Batamela kgauswi le Modimo – Letšatši la 20

Ngaka ya Scotland, John Baillie, o ngwetše pukung ya gagwe, And the Life Everlasting, ka letšatši le a bego a dutše kgauswi le mpete wa mogwera wa gagwe yo a bego a hlokafala ntlong ya gagwe. Lebakeng le lengwe, mogwera wa gagwe o retologetše go yena gomme a re: “John, o mo dumedi yo a rutegilego … Ke eng se se ntetetšego morago ga lehu la ka?”

Go bile le nakwana ya setu ka ge John a se a, le semeetseng, ba le phetolo go potšišo ya mogwera wa gagwe. Le ge John a be a dumela go bophelo bjo bo sa felego morago ga lehu, o be a sa tsebe gore a ka hlaloša bjang go mogwera wa gagwe.

Ge bagwera ba babedi gateetee ba e kwa mongwapo lemating la pele, John a kwa o ka re Moya wo Mokgethwa o lahletše seswantšho se se itšego moyeng wa gagwe. A retologela go mogwera wa gagwe gomme a botšiša: “O a o kwa mongwapo lemating?” Mogwera wa gagwe a dumela ka hlogo. “Ke mpša ya ka e letetše ka go se fele pelo ka ntle ga lemati. Ga se ya ka ya tsena ka gare ga motse wa gago o mmotse gomme ga e tsebe gore o lebega bjang ka gare. Lega go le bjalo, e ikemišeditše go tsena. Ka lebaka la eng? Ka gobane ke mo. Go no ba bjalo ka bophelo morago ga lehu. Ga ke tsebe gabotse se se re letetšego morago ga gore re hlokafale, eupša ke lebelela pele go sona, ka gobane ke a tseba gore Modimo o fao.”

Mogwera wa John yo a bego a hlokafala a myemyela gomme a dumela ka hlogo. “Ke a leboga mogwerake, seo se lekane go nna.”

Re ka ba le nnete ya gore bophelo morago ga lehu bo re letetše?
Ee. Go Johanese 3:16 re bala gore: “Gobane Modimo o ratile lefase kudu mo a ilego a ba a le fa Morwa wa gagwe a le noši, gore mang le mang yo a dumelago go yena a se lahlege, eupša a be le bophelo bjo bo sa felego.” Gomme go 1 Johanese 2:25 re bala gore: “Gomme se Kriste ka boyena a re holofeditšego sona sese: ke bophelo bjo bo sa felego.”

Ke eng senyakwa sa bophelo bjo bo sa felego?
Go dumela go Jesu Kriste bjalo ka mophološi wa rena.

Maikemišetšo a phološo ga se fela go efoga mathata a go se fele, eupša ka gobane re kgetha Modimo le go nyaka go ba le tswalano le Yena. Ke ka lebaka leo re ka batamelago go Yena dinakong tša ge re belaela ka baratiwa ba rena, ge re hloka bohlale, maemong a a boifišago, ka gare ga diteko, lefelong la mošomo goba gaešita sehleng sa komelelo. Re dira se ka go itima dijo le go rapela, le go dira nako ya go theeletša lentšu la Modimo. Go Jakobose 4:8 re bala gore: “Batamelang Modimo, gomme le yena o tla le batamela.” Gomme go Mateu 7:7 go ngwetšwe: “Kgopelang, gomme le tla fiwa; nyakang, gomme le tla hwetša; kokotang, gomme le tla bulelwa.”

A re ikgopotšeng gore bophelo lefaseng ke bja nakwana le gore re na le boyo bja mafelelo, e lego, go sa felego le Modimo. Le ge re ka se tsebe se se re letetšego, re ka lebelela pele ka phišego ka gobane re a tseba gore Modimo o fao. Modimo a go šegofatše.