Bana ba Kgoši Dafida
1-3Bana bao Dafida a ba belegetšwego ge a be a sa le Hebrone šeba ka go hlatlamana ga bona:
Amnone, yo mmagwe e bego e le Ahinoamo wa Jesriele
Daniele, yo mmagwe e bego e le Abigaile wa Karmele
Absalomo, yo mmagwe e bego e le Maaka, morwedi wa Kgoši Talmai wa Geshure
Adonia, yo mmagwe e bego e le Hagite
Shefatia, yo mmagwe e bego e le Abitala
Jitreamo, yo mmagwe e bego e le Egla
4Ba ba selelago bao ba belegetšwe Hebrone nakong ya mengwaga ye e šupago le dikgwedi tše di selelago yeo ka yona Dafida a bušitšego a le fao.
Ge a le Jerusalema o bušitše mengwaga ye masome a mararo a metšo ye meraro, 5gomme moo a belegelwa barwa ba bantši.
Mosadi wa gagwe, Batseba, morwedi wa Amiele, o ile a mmelegela barwa ba bane, e lego Shima, Shobabe, Nathane le Solomone.
6Dafida o bile le barwa ba bangwe ba senyane, e lego Jibehara, Elishua, Elpelete, 7Noga, Nefege, Jafia, 8Elishama, Eliada le Elifelete. 9Ntle le barwa bao ka moka, Dafida o be a na le barwa ba bangwe le metlabo ya gagwe. Le gona o be a na le morwedi yo leina la gagwe e bego e le Tamare.
Ditlogolo tša Kgoši Solomone
10Lešika la Kgoši Solomone le kgokagane ka mokgwa wo: Solomone, Rehabeamo, Abia, Asa, Joshafate, 11Joramo, Ahasia, Joase, 12Amatsia, Usia, Jotamo, 13Ahase, Hiskia, Manase, 14Amone le Josia. 15Josia o be a na le barwa ba bane, e lego Johanane, Joyakime, Tsedekia le Joahase. 16Joyakime o bile le barwa ba babedi, e lego Joyakine le Tsedekia.
Barwa le ditlogolo tša Kgoši Joyakine
17Šedi ditlogolo tša Kgoši Joyakine yo a ilego a thopša ke Bababilonia. Barwa ba Joyakine e be e le Sealtiele, 18Malkiramo, Pedaya, Shenatsare, Jekamia, Hoshama le Nedabia. 19Barwa ba Pedaya e be e le Serubabele le Shimi. Barwa ba Serubabele e be e le Meshulamo le Hanania, Shelomite e le kgaetšedi ya bona. 20O bile le barwa ba bangwe ba bahlano, e lego Hashuba, Ohele, Berekia, Hasadia le Jushabe-Hesede.
21Barwa ba Hanania e be e le Pelatia le Jeshaya. Jeshaya e bile tatagoRefaya, yo e bilego tatagoArnane, Arnane tatagoObadia, Obadia tatagoShekania. 22Shekania o bile le barwa ba ba selelago, e lego Shemaya, Hatushe, Jigale, Bariage, Nearia le Shafate. 23Nearia o bile le barwa ba bararo, e lego Elioenai, Hiskia le Asrikamo. 24Elioenai o bile le barwa ba ba šupago, e lego Hodabia, Eliashibe, Pelaya, Akube, Johanane, Delaya le Anani.
