Pesalome 127

₁Ntlo ya se agwe ke Morena,

baagi ba yona ba itapišetša lefeela;

motse wa se šireletšwe ke Morena,

baleti ba wona ba o letela lefeela.

₂Ke lefeela ge le itapiša ka tša go iphediša,

le tsoga e sa le bošego,

le diega go robala;

gobane Morena, bao a ba ratago,

o ba direla ba ntše ba robetše.

₃Gape bana ke mpho ya Morena;

dikgohlwana ke moputso wa go tšwa go yena.

₄Barwa bao motho a ba tswalago e sa le yo mofsa

ba swana le mesebe atleng sa mogale.

₅Go lehlogonolo monna wa kgotlopo ye e tletšego mesebe ya mohuta woo.

A ka se boife ge a rerišana le manaba kgorong ya motse.