Intshayelelo

1¹La ngamazwi ka-Amos, owayengomnye wabafuyi baseTekowa, abhekiselele koko wakubonayo ngokuphathelele kumaSirayeli, ngexesha u-Uziya2 Kum 15:1-7; 2 Gan 26:1-23 wayengukumkani kwaJuda, yena uJerobhowam2 Kum 14:23-29 unyana kaJowashe engukumkani kwaSirayeli, iminyaka emibini phambi kwenyikima.

²Wathetha wenjenje uAmos:

“*UNdikhoyo angabharhumla kwintab' iZiyon,

iziwi lakhe lingazongoma livela ngaseJerusalem,Jow 3:16

amadlelo atsho abharhe,

yona incopho yentaba iKarmele itshaze.”

Isigwebo sikaThixo kubamelwane bamaSirayeli: Ama-Aram

³Utsho *uNdikhoyo ukuthi:

“Nokuba iDamaskoIsaya 17:1-3; Jer 49:23-27; Zakar 9:1 yayone izihlandlo zazithathu

ngendingasirhoxisanga isohlwayo sam.

Kambe ke suke yagqithisa ngokona isihlandlo sesine.

Kaloku ibhule iGiliyadi ngesileyi sokubhula esimazinyo ayintsimbi.

⁴Ngoko ke ndiza kulintumeka ngomlilo ibhotwe likaHazayeli,

zitshe ziphele nqu iinqaba zikaBhenadadi.

⁵Ndiza kuwadiliza amasango aseDamasko,

ndibasiphule neengcambu abemi bentili yaseAven

kunye nezo ziphathamandla zaseBhete-eden.

Ama-AramOko kukuthi “amaSiriya” aya kuthinjwa, asiwe eKire.”

Utsho uNdikhoyo.

AmaFilistiya

⁶Utsho *uNdikhoyo ukuthi:

“Nokuba iGaza yayone izihlandlo zazithathu

ngendingasirhoxisanga isohlwayo sam.

Kambe ke suke yagqithisa ngokona isihlandlo sesine.

Kaloku bona bathimba isizwe siphela,

basithengisa saba ngamakhoboka kwaEdom.

⁷Ngoko ke ndiza kuluntumeka ngomlilo udonga lwaseGaza,

zitshe ziphele nqu iinqaba zalapho,

⁸ndibasiphule neengcambu abemi baseAshdode

kunye nezo ziphathamandla zaseAshkelon,

ndiziphanzise iidolophu zase-Ekron,

kungasali nempunde le kumaFilistiya.”Isaya 14:29-31; Jer 47:1-7; Hez 25:15-17; Jow 3:4-8; Zefan 2:4-7; Zakar 9:5-7

Itsho iNkosi uNdikhoyo.

AmaTire

⁹Utsho *uNdikhoyo ukuthi:

“Nokuba iTireIsaya 23:1-18; Hez 26:1 – 28:19; Jow 3:4-8; Zakar 9:1-4; Mat 11:21-22; Luka 10:13-14 yayone izihlandlo zazithathu

ngendingasirhoxisanga isohlwayo sam.

Kambe ke suke yagqithisa ngokona isihlandlo sesine.

Kaloku bona bathimba isizwe siphela,

basithengisa saba ngamakhoboka kwaEdom,

suka bawutyeshela umnqophiso wobuzalwana.

¹⁰Ngoko ke ndiza kuluntumeka ngomlilo udonga lwaseTire,

zitshe ziphele nqu iinqaba zalapho.”

AmaEdom

¹¹Utsho *uNdikhoyo ukuthi:

“Nokuba amaEdomIsaya 34:5-17; 63:1-6; Jer 49:7-22; Hez 25:12-14; 35:1-15; Obhad 1-14; Mal 1:2-5 ayone izihlandlo zazithathu

ngendingasirhoxisanga isohlwayo sam.

Kambe ke suke agqithisa ngokona isihlandlo sesine.

Kaloku wona awaqweqwedisa ngekrele amawabo,

ayitsho yaphela tu imfobe yokuzalana,

awaqwenga enomsindo ongapheliyo,

umsindo ongathibazekiyo.

¹²Ngoko ke ndiza kuyintumeka ngomlilo iTeman,

zitshe ziphele nqu iinqaba zaseBhozera.”

Ama-Amon

¹³Utsho *uNdikhoyo ukuthi:

“Nokuba ama-AmonJer 49:1-6; Hez 21:28-32; 25:1-7; Zefan 2:8-11 ayone izihlandlo zazithathu

ngendingasirhoxisanga isohlwayo sam.

Kambe ke suke agqithisa ngokona isihlandlo sesine.

Kaloku wona aqangqulula abafazi abakhulelweyo baseGiliyadi

ukuze bandise imida yabo.

¹⁴Ngoko ke ndiza kuluntumeka ngomlilo udonga lwaseRabha,

zitshe ziphele nqu iinqaba zalapho.

Kovakala intlaba-mkhosi mhla ngedabi,

kuvuthuze umoyakazi ngemini yesaqhwithi.

¹⁵Uya kuthinjwa ukumkani wawo,

yena kunye namaphakathi akhe.”

Utsho uNdikhoyo.

AmaMowabhi

2¹Utsho *uNdikhoyo ukuthi:

“Nokuba amaMowabhiIsaya 15:1 – 16:14; 25:10-12; Jer 48:1-47; Hez 25:8-11; Zefan 2:8-11 ayone izihlandlo zazithathu

ngendingasirhoxisanga isohlwayo sam.

Kambe ke suke agqithisa ngokona isihlandlo sesine.

Kaloku wona awatshisa aluthuthu amathambo kakumkani wase-Edom.

²Ngoko ke ndiza kulintumeka ngomlilo elakwaMowabhi,

zitshe ziphele nqu iinqaba zaseKeriyoti.

Aya kufa kuloo mbodamo amaMowabhi,

kuvakala intsholo yentlaba-mkhosi nezigodlo.

³Ndiya kuzicim' igama iziphathamandla zalapho,

nezinxiba-mxhaka zabo zife kunye nabo.”

Utsho uNdikhoyo.

AmaJuda

⁴Utsho *uNdikhoyo ukuthi:

“Nokuba amaJuda ayone izihlandlo zazithathu

ngendingasirhoxisanga isohlwayo sam.

Kambe ke suke agqithisa ngokona isihlandlo sesine.

Kaloku wona awulahlile umyalelo kaNdikhoyo,

akayigcina imimiselo yakhe,

suka alahlekiswa ngamampunge,

nditsho amampunge awayelandelwa ngooyise.

⁵Ngoko ke ndiza kulintumeka ngomlilo elakwaJuda,

zitshe ziphele nqu iinqaba zaseJerusalem.”

Isigwebo sikaThixo kumaSirayeli

⁶Utsho *uNdikhoyo ukuthi:

“Nokuba amaSirayeli ayone izihlandlo zazithathu

ngendingasirhoxisanga isohlwayo sam.

Kambe ke suke agqithisa ngokona isihlandlo sesine.

Kaloku wona azuza imali ngokuthengisa ngabantu abathembekileyo,

ihlwempu lona ananise ngalo ngeembadada.

⁷Iindwayi azinyhasha iintloko zibe luthuli,

zona iimpula-kalujaca azitsho ziphume endleleni.

Unyana noyise babolekisana ngenkazana enye,

benyelisa igama lam elingcwele.

⁸AmaSirayeli ahamba ezandlala kumaqonga ngamaqonga,

etsho ngezambatho azithimbileyo,

endlwini yothixo wawo asele iwayini ayithathe kubantu abadliweyo.

⁹“Ndim kaloku owawatshabalalisayo ama-Amori phambi kwamaSirayeliHlaz 3:8-11 –

nditsho eziya ngxilimbela zibude bunga ngumthi womsedare,

nokomelela kunga ngum-oki,

ndazitshabalalisa iziqhamo zawo phezulu,

ndazisiphula iingcambu ezantsi.

¹⁰Ndim owanikhupha eJiputa,

ndanikhapha amashumi amane eminyaka nisentlango,

nada naya kuhlutha umhlaba wama-Amori.

¹¹Ndim owenza abanye boonyana benu baba *ngabashumayeli,

abanye baba ngamalolo kaNdikhoyo?Ntlango 6:1-8

Akunjalo yini na, bonyana bakaSirayeli?”

Nguwo lowo umlomo kaNdikhoyo.

¹²“Loo malolo nina niwangxale iwayini,

*kubashumayeli nathi: ‘Musani ukushumayela.’

¹³“Mna ke ndiza kunenza nixinge apho nikhoyo,

oku kwenqwelo exinga kukuzala zizithungu.

¹⁴Akuyi kusinda noyena unamendu umntu,

nezigantsontso ziya kutsho ziphelelwe ngamandla,

ikroti lingabi nako ukusindisa ubomi balo,

¹⁵kunkwantye nkqu neencutshe zeentolo,

imbaleki ingabi nakuphuncuka,

kungasindi nokhwele ehashini.

¹⁶Ewe, nelona laziwayo igorha liya kuswantsula zé ngaloo mini.”

Nguwo lowo umlomo kaNdikhoyo.