Mathopša ao a ilego a boela gae
1Mathopša a mantši a Juda a ile a tloga nageng ya Babilonia a boela Jerusalema le nageng ya Juda ka moka, yo mongwe le yo mongwe a ya motseng wa gabo. Kgoši Nebukadnesare wa Babilonia o be a ile a ba thopela gona Babilonia. 2Ge ba boa baetapele ba bona e be e le Serubabele, Jeshua, Nehemia, Seraya, Reelaya, Mordekai, Bilshane, Mispare, Bigbai, Rehume le Baana.
Lenaneo la dikgorwana tša Israele gotee le bontši bja batho ba tšona bao ba ilego ba boa bothopša šele:
Pahate-Moaba, ditlogolo tša Jeshua le Joaba – 2 812
Atere, yo a bego a tsebja le ka la Hiskia – 98
21-35Batho bao borakgolokhukhu ba bona ba bego ba dula metseng ye e latelago pele ba thopša le bona ba ile ba boa:
Kiriate-Jearime, Kefira le Beerote – 743
Lodo, Hadide le Ono – 725
36-39Le ke lenaneo la dikgorwana tša baprista tše di ilego tša boa bothopša:
Jedaya, ditlogolo tša Jeshua – 973
40-42Dikgorwana tša Balefi tše di ilego tša boa bothopša šedi:
Jeshua le Kadmiele, ditlogolo tša Hodabia – 74
Baopedi ba ka Tempeleng, ditlogolo tša Asafo – 128
Baleti ba masoro a Tempele, ditlogolo tša Shalume, Atere, Talmone, Akube, Hatita le Shobai – 139
43-54Tše ke dikgorwana tša bašomi ba ka Tempeleng tšeo di ilego tša boa bothopša:
Tsiha, Hasufa le Tabaote,
Hagabe, Shamlai le Hanane,
Retsine, Nekoda le Gasamo,
Asna, Bameune le Banefuse,
Bakbuke, Hakufa le Harahure,
Batslute, Mehida le Harsha,
Barkose, Sisera le Temage,
55-57Dikgorwana tša bahlanka ba Solomone tše di ilego tša boa bothopša šedi:
Sotai, Soferete le Peruda,
Jaala, Darkone le Gidele,
Shefatia, Hatile, Pokerete-Tsebaime le Ami
58Ditlogolo ka moka tša bašomi ba ka Tempeleng le tša bahlanka ba Solomone tšeo di ilego tša boa bothopša e be e le tše makgolo a mararo le masome a senyane le metšo ye mebedi.
59-60Go be go na le batho ba makgolo a a selelago le masome a mahlano a metšo ye mebedi bao e bego e le ba kgorwana ya Delaya, ya Tobia, le ya Nekoda ba ba bego ba tlogile motseng wa Tele-Melage le wa Tele-Harsha le wa Kerube le wa Adane le wa Imere; eupša ba be ba se ne bohlatse bja gore ke ditlogolo tša Baisraele.
61-62Ba dikgorwana tše di latelago tša baprista ba ile ba hloka maina a borakgolokhukhu ba bona lenaneong le le ngwadilwego la malapa: Habaya, Kotse le Barsilai. Rakgolokhukhu wa kgorwana ya baprista ya Barsilai o be a nyetše mosadi wa go tšwa kgorwaneng ya Barsilai wa Gileade, gomme a bitšwa ka leina la kgorwana ya boratswalagwe. Ka ge ba be ba sa kgone go laetša gore borakgolokhukhu ba bona ke bomang, ba ile ba se ke ba amogelwa bopristeng. 63Mmušiši wa Bajuda o ile a ba botša gore ba se ke ba ja dijo tše di abetšwego Modimo, go fihlela go eba le moprista yo a ka šomišago Urime le Tumime.
64-67Mathopša ka moka ao a ilego a boa e be e le a 42 360.
Bahlanka ba bona ba banna le ba basadi – 7 337
Baopedi ba banna le ba basadi – 200
68Ge mathopša a fihla Jerusalema, mola Tempele ya Morena e bego e le gona, baetapele ba bangwe ba dikgorwana ba ile ba ntšha dikabelo tša boithaopo go thuša gore Tempele e agwe ka lefsa gona mola e bego e agilwe pele. 69Ba ile ba ntšhetša modiro woo ka moo ba bego ba kgona ka gona, gomme gauta ya ba ya dikilokramo tše makgolo a mahlano a metšo ye lesome le ye mebedi, silibera ya ba ya dikilokramo tše dikete tše pedi le makgolo a seswai le masome a a šupago a metšo ye mehlano, diaparo tša baprista ya ba tše lekgolo.
70Baprista le Balefi le ba bangwe ba setšhaba ba dula Jerusalema le tikologong ya motse woo; baopedi le baleti ba masoro a Tempele le bašomi ba ka Tempeleng ba dula metseng ya kgauswi; Baisraele ba bangwe ka moka bona ba dula metseng yeo borakgolokhukhu ba bona ba bego ba dula go yona.
