Ukuziphakamisa kweNineve nokujeziswa kwalo

3¹

Wonke ugcwele amanga nempango,

ukuphanga akupheli.

²Ngukuqhuma kwesiswebhu,

nomsindo wokugodlozela kwamasondo,

namahhashi agadulayo,

nezinqola ezixhumayo;

³ngabamahhashi abasukelayo,

nenkemba enjengelangabi, nomkhonto onyazimayo,

abaningi ababuleweyo nenqwaba yezidumbu,

kungekho ukuphela kwezidikadika;

bakhubeka ngezidikadika zabo,

⁴ngenxa yobuningi bobufebe besifebe esibukekayo,

umnikazi wokulumba,

esithengisa izizwe ngobufebe baso,

nemindeni ngamalumbo aso.

⁵

“ngiyakuphakamisa imiphetho yakho ebusweni bakho,

ngibonise izizwe ubunqunu bakho,

nemibuso ihlazo lakho.

⁶Ngiyakuphonsa okunengakayo phezu kwakho,

ngikuhlazise,

ngikubeke ube yinto ebukwayo.

⁷Kuyakuthi bonke abakubonayo bakubalekele, bathi:

‘INineve lichithekile,

ngubani oyakulililela na?’

Ngiyakukufunelaphi abaduduzi na?”

⁸

elalizungezwe ngamanzi,

elilugange lwalo lwalululwandle,

nelidonga lwalo lungamanzi, na?

⁹

uPhuthi namaLubi babe ngabasizi bakho.

¹⁰Nalo lamukiswa,

laya ekuthunjweni,

nezingane zalo zachotshozwa ezingosini zazo zonke izitaladi;

benza inkatho ngezikhulu zalo,

nabo bonke abakhulu balo baboshwa ngamaketanga.

¹¹Uyakudakwa nawe, ufihlwe;

futhi uyakufuna inqaba yokubalekela izitha.

¹²Zonke izinqaba zakho ziyimikhiwane

enamakhiwane ayingqalabutho;

uma inyakaziswa,

awela emlonyeni wodlayo.

¹³

amasango ezwe lakho avulekele impela izitha zakho,

umlilo udlile imigoqo yakho.

¹⁴Zikhelele amanzi okuvinjezelwa,

uqinise izinqaba zakho;

ngena odakeni,

uxove ibumba,

uqinise uhonela.

¹⁵Lapho umlilo uyakukuqeda,

inkemba ikunqume,

ikudle njengenkasa;

zandise njengenkasa,

zandise njengesikhonyane!

¹⁶Wandisile abathengisi bakho kunezinkanyezi zezulu;

inkasa iyakhula, indize imuke.

¹⁷Izikhulu zakho zinjengezinkumbi,

nezinduna zakho zinjengamaqulo esikhonyane

esihlezi phakathi kwezingange ngosuku olumakhaza,

kepha lapho liphuma ilanga, sindize simuke,

ingabe isaziwa indawo yaso ukuthi iphi.

¹⁸

nkosi yase-Asiriya;

abakhulu bakho bayaphumula;

abantu bakho bahlakazekile ezintabeni,

akakho obabuthayo.

¹⁹

umvimbo wakho unzima;

bonke abezwa umbiko ngawe bashaya izandla ngawe,

ngokuba ngubani ububi bakho

obungadlulelanga njalo phezu kwakhe na?