Ditswalano – Letšatši la 15

Go fa bohlatse ke tsela ya go phela. O hlatse. O phela bopaki bja gago, le ge o sa nagane ka bjona ka boomo (R.E. Coleman). A ke mantšu a nago le ditlhalošo tše ntši, ka gobane wena wa nnete a ka utwa nakwana pele a phulela ba ka ntle lešoba.

Kereke ya Bathesalonika e be e le mohlala wa kopano yeo – ba be ba phela se ba se bolelago. Tumelo ya bona e be e bonala mešomong ya bona; lerato la bona le be le iponatša ka mediro; kgotlelelo ya bona e be e kgothaletša ke kholofelo ya bona ya go se nolege moko go Jesu Kriste – Yo ka Yena ba bego ba bo mo phelela le go fa bopaki (1 Bathesalonika 1:3). Ga se tše fela. Go sa šetšwe tlhophego ya bona, maphelo a bona e be e le mehlala go badumedi dikarolong tše dingwe tša naga. Thulaganyo ya mošomo wa bona e be e akaretša gape go tsebagatša lentšu la Morena le go dira gore tumelo ya bona e bone ke bohle (1 Bathesalonika 1:7-8). Ka nnete e be e le barwadi ba taba ye botse ka mantšu le mediro.

Batho ba go tlwaelega bao ba bego ba le lesolong.

E be e le eng sephiri sa tsela ye ya go phela ye e sa boifego? E ba “baetši ba rena” (Paulose le bašomi-ka-yena), eupša se bohlokwa kudu, e ba gape “Le ithutile go phela bjalo ka rena le bjalo ka Morena; gomme le ge le ile la tlaišwa kudu, le amogetše molaetša ka thabo ya go tšwa go Moya wo Mokgethwa” (1 Bathesalonika 1:6). Molaetša wo “la re go o kwa la o amogela e le wa Modimo, e sego wa batho” (1 Bathesalonika 2:13).

Tsela ye ya go phela o le morongwa e sa le gona nakong ya rena ya sebjalebjale. Batho ba ka tseba bjang phološo go Kriste ge maphelo a rena a sa pake go se gomme re sa šomiše mantšu a rena go phatlalatša taba ye botse? Nnete ya Baroma 5:15 e sa šoma: “Go botse bjang go bona batseta ba etla, ba re tlela le taba ye botse!” (Baroma 10:15). Ga o hloke go ba moreri go phatlalatša taba ye botse. “Pulpite” ya gago ke legae la gago, ofisi, setšhaba, sekolo, batho ka lebenkeleng, le mohlokomedi wa koloi.

Bibele e hlaloša gabotse gore ka ka lebaka la eng motho a swanetše go kwa molaetša wo: “Bohle ba dirile dibe gomme ba hloka letago la Modimo” (Baroma 3:23); “Pele le be le hwile moyeng ka lebaka la go tshela molao wa Modimo ga lena le ka lebaka la dibe tša lena” (Baefeso 2:1); “… le be le phela mo lefaseng le se na se le se letetšego, le sa tsebe Modimo” (Baefeso 2:12). Taba ye botse ke gore: “Lena pele le bego le le kgole le Modimo bjale le batameditšwe ka madi a Kriste” (Baefeso 2:13). Motho ofe goba ofe yo a tlilego kgauswi ka gobane o obametše le go dumela molaetša wo, e ka ba morongwa wa Taba ye Botse.