Dikenywa tša Moya – Letšatši la 4

“Ga le tsebe se le se kgopelago. Kgane le ka kgona go meletša ditlaišo tša go swana le tše ke yogo tlaišwa ka tšona kgauswinyana, le go bolawa ka tsela ye ke swanetšego go bolawa ka yona?” Bona ba mo fetola ba re: “Ee, re ka kgona.” Markose 10:38-39

Re ka se be le mohlala o mokaonekaone goba mogale wa mohlanka go e na le Jesu Kriste. Temana ya lehono e re bontšha gore Kriste ka boomo o kgethile go ba mohlanka. Go ba mohlanka go bile le tshenyegelo e kgolo kudu go Jesu gomme go na le tshenyegelo go rena gape.

Ge Jesu a bolela le barutiwa ba gagwe ka go ba mohlanka Selalelong sa Mafelelo, ga se a leka go ba kgodiša gore dilo di tla ba bonolo. O boletše thwii ka mongwalo o monnyane wa kontraka: tshenyegelo tirelong ya mmušo. Mošomo wo o bego o tlo fiwa barutiwa e be e le o mogolo. Jesu o nyakile banna le basadi ba pono e botse le kgodišego ye e tseneletšego. Barutiwa ba mahlo a bona a bulegilego, dipelo tše di ikgafilego le dithato tše di ineetšego go yena ka mo go feletšego; banna le basadi ba ba tlago mo latela go ya lehung.

Potšišo ya Morena ya go nyaka ga e a arabja ka mo go kgotsofatšago, “re ka kgona”. Jesu o ba boditše gore ka nnete ba tla nwa senwelo le go itemogela kolobetšo. Ba swanetše go ithuta gore bodiredi bja tutuetšo bja semoya bo tšweletše dikenywa, go tla ba le theko ya godimo kudu ye e swanetšego go lefelwa – yeo e ka se lefelwego ka tefo ye tee e bonolo fela. Mafelelong, Jakobose o kgaolwa hlogo gomme Johanese o hlokafaletše ka kgolegong, a dira mošomo o thata kudu sehlakahlakeng sa Patmose. Re ka se tlaišege ka tsela ye barutiwa ba tlaišegilego ka yona, eupša bjalo ka Bakriste, ga re a swanela go makala ge re tlela ke meleko.

Kgopolo ya tlaišego le go ba mohlanka di kgokagane. Go 1 Petrose 2:21 re bala gore, “Ke sona se Modimo a le bileditšego sona, gobane le Kriste o hlokofaditšwe ka lebaka la lena, a le tlogelela mohlala gore le o latele.” Dira nako lehono o bale 1 Petrose gomme o nagane ka pitšo ya go latela Jesu, le ge e go tlišetša tlaišego. E ba le nako ya go rapela, o naganišiša ka fao o ikemišeditšego go kgotlelela ditlaišego tša Kriste gohle moo o ka bago o le gona.