le tshephago?”

Jesaya o re gopotša gore Modimo ke mohlodi, yo a re bopilego. Ge re dira se sengwe, gantši re na le morero wa selo se re se dirilego. Ka gona, ge e ba ka nnete Modimo o re hlodile, naa ga go kgonege gore re tlamegile go dira go ya le ka ditetelo tša gagwe gomme re ba kotsing ya go ka šomišwa ke Modimo yo šoro gape wa go nyaka go itefeletša?

Le ge go le bjalo, selo sa pele se mohlodi wa rena a re botšago sona ke gore re se boife. O tšwela pele go hlaloša gore ke ka lebaka la eng re sa swanela go boifa. O re nea mabaka a mabedi. La pele, o re hlakodišitše. Se se hlaloša leano la go re rekolla ka Jesu Kriste, yo a phološitšego batho ba gagwe ka lehu la gagwe sefapanong. Sa bobedi, o re biditše ka maina. Bea leina la gago legatong la “Jakobo” le “Israele”; naa o ikwa bjang ga bjale? Modimo o holofeditše gore a ka se tsoge a re lahlile gomme o boletše gabotse gore re ba gagwe. Mohlodi yo o rata tlholo ya gagwe! Go tseba motho ka leina go hlalaoša gore go tseba motho ka sebele, gore ga se fela sefahlego goba nomoro. Modimo o nabela go re tseba, goba le tswalano le rena.

Re hloka go ba le tswalano le yena gape. Ge re ithekga go yena ka mo go feletšego, re tla be re phethagaditše, ka lehlakoreng le lengwe, morero wa rena mo lefaseng.