Tshivenda 1998 (VEN98)
3

Kutshilele kwa Tshikhriste

31

3:1
Rom. 13:1-7
1 Tim. 2:2
Mat. 22:15-22
1 Pit. 2:13-17
Humbudzani vhathu uri vha luvhe vhavhusi na vhahulwane, vha vha thetshelese vho ḓiimisela u ita zwivhuya nga nḓila dzoṱhe. 2
3:2
1 Tim. 3:3
2 Tim. 2:24-25
Ni vha vhudze vha si vhuye vha isela vhaṅwe phungo, tshavho hu vhe u dzula nga mulalo na vhulenda vha tshi itela vhathu vhoṱhe vhuthu vha sa ṱaluli.

3

3:3
Ef. 5:8
Na riṋe ro vhuya ra vha matsilu, ri sa pfi, ró xela; ro vha ri phuli dza nyemulo na miḓifho ya tshakha dzoṱhe, ri tshi dzulela u ita vhunwa na vivho, ri vhathu vha nengisaho, vha dzulaho nga u vhengana. 4
3:4-8
1 Tim. 1:15
Hone musi vhuthu na lufuno lwa Mudzimu Mutshidzi washu zwo no dzumbuluwa, 5
3:5
Rom. 3:20
Ef. 2:5,8-9
5:26
Joh. 3:5
o ri tshidza. Ho ngo ri tshidza nge ra ita zwivhuya, ndi tshilidzi tshawe. O zwi ita nga u ri ṱanzwa vhutshinyi a tshi ri beba nga huswa, na nga Muya Mukhethwa ane a ri ṋea vhutshilo vhuswa. 6Mudzimu o shululela Muya Mukhethwa kha riṋe lu si na vhukono nga Yesu Khristo Mutshidzi washu, 7
3:7
Rom. 8:17
uri ri pfi vhavhuya zwi tshi bva kha tshilidzi tshawe, ri vhe maḽaifa awe ri lavhelele vhutshilo vhu sa gumi.

8Hayo ndi mafhungo ane ra fanela u a fulufhela. Ndi zwine nda tama ni tshi a ḓivhadza vhathu no tou khwaṱhisa, uri vha fulufhelaho Mudzimu vha ḓiimisele u dzula vha tshi ita mishumo mivhuya. Hezwo ndi zwone zwavhuḓi zwi farisaho vhathu. 9

3:9
1 Tim. 1:4
Hone ni furalele khani dza vhutsilu na ngano dza u dubekanya madzina a vhomakhulukuku na u ṱaṱa khani na u lwela Mulayo. Hezwo a zwi farisi tshithu, ndi u sokou fhedza tshifhinga. 10Mufhiriṱanyi arali no mu kaidza na dovha a si pfe ni mbo ḓi khaukana nae, 11ngauri ni a ḓivha uri o raloho o bva nḓilani, u a tshinya, ha vha u ḓilaṱa hawe.

Ndaela na nyonesano

12

3:12
Mish. 20:4
Musi ndi tshi ruma Arthemasi kana Thikhikhosi ngeo ni linge nga nungo dzoṱhe uri ri ṱangane Nikopolisi; ndi hone he nda humbula u fhedza vhuno vhuriha ndi hone. 13
3:13
Mish. 18:24
Ni linge nga nungo dzoṱhe u farisa Zenasi uḽa ramilayo na Apolosi uri vha mbo ḓi thoma nyendo dzavho vha si na tshine vha shaya. 14Vhathu vha hashu vha fanela u guda u dzula vha tshi ita zwivhuya, uri vha kone u tikedza vha shayaho, vha si sokou tshila vha sa aṋwi mitshelo.

15Vhoṱhe vhane nda vha navho fhano vha ri ni vhe hone. Vha re khonani dzashu henengeo nge ra tenda zwithihi vha vhe hone.

Ngavhe Mudzimu a tshi ni itela vhuthu noṱhe.