Dithuto tša bophelo go tšwa Bibeleng – letšatši la 9

Phuthego ye maloko a yona a se nago lerato la mošomo wa Modimo e ka se gole. Seo se ka se bolelwe ka phutego ya Antiokia. Go be go na le ditiragalo tše ntši ka baprofeta, baruti le maloko bao ba bego ba rapela le go itima dijo (Ditiro 13:1-3).

Ka tlase ga tlhahlo ya Moya wo Mokgethwa, ba kgetha Barnabase le Paulose go leeto la boromiwa. E be e le leeto la pele la Paulose la boromiwa. Paulose le Barnabase ba be ba thabile kudu, le Jahanese Markose o monnyane bjalo ka mothuši wa bona, ba sesa go ya Saeprose ka 46 AD. Sehlakahlaka sa Saeprose e be e le koloni ya Roma, yeo e bego e bušwa ke mmušiši yo leina la gagwe e lego Sergiose Paulose. Morago ga go sepela sehlakahlaka ka moka ba rera Ebangedi, baromiwa ba fihla Phafose moo mmušiši a bego a dula gona.
Sergiose Paulose, monna wa bohlale, o ile a nyaka go kwa Ebangedi gomme a bitša Paulose le Barnabase. Go be go na le monna wa maselamose le moprofeta wa maaka wa Mojuda yo a bego a hlankela ntlong ya gagwe, a bitšwago Barjesu, yo pejana a kopanego le Paulose le Barnabase.

O be a le kgahlanong le ketelo ya bona gomme a leka go thibela mmušiši go ka ba kwa. Lega go le bjalo, Paulose, a tletše ka Moya wo Mokgethwa, a tomolela ramaselamose mahlo le go mo kgalema bjalo ka ngwana wa diabolose. A mo latofatša ka go dira mehuta ka moka ya bofora le bohwirihwiri le go tšhilafatša ditsela tša maleba tša Morena. Paulose a mmotša gore Morena o tla mo rogaka nakwana ka bofofu. Gateetee Barjesu a foufala. “Mmušiši ge a bona se se diregilego a dumela; gobane o be a tlabilwe ke tše a di rutilwego mabapi le Morena.” (Ditiro 13:12).

Ge Paulose le Barjesu ba bile fela le ngangišano ya thutatumelo, seo e ka ba e bile seo. Eupša tiro ya Paulose ya kgodiša Sergiose Paulose ka bogoši bja Modimo le kgonthe ya tumelo ya Paulose.

Ntlha ya go naganišišwa: Naa tumelo ya gago e kgonthe gakaakang? Ka gona, bjalo ka ge mmele o hwile ge o se na moya, le tumelo ge e se na mediro e hwile (Jakobose 2:26).