Tshivenda 1998 (VEN98)
1

Hu tshi pfi vhathu vha vhuye kha Muṋe washu

11

1:1
Hagai 1:1
Esra 5:1
Nga ṅwaha wa vhuvhili wa muvhuso wa Dariosi, nga ṅwedzi wa vhuṱanu na vhuraru, ipfi ḽa Muṋe washu ḽa amba na muporofita Zakaria ṅwana wa Berekhia ṅwana wa Ido ḽa ri, 2
1:2-3
Mal. 3:7
Yes. 54:8
2 Koron. 30:6
“Ndo vha ndo sinyutshela vhomakhulukuku waṋu zwihulu. 3Zwenezwo vhudza vhathu u ri: Yahavee Mulangazwoṱhe u ri, ‘Vhuyani kha Nṋe, na Nṋe ndi ḓo konou vhuela ha inwi,’ hu amba Nṋe Yahavee Mulangazwoṱhe. 4
1:4,6
Yes. 1:18-20
7:9
30:15-17
Jer. 7:1-15
25:1-8
Am. 5:4-6,14-15
Tsef. 2:1-3
Zwililo 2:17
Ni songo nga vhomakhulukuku waṋu; vhaporofita vha u ranga vho vha ḓivhadza vha ri, ‘Yahavee Mulangazwoṱhe u ri: Laṱani nḓila dzaṋu mmbi, na zwiito zwaṋu zwivhi, hone vhone vha si nthetshelese, vha si zwi londe,’ hu amba Nṋe Yahavee. 5Vhomakhulukuku waṋu vha ngafhi zwino? Vhaporofita avho vhone vha tshee hone naa? 6A thi ri vhomakhulukuku waṋu vho nyadza maipfi anga na ndaela dzanga dze nda vha vhudza nga milomo ya vhaḓinḓa vhanga vhaporofita, vha fhedza nga u tambula? Ngavhuya vho ḓisola vha ri, ‘Yahavee Mulangazwoṱhe o ri ita zwe a ḓiimisela u zwi ita, a ri ita zwo fanelaho nḓila dzashu na zwiito zwashu.’ ”

Mabono a Zakaria

(1:7 – 6:8)

7

1:7
Zak. 1:1
Hagai 2:10
Nga ḓuvha ḽa 24 ḽa ṅwedzi wa 11, wone ṅwedzi wa Shebathi, nga ṅwaha wa vhuvhili wa muvhuso wa Dariosi, ipfi ḽa Muṋe washu ḽa amba na muporofita Zakaria ṅwana wa Berekhia, ṅwana wa Ido. Zwo ḓa nga hei nḓila:

Bono ḽa u thoma: Dzibere

8

1:8-12
Zak. 6:1-8
Ndo vhona bono vhusiku. Nda vhona munna o namela bere khunweu! O vha o ima vhukati ha miṱhaḽa govhani, murahu hawe hú na dziṅwe bere, khunweu na dzothwa na tshweu. 9Nda vhudzisa nda ri, “Izwi ndi mini, muṋe wanga?” Muruṅwa we a vha a tshi khou amba na nṋe a fhindula a ri, “Ndi ḓo u sumbedza uri ndi mini.” 10Ndi hone munna o imaho vhukati ha miṱhaḽa a tshi ṱalutshedza a ri, “Ndi vhone vhe Yahavee a vha ruma u tandula ḽifhasi.”

11Ndi hone vha tshi vhika kha muruṅwa wa Muṋe washu o imaho vhukati ha miṱhaḽa vha ri, “Ro vha ri tshi khou tandula ḽifhasi, ra wana ḽifhasi ḽoṱhe ḽo dzika ḽi na mulalo.”

12

1:12
Jer. 25:11Ps. 102:13
Zwenezwo Muruṅwa wa Muṋe washu a amba a ri, “Yahavee Mulangazwoṱhe, u ḓo litsha u khathutshela Jerusalema na miḓi ya Juda u swika lini? Hufha wo i sinyutshela ha vhuya ha fhela miṅwaha ya 70!”

13Ndi hone Muṋe washu a tshi fhindula uyo muruṅwa we a vha a tshi khou amba na nṋe, a mu vhudza maipfi a takadzaho a rudzaho mbilu. 14

1:14
Zak. 3:2
8:2
Yes. 54:6-8
Juele 2:18
Tsef. 3:16-17
Uyo muruṅwa we a vha a tshi khou amba na nṋe ndi hone a tshi mmbudza a ri, “Ḓivhadza u ri, ‘Yahavee Mulangazwoṱhe u ri: Jerusalema na Tsioni ndi pfa ndi tshi hu funesa, 15
1:15
Yes. 47:6
hone tshakha dzine dza pfa dzo tsireledzea ndo dzi sinyutshela nga mbiti. A vha Nṋe ndo vha ndo tou sinyuwanyana, hone vhone vha tshi dia vhathu vha vho tou kalula. 16
1:16
Zak. 4:7
8:3,9
2:5-9
Hagai 1:14-15
Yes. 44:26Jer. 31:38
Zwenezwo Yahavee u ri: Ndi ḓo khathutshela Jerusalema nda vhuelela khawo, henefho hu ḓo vuswa thembele yanga. Jerusalema u ḓo dovha wa fhaṱiwa.’ Hu amba Yahavee Mulangazwoṱhe.

17

1:17
Hagai 2:9
“Dovha u ḓivhadze, ‘Yahavee Mulangazwoṱhe u ri: Miḓi yanga zwi ḓo dovha zwa i nakela zwivhuya zwa tou fhalala, Yahavee u ḓo dovha a khathutshela Tsioni, Jerusalema a dovha a u ita muḓi wawe.’ ”

Bono ḽa vhuvhili: Ṋanga na vhafuli

18

1:18
Zak. 6:1,5
Esek. 37:9
Zwenezwo ndi tshi lavhelesa nda vhona ṋanga nṋa! 19
1:19
Zak. 1:9
Nda vhudzisa muruṅwa we a vha a tshi khou amba na nṋe nda ri, “Izwi ndi mini?” Ene a fhindula a ri, “Hedzi ndi ṋanga dzo balanganyaho Juda na Israele na Jerusalema.” 20Ndi hone Muṋe washu a tshi ntsumbedza vhafuli vhaṋa vha tsimbi. 21Nṋe nda vhudzisa nda ri, “Avha vhathu vha khou ḓa u itani?” Ene a fhindula a ri, “Hedzi ndi ṋanga dze dza balanganya Juda, ha si vhe na we a linga u vusa ṱhoho, hone avha vho ḓa u tshenusa dzitshakha na u kula ṋanga dzadzo dza wela fhasi, ha si tsha sala lushaka lune lwa nga imisa luṋanga lwa lwa na Juda lwa balanganya vhathu vhaḽo.”

2

Bono ḽa vhuraru: Munna o faraho muelo

21

2:1
Esek. 40:3
Nda dovha nda lavhelesa, nda vhona munna o fara muelo nga tshanḓa! 2
2:2
Zak. 1:16
Nda mu vhudzisa nda ri, “Vha khou ya ngafhi?”

Ene a fhindula a ri, “Ndi khou ya u ela Jerusalema, ndi ṱoḓa u wana vhunavha hawo na vhuphara hawo.”

3Ndi hone muruṅwa we a vha a tshi khou amba na nṋe a tshi bvelela, ha ḓa muṅwe muruṅwa u mu ṱanganedza. 4Uḽa wa u ranga a vhudza wa vhuvhili a ri, “Gidima u yo vhudza uyo muṱhannga o faraho muelo u ri, ‘Jerusalema u ḓo vha muḓi u si na mitsheṱo, nga u anda ha vhathu na thakha ngomu hawo. 5

2:5
Zak. 9:8
Yes. 60:1,19
Nzumb. 21:3,5
Yes. 4:5
Gen. 3:24
Ek. 13:21
14:20
Ps. 34:7
Nṋe muṋe ndi ḓo vha mutsheṱo wa mulilo wo monaho nawo, nda vha lupenyo lwawo ngomu hawo.’ ”

Mathubwa a tshi pfi a vhuye hayani

6

2:6
Jer. 51:45
Muṋe washu u ri, “Iḓani! Iḓani! Shavhani ni ṱuwe shangoni ḽa devhula, na khuḓani nṋa dza shango he nda ni balanganyela hone! Hu amba Nṋe Yahavee. 7
2:7
Obadia 17
Vhuya! Ponyoka u shavhele Tsioni, iwe u dzulaho Babele!” 8Muṋe washu Mulangazwoṱhe we a nthuma uri ndi thube vhugala ha dzitshakha u ri, “Ane a vhuya a ni kwama o nndonga munwe iṱoni.” A tshi amba tshakha dze dza ni ṱangula, u ri, 9
2:9
Hab. 2:7-8
Yes. 14:2
61:6
“Vhukuma ndi ḓo angaladza tshanḓa tshanga nda vha rwa, vha vhuya vha ṱangulwa na nga phuli dzavho.” Ndi hone ni tshi ḓo ḓivha uri ndi muruṅwa wa Muṋe washu Mulangazwoṱhe.

10

2:10
Zak. 9:9
Yes. 12:6
Esek. 37:28
Muṋe washu u ri, “Iwe Ṅwananyana Tsioni, ṱavha mukosi u takale. Nṋe ndi khou ḓa, ndi ḓo dzula na inwi. 11
2:11a
Zak. 8:20-23
Yes. 2:2-3
Tshakha nnzhi musi wonoyo dzi ḓo ḓibaḓekanya na Nṋe, dza vha vhathu vhanga. Ndi ḓo dzula na inwi.”

Ndi hone ni tshi ḓo zwi ḓivha uri Muṋe washu Mulangazwoṱhe o nthuma ha inwi. 12

2:12
Zak. 1:17
Muṋe washu u ḓo dzhia Juda wa vha mukovhe wawe shangoni ḽikhethwa, Jerusalema wa dovha wa vha muḓi une a u funesa. 13
2:13
Hab. 2:20
Fhumulani phanḓa ha Muṋe washu inwi vhathu noṱhe vha ḽifhasi, ngauri u khou ḓa a tshi bva vhudzuloni hawe vhukhethwa.