Pesalome 150

₁Retang Morena!

Retang Modimo ka Ntlongkgethwa ya gagwe!

Mo reteng ka fase ga leratadima la gagwe le legolo!

₂Mo reteleng tše maatla tše a di dirilego,

mo reteleng maatla a gagwe a magolo!

₃Mo reteng ka diphalafala,

mo reteng ka diharepa le dikgapa!

₄Mo reteng ka meropa le megobo,

mo reteng ka dikwadi le dinaka!

₅Mo reteng ka masenkana a medumomebotse,

mo reteng ka masenkana a magolo!

₆Tšohle tše di phelago a di rete Morena!

Retang Morena!