Batho ba ba amantšhwago le Matswalo a Jesu – letšatši la 4

Aga, pušo ka bahlankedi! Go ile gwa hwetšagala gore ditshepedišo tša taolo tše di raranego ga se dilo tše mpsha.

Kesare Agostose o bušitše go tloga ka 31 BC go ya go AD 14, nako ye e bego e tšwewa bjalo ka nako ya lethabo le katlego ya Roma. Ke yena yo mohlomong a laetšego palo ya batho ka mabaka a go kgoboketša metšhelo, go lekola maswanedi a go ka ba leloko la sešole, le go ithuta go le gontši ka mmušo le diphihlelelo tša gagwe. Kwirinioseo bušitše dikotara tše pedi bjalo ka mmušiši, ka 6-4 BC le AD 6-9, ke ka lebaka leo baithuti ba bantši ba Bibele ba dumelago gore nako ya nnete ya matswalo a Jesu e be e le mo e ka bago  4 BC.

Palo ya batho e be e se bonolo – go be go hlokega gore batho ba ingwadiše metseng ya gabobona seo se hlalošitšego gore Maria le Josefa ba be ba swanetše go tloga Nasaretha le go sepela dikilometara tše e ka bago tše 111 go ya Betlelehema. Go sa šetšwe setšo sa go tuma, ga go bolelwe ka pokolo, gomme go na le kgonagalo e ntši ya gore bobedi ba ka ba ba sepetše leeto ka maoto. Ka go naba ga go obamela taelo ya palo ya batho le mananeotshepedišo a yona ka moka, Modimo o netefaditše gore seprofeto sa Mika 5:1 se a phethagala – “Wena Betlelehema ya tikologong ya Efrata, le ge o le wo mongwe wa metsana ye menyenyane kudu mo Juda, go wena go tla tšwa mmuši wa Israele yo a tlago ntlhompha, yo lešika la gagwe e lego la bogologolo le mehleng ya kgale.”

Morago ga go kopana le barongwa le go ima ka mohlolo, leeto le le nyamišago la go ya Home Affairs mohlomong e be e se le Maria le Josefa ba bego ba le lebeletše. Ga go molaleng ka dinako ka moka go rena ka fao Modimo a šomago ka gare ga maemo a rena. Temana ya rena lehono e re hlohleletša gore le ge re phela maphelo a rena a letšatši le letšatši, re phethagatša maikarabelo a rena, Modimo o a šoma. Naa o ka gadima morago go ngwaga wo gomme wa bona letsogo la Modimo ge o nagana tša morago?