ESTERE 10

₁Kgoši Zerksese o ile a gapeletša batho ba dilete tša lebopong la lewatle modiro gotee le ba bogareng bja naga mmušong wa gagwe. ₂Dilo ka moka tše kgolo tše di makatšago tše a di dirilego, gammogo le ditaba ka moka tša ka moo a hlatlošeditšego Mordekai maemong a godimo, di ngwadilwe ka pukung ya ditaba tša magoši a Persia le Media. ₃Mordekai, Mojuda, e be e le yena yo mogolo, a latela Kgoši Zerksese ka maemo. Bajuda ba gabo ba be ba mo hlompha ba bile ba mo rata, ka gobane o be a šomela go hola setšhaba seo sa gabo le go bolokega ga ditlogolo tša sona ka moka.