Isiprofetho ngeDamaseku

17¹

“IDamaseku liyakususwa,

lingabe lisaba ngumuzi,

libe yinxiwa nencithakalo

²eshiyiwe kuze kube phakade,

neyakuba ngeyemihlambi ebuthisa khona,

ingesatshiswa muntu.

³

nombuso eDamaseku,

nensali e-Aramu,

kube njengodumo lwabantwana bakwa-Israyeli,”

usho uJehova Sebawoti.

⁴“Kuyakuthi ngalolo suku

udumo luka Jakobe lube buthakathaka,

kuzace ukukhuluphala kwenyama yakhe.

⁵

nengalo yakhe evuna izikhwebu,

kube njengokukha izikhwebu esiGodini samaRefa.

⁶Kepha umkhothozo uyakusala khona njengokushaywa kweminqumo:

izithelo ezimbili noma ezintathu enhlokweni phezulu,

ezine noma eziyisihlanu emagatsheni omuthi,”

usho uJehova uNkulunkulu ka-Israyeli.

⁷Ngalolo suku abantu bayakumbheka uMenzi wabo,

namehlo abo ayakumbuka oNgcwele ka-Israyeli.

⁸Abayikubheka ama-altare abo,

umsebenzi wezandla zabo,

bangabuki okwenziwe yiminwe yabo,

o-Ashera* nama-altare empepho.

⁹Ngalolo suku imizi yabo enamandla iyakuba njengezindawo ezishiyiweyo zasehlathini nezaseziqongweni zezintaba abazishiya phambi kwabantwana bakwa-Israyeli zibe yincithakalo.

¹⁰Ngokuba ukhohliwe uNkulunkulu wokusindiswa kwakho,

awukhumbulanga idwala lamandla akho;

ngalokho noma utshala izithombo ezimnandi,

uhlwanyele amahlumela angaziwayo,

¹¹ngosuku lokutshala kwakho,

lapho ubiyela,

nangokusa kokuhlwanyela kwakho,

lapho wenza ukuba kuqhakaze,

ukuvuna kuyakubaleka ngosuku losizi

nolobuhlungu obungenakupholiswa.

¹²

ezihlokoma njengokuhlokoma kwezilwandle,

nomsindo wokuxokozela kwabezizwe

abaxokozela njengokuxokozela kwamanzi amaningi.

¹³

kodwa uyakuzisola, zibalekele kude,

zixoshwe njengamakhoba asezintabeni phambi komoya,

nothuli olushwilayo phambi kwesiphepho.

¹⁴

kungakasi azisekho.

Yilesi esiyisabelo sabasiphangayo,

nenkatho yabasamukayo.