Tshivenda 1998 (VEN98)
8

Mashudu a ḓaho a Jerusalema

81Ipfi ḽa Muṋe washu Mulangazwoṱhe ḽa dovha ḽa ḓa kha nṋe ḽa ri, 2

8:2
Zak. 1:14
“Yahavee Mulangazwoṱhe u ri: Tsioni ndi a hu funa lwa u tou sinyuwa, mbilu yanga i tou hu swela.”

3
8:3
Yes. 2:31:26
Muṋe washu u ri,

“Ndi ḓo vhuelela Tsioni nda dzula Jerusalema.

Ndi hone Jerusalema u tshi ḓo pfi ‘Muḓi u fulufhedzeaho’,

thavha ya Yahavee Mulangazwoṱhe ya pfi

‘Thavha Khethwa.’ ”

4

8:4
Yes. 65:20
Muṋe washu Mulangazwoṱhe u ri,

“Mikotoni ya Jerusalema hu ḓo dovha ha dzula

vhakalaha na vhakegulu,

muṅwe na muṅwe o fara mugo nga u lalama.

5Mikoto ya muḓi i ḓo ḓala vhatukana na vhasidzana

vha tshi khou tamba henefho.”

6

8:6
Jer. 32:17
Muṋe washu Mulangazwoṱhe u ri,

“Arali tsalela dza vhathu avha vha tshi vhona

izwo zwa misi yeneyo zwi tshi nkunda,

kani-ha zwi amba uri na Nṋe ndi ḓo vhona zwi tshi nkunda?”

Hu amba Muṋe washu Mulangazwoṱhe.

7

8:7
Yes. 11:11-12
Muṋe washu Mulangazwoṱhe u ri,

“Ndi ḓo tshidza vhathu vhanga

nda vha bvisa mashangoni a vhubvaḓuvha na a vhukovhela.

8

8:8
Jer. 24:7
Ndi ḓo vha vhuisa vha dzula Jerusalema.

Vha ḓo vha vhathu vhanga,

Nṋe nda vha Mudzimu wavho a fulufhedzeaho a sa ṱaluli.”

9

8:9
Esra 3:10
Muṋe washu Mulangazwoṱhe u ri, “Inwi vhane zwino na khou pfa maipfi haya o ambiwaho nga vhaporofita musi hu tshi tewa muteo wa nnḓu ya Yahavee Mulangazwoṱhe, khwaṱhisani zwanḓa zwaṋu uri thembele i fhaṱiwe. 10
8:10-13
Hagai 2:15-19
Muteo u sa athu tewa, munna a tshi shuma o vha a sa wani malamba, na phukha dzo vha dzi tshi shuma nga fhedzi, mulimi o vha a sa koni u shuma mishumo yawe o tsireledzea, nga u anda ha maswina. Ndo vha ndi tshi luṱanya muthu na muṅwe. 11Huno zwino tsalela dza lushaka ulu a thi nga dzi iti zwe nda ita u rangani.” Hu amba Muṋe washu Mulangazwoṱhe. 12“Mbeu i vho ḓo aluwa zwavhuḓi, minḓirivhe i ḓo aṋwa mitshelo yayo, mavu a ḓo bveledza zwimela zwao, ḽiṱaḓulu ḽi ḓo wisa ṅwando waḽo. Mashudu oṱhe hayo ndi ḓo a ṋea tsalela dza lushaka holu. 13
8:13
Gen. 12:2
22:18
26:4
Jer. 24:9
42:18
Inwi vhathu vha Juda na Israele, vhunga tshakha dzo vha dzi tshi teketelana nga dzina ḽaṋu, zwino ndi ḓo ni tshidza, vhathu vha vho ḓo shudufhadzana nga dzina ḽaṋu. Ni songo ofha tshithu, ni songo kulea nungo.”

14Muṋe washu Mulangazwoṱhe u ri, “Ndo vhuya nda elekanya u ni ḓisela khombo, nda si ni pfele vhuṱungu, zwiḽa vhokhotsi aṋu vho ntsinyusa,” hu amba Muṋe washu Mulangazwoṱhe, 15“zwino-ha ndo elekanya u itela vhathu vha Jerusalema na Juda zwivhuya. Ni songo ofha tshithu. 16

8:16-17
Zak. 7:8-10
Zwine na fanela u zwi ita ngezwi: Vhudzanani ngoho, tsengoni dzaṋu hu vhe na khaṱhulo ya ngoho i pfalaho; 17ni songo lukelana vhunwa, ni songo anela mazwifhi. Zwoṱhe hezwo ndi a zwi vhenga.” Hu amba Muṋe washu.

18Ipfi ḽa Muṋe washu Mulangazwoṱhe ḽa dovha ḽa amba na nṋe ḽa ri, 19

8:19
Zak. 7:3,5
“Yahavee Mulangazwoṱhe u ri, ‘Nga ṅwedzi wa vhuṋa na wa vhuṱanu na wa vhuṱanu na vhuvhili na wa fumi vhathu vha Juda a vha tsha ḓo ḓidzima swiḽiwa; maḓuvha eneo a vho ḓo vha vhuṱambo ha dakalo na u pembela. Hone tshaṋu ndi u funa ngoho na mulalo.’ ”

20

8:20-22
Zak. 14:16
Yes. 2:2-3
Muṋe washu Mulangazwoṱhe u ri, “Hu kha ḓi ḓo ḓa tshakha nnzhi na vhadzulapo vha miḓi minzhi. 21Vhadzulapo vha muṅwe muḓi vha ḓo ya kha muṅwe vha ri, ‘Nḓarieni zwino ri yo luvha Yahavee, ri yo vhudzisa Yahavee Mulangazwoṱhe; nṋe thi sali.’ 22Tshakha nnzhi na tshakha dza maanḓa dzi ḓo ḓa Jerusalema dza vhudzisa Yahavee Mulangazwoṱhe dza mu luvha.”

23Muṋe washu Mulangazwoṱhe u ri, “Misi yeneyo vhathu vha fumi vha no bva kha vhathu vha nyambo dzoṱhe na tshakha dzoṱhe vha ḓo nambatela Mujuda muthihi vha mu fara nga lupendelo lwa khanzu yawe vha ri, ‘Ri a ṱuwa-vho na inwi; ro pfa upfi Mudzimu u na inwi!’ ”