Dikenywa tša Moya – Letšatši la 9

Bjale Abrahama o be a tšofetše kudu, gomme Morena o be a mo šegofaditše dilong ka moka. A bolela le mohlanka wa gagwe yo mogolo yo a bego a hlokometše tšohle tše a bego a na le tšona a re … “O boele nageng ye ke tswetšwego go yona, gomme o tšeele morwa wa ka, Isaka, mosadi melokong yešo.” Genese 24:1-2,4

Abrahama ga a nee mohlanka wa gagwe mošomo o bonolo. O kgopela mohlanka wa gagwe go sepela dikilometara tše makgolokgolo go ya nageng ya gabo gore a tlele le morwa wa gagwe, Isaka, mosadi. Go na le dipeelano tše thata go kgopelo ya Abrahama: mosadi e swanetše e be Mokanana eupša wa moloko wa gabo; gomme Isaka ga a swanela go ya le mohlanka nageng ya boAbrahama. Abrahama o dira gore mohlanka wa gagwe a ene mabapi le taba ye. Mohlanka ga se a botšiša Abrahama goba go leka go boledišana le yena – ge e le gabotse, ke tate yo bjang yo a ka tlogelago morwedi wa gagwe go sepela le motho yo a sa mo tsebego, go yo nyala yo mongwe?

Le ge go le bjalo, mohlanka yo, yo leina la gagwe le sa tsebjego temaneng ye, o amogela leeto la gagwe ka kgaugelo le boikokobetšo. Go be go banala eka ke mošomo wa go se kgonege wa go se be le tharollo e bonolo, eupša a tshepha Modimo. Pele a ka thoma go nyakela Isaka mosadi, o rapeletše tlhahlo. Gomme go feta seo, o rapeletše mosadi yo a loketšego Isaka. Mohlanka o rapeletše mosadi yo a ikemišeditšego e se fela go mo gela meetse, eupša a ikemišeditše go gela le dikamela tša gagwe meetse. O be a nyaka mosadi wa pelo ya mohlanka, mosadi yo a itokišeditšego go dira go feta ka mo go bego go lebeletšwe go yena. O hweditše mosadi yo a bitšwago Rebeka.

Kanegelo e tšwela pele mohlanka wa Abrahama a leboga Modimo ka botho le potego go Abrahama (Genese 24:26-27), gomme Rebeka ka go rata a tlogela bophelo bja gago bja manobonobo, bo a bego a bo tlwaetše go yo phela nageng e mpsha le lapa le leswa. Ye ke tumelo! Ke boikokobetšo! Ke dipelo go Morena! Bobedi ba bile le lerato go batho ba bangwe!