Pesalome 122

₁Ke ile ka thaba ge ba re go nna:

“A re yeng ntlong ya Morena.”

₂Gomme bjale šemo re fihlile,

re eme ka dikgorong tša gago,

wena Jerusalema.

₃Jerusalema ke motse wo o tsošološitšwego,

wa dintlo tša lenaneo le lebotse le peakanyo.

₄Woo dikgoro tša Israele di rotogelago go wona, dikgoro tša Morena,

go mo tumiša ka moo a laetšego Baisraele ka gona.

₅Ke mo go bego go dula magoši,

ditlogolo tša Dafida,

ge ba be ba ahlola batho ba bona.

₆Kgopelelang Jerusalema khutšo, le re:

“Ba ba go ratago a ba iketle.”

₇Ka gare ga gago a go be le khutšo,

le boiketlo bo be ka dintlong tša gago.

₈Ka lebaka la meloko yešo le bagwera ba ka ke re go Jerusalema:

“Khutšo a e be go wena!”

₉Ka lebaka la ntlo ya Morena Modimo

wa rena ke go kgopelela tše dibotse.