Bible Society of South Africa
Dithulaganyo tša go bala
Bohlale bjo bo sa felego
Bohlale bjo bo sa felego – Letšatši 24

Bohlale bjo bo sa felego – Letšatši 24

Lethabo le khutšo

(Di)temana ya Bibele

TITOSE 3

4Eupša e rile ge botho bja Modimo, Mophološi wa rena, le go rata batho ga gagwe di bonala, 5a re hlakodiša. E be e se ka lebaka la mediro ye e lokilego ye re e dirilego, eupša e be e le ka lebaka la kgaugelo ya gagwe ge a re hlakodiša. O re hlakodišitše ka go hlatswiwa ga rena ra tswalwa lefsa, ra ba ra fiwa bophelo bjo bofsa ka Moya wo Mokgethwa. 6Modimo o re tšhetše Moya wa gagwe ka bontši ka Jesu Kriste, Mophološi wa rena, 7gore ka kgaugelo ya gagwe re tle re lokafatšwe gomme re rue bophelo bjo bo sa felego bjo re bo holofetšego.

TITOSE 3:4-7NSO00Bula go Mmadi wa Bibele

Pesalome 126

5Ba ba bjalago ba lla,

ba tla buna ba gobela.

6Yo a yago mašemong a lla a rwele peu,

o tla boa a gobela a rwele puno.

Pesalome 126:5-6NSO00Bula go Mmadi wa Bibele

Pesalome 128

Morena o šegofatša ba ba mmoifago

Ke sefela sa ge go iwa Tempeleng Jerusalema go rapela.

1Go lehlogonolo bohle ba ba boifago Morena,

ba ba sepelago ka tsela tša gagwe.

2Wena o tla ja tše o di šometšego;

o yo lehlogonolo gomme o tla atlega.

Pesalome 128:1-2NSO00Bula go Mmadi wa Bibele

BAEFESO 2

17Ka gona, Kriste o tlile a begela batho Taba ye Botse ya khutšo – a begela lena le bego le le kgole le Modimo, a begela le bona ba bego ba le kgauswi le yena.

BAEFESO 2:17NSO00Bula go Mmadi wa Bibele

BAGALATIA 1

3Nke Modimo, Tatagorena, le Morena Jesu Kriste ba le gaugele, ba le fe khutšo.

BAGALATIA 1:3NSO00Bula go Mmadi wa Bibele

Batho ba ba lebelelago lethabo go dilo tše di bonagalago le go maipshino a nakwana ba nyamišwa ka pela. Le ge go le bjalo, ge re phela go ya le ka Lentšu la Modimo, re tla ba le lethabo le nyakalalo tša bophelo ka moka.

Bible Society of South Africav.4.26.9
RE HWETŠE GO