Tshivenda 1998 (VEN98)
4

Bono ḽa vhuṱanu: Tshivheambone na miolivi mivhili

41

4:1
Zak. 1:9
Muruṅwa we a vha a tshi khou amba na nṋe a dovha a mmvusa unga muthu a tshi vusa muṅwe khofheni. 2
4:2
Ek. 25:31-40
A mmbudzisa a ri, “U khou vhona mini?” Nṋe nda fhindula nda ri, “Ndi khou vhona tshivheambone tsha musuku tshoṱhe, nṱha hatsho hu na mudzio wa mapfura, tshi na mbone ṱhanu na mbili, luvhone luṅwe na luṅwe lu na thambo ṱhanu na mbili. 3Tsini hatsho hu na miri mivhili ya miolivi, muṅwe u thungo ya tshauḽa tsha mudzio wa mapfura, muṅwe thungo ya tshamonde.”

4Nṋe nda vhudzisa muruṅwa we a vha a tshi khou amba na nṋe nda ri, “Muṋe wanga, izwi ndi mini?” 5Ene a fhindula a ri, “A u ḓivhi uri izwi ndi mini?” Nṋe nda fhindula nda ri, “A thi zwi ḓivhi, muṋe wanga.”

6

4:6-7
Hagai 2:4-5
Ndi hone muruṅwa a tshi amba na nṋe a ri, “Heḽi ndi ipfi ḽa Muṋe washu ḽi no amba na Zerubabele ḽi ri,

“ ‘A ni nga zwi koni nga maanḓa a mmbi

kana nga nungo dzaṋu,

zwi ḓo itwa nga Muya wanga,’

hu amba Yahavee Mulangazwoṱhe.

7Iwe thavha khulu,

nangwe wo hula hani,

Zerubabele u ḓo vhona u mavu o linganelaho.

Ú ḓo inga tombo ḽa tshiuludza ha ṱavhiwa mukosi ha pfi,

‘Ḽo naka hani! Ḽo naka hani!’ ”

8Ndi hone ipfi ḽa Muṋe washu ḽi tshi amba na nṋe ḽa ri,

9

4:9-10a
Esra 3:8-13
6:14-16
Hagai 2:3
“Zwanḓa zwa Zerubabele zwo tea muteo wa thembele hei,

zwenezwo zwanḓa zwawe zwi ḓo i ṱhaphudza.

Ndi hone u tshi ḓo zwi ḓivha

uri Yahavee Mulangazwoṱhe o nthuma ha inwi.

10Ndi nnyi ane a nyadza musi wa mishumo miṱuku?

Vhathu vha ḓo pembela vha tshi vhona Zerubabele

o fara tombo ḽa tshiuludza.

“Mbone hedzi ṱhanu na mbili ndi maṱo a Yahavee, a vhona zwoṱhe zwi re kha ḽifhasi.”

11Nṋe nda vhudzisa muruṅwa nda ri, “Miri iyi mivhili ya miolivi, muṅwe u re thungo ya tshauḽa tsha tshivheambone, muṅwe u re thungo ya tshamonde, i amba mini?” 12Nda dovha nda mu vhudzisa nda ri, “Matavhi aya mavhili a muolivi ane a khou shulula mapfura nga phaiphi mbili dza musuku a amba mini?”

13Ene a mmbudzisa a ri, “A u ḓivhi uri izwi zwi amba mini?” Nṋe nda ri, “Muṋe wanga, a thi zwi ḓivhi.”

14

4:14
Zak. 6:13
Ek. 29:7
1 Sam. 16:12-13
Nzumb. 11:4
Ndi hone a tshi ri, “Havha ndi vhavhili vhe vha tiwa vha ḓodzwa uri vha shumele Muṋe wa ḽifhasi ḽoṱhe.”

5

Bono ḽa vhuṱanu-na-vhuthihi: Bugu i fhufhaho

51Ndi tshi dovha u lavhelesa, nda vhona bugu i fhufhaho. 2Muruṅwa a mmbudzisa a ri, “U khou vhona mini?” Nṋe nda fhindula nda ri, “Ndi khou vhona bugu i fhufhaho, vhunavha hayo ndi mitha dza fumi, vhuphara ndi mitha ṱhanu.”

3

5:3
Dot. 27:14-26
Ndi hone a tshi mmbudza a ri, “Zwo ṅwalwaho khayo zwi teketela shango ḽoṱhe. Fobvu ḽiṅwe na ḽiṅwe ḽi ḓo lifhedzwa hu tshi tevhedzwa deketelo ḽeneḽo zwa ḓi nga ane a anela mazwifhi, na ene u ḓo lifhedzwa hu tshi tevhedzwa ḽone. 4Yahavee Mulangazwoṱhe u ri, ‘Deketelo iḽo ndi ḓo ḽi ruma ḽa dzhena nḓuni ya fobvu na nḓuni ya ane a anela mazwifhi nga dzina ḽanga. Ḽi ḓo dzula henefho nḓuni ḽa i ṱahadza, ḽa fheṱa matanda ayo na matombo ayo.’ ”

Bono ḽa vhuṱanu-na vhuvhili: Musadzi a re tshirunduni

5Ndi hone muruṅwa we a vha a tshi khou amba na nṋe a tshi ḓa a mmbudza a ri, “Lavhelesa u vhone uri tshi no khou bvelela ndi mini.”

6Nṋe nda vhudzisa nda ri, “Ndi tshithu-ḓe?” Ene a fhindula a ri, “Ndi tshirundu tsha u ela.” A dovha a ri, “Tshirundu hetshi ndi milandu ya vhathu vha re shangoni heḽi ḽoṱhe.”

7Ha mbo ḓi tibulwa tshitibo tsha mutobvu, nda vhona musadzi o dzula ngomu ha uyo mufaro!

8

5:8
Esek. 2:3-5
Muruṅwa a ri, “Hovhu ndi vhuvhi.” A mbo ḓi mu sukumedzela tshirunduni, a tshi tiba nga tshitibo tshatsho tsha mutobvu. 9Ndi tshi lavhelesa nda vhona vhasadzi vhavhili vha tshi bvelela, muya wa ṱharamudza phapha dzavho! Vho vha vhe na phapha dzi no nga dza gololwane, vha takula tshiḽa tshirundu tsha vha vhukati ha ḽiṱaḓulu na ḽifhasi.

10Nṋe nda vhudzisa uḽa muruṅwa we a vha a tshi khou amba na nṋe nda ri, “Vha khou isafhi uyo mufaro?”

11Ene a fhindula a ri, “Tshirundu itsho tshi khou yo fhaṱelwa thembele shangoni ḽa Babele. I ḓo ri u fhela, tshirundu tsha vhewa henefho nṱha ha khuluṋoni.”

6

Bono ḽa vhuṱanu-na-vhuraru: Gariki nṋa dza nndwa

61

6:1-8
Zak. 1:8-12
Nda dovha u lavhelesa, nda vhona gariki nṋa dza nndwa dzi tshi bva vhukati ha thavha mbili, thavha dza musinaseṱha! 2Gariki ya u thoma yo vha i tshi khou kokodzwa nga bere khunweu, ya vhuvhili nga bere ntswu, 3ya vhuraru nga tshweu, ya vhuṋa nga phaswa, bere dzoṱhe dzí na maanḓa. 4Nda vhudzisa muruṅwa we a vha a tshi khou amba na nṋe nda ri, “Muṋe wanga, izwi zwi amba mini?”

5

6:5-6
Jer. 49:36
Ps. 104:3-4
148:8
Yes. 66:15
Jer. 4:13
Muruṅwa a fhindula a ri, “Hei ndi mimuya miṋa ya ṱaḓulu, i bva he ya vha yo ima phanḓa ha Muṋe wa ḽifhasi ḽoṱhe.Kha hu sedzwe Ps. 104:3-4; 148:8; Jer. 49:36; 4:13; Yes. 66:15. 6Gariki i no khou kokodzwa nga bere ntswu i khou ya shangoni ḽa devhula, i no khou kokodzwa nga tshweu i khou ya vhukovhela, i no khou kokodzwa nga phaswa i khou ya tshipembe, i no khou kokodzwa nga khunweu i khou ya shangoni ḽa vhubvaḓuvha.”

7Bere dza nungo dza bva dzi tshi yo buḓekanya ḽifhasi ḽoṱhe. Muruṅwa a ri, “Iyani u buḓekanya ḽifhasi!” Dza mbo ḓi yo buḓekanya ḽifhasi. 8Ndi hone a tshi mmbidzelela a ri, “Vhona, dziḽa dzi no ya shangoni ḽa devhula dzi yo bveledza u tshidza hanga dza dzikisa muya wanga shangoni ḽa devhula.”Shango ḽa devhula ndi he Majuda vha vha vho thubelwa hone, ha vha u lifha mulandu wa u shandukela Muṋe washu.

Hu tshi pfi Joshua a ambadzwe khare ya vhuhosi

9Ipfi ḽa Muṋe washu ḽa amba na nṋe ḽa ri, 10“U mbo ḓi ya hayani ha Josia ṅwana wa Tsefania. Henefho u ḓo wana Heledai na Tobia na Jedaya, vha tshi kha ḓi bva u swika vha tshi bva Babele. Vho ḓa na nduvho 11ya siliva na musuku. I dzhie, u ite khare ya vhuhosi, u i ṋee tshifhe muhulu, Joshua ṅwana wa Jehotsadaka. 12

6:12-13
Zak. 3:84:6-10Hagai 2:20-23
U mu vhudze uri Yahavee Mulangazwoṱhe u ri, ‘Hu na munna ane a pfi Ḓadzwane ḽa Dafita; u ḓo bvela phanḓa nga u ṱavhanya, a vusa thembele ya Yahavee. 13
6:13
Zak. 4:14
Ndi ene a no ḓo vusa thembele ya Yahavee. U ḓo ambadzwa maanḓa a vhuhosi, a dzula kha khuluṋoni a vhusa. U ḓo vhusa na tshifhe, avho vhavhili vha anḓana ha vha na mulalo. 14
6:14
Zak. 6:10
Iyo khare i ḓo vhewa thembeleni yanga ya vha tshihumbudzo tsha Heledai na Tobia na Jedaya na tsha vhuthu ha ṅwana wa Tsefania.

15

6:15
Yes. 60:10
Zak. 8:20-23
Nzumb. 21:26
“ ‘Vhathu vha ḓo ḓa vha tshi bva kule, vha farisa u vusa thembele ya Yahavee. Ndi hone ni tshi ḓo ḓivha uri Yahavee Mulangazwoṱhe o nthuma ha inwi. Hezwo zwi ḓo itea arali ni tshi thetshelesa Yahavee Mudzimu waṋu nga mbilu yoṱhe.’ ”