Tshivenda 1998 (VEN98)
1

A u resha

11

1:1
1 Korint. 1:1
Ndi nṋe Paulo, muḓinḓa wa Khristo Yesu o tiwaho uri ndi vhe muapostolaMuapostola ndi muḓinḓa wa khosi khulu, o ṋewaho maanḓa a u amba nga dzina ḽa khosi. nda khethelwa u ḓivhadza mafhungo maḓifha a bvaho ha Mudzimu.

2

1:2
Rom. 3:21
16:26
Eneo mafhungo maḓifha ndi e Mudzimu a vha o no ḓi dzula o a fulufhedzisa nga vhaporofita vhawe kha Maṅwalo makhethwa. 3-4
1:3
Mat. 1:1
2 Sam. 7:16
1:4
Mish. 13:33
17:31
A amba nga Murwa wawe Yesu Khristo, Ene Muṋe washu, we sa muthu a bebwa e muḓuhulu wa Dafita, u vuwa hawe vhafuni ha vha u sumbiwa nga Muya Mukhethwa uri ndi Ene wa maanḓa, Murwa wa Mudzimu.Kana: “nga vhukhethwa a vhonale e Murwa Ramaanḓa wa Mudzimu.” 5
1:5
Rom. 15:18
1 Korint. 15:10
Ndi nga Khristo Mudzimu o ntonda a nnyita muapostola wa u vhidza vhathu vha tshakha dzoṱhe uri vha tende mafhungo a Mudzimu vha mu pfe, u ralo hu vhe u hulisa Khristo. 6Zwenezwo zwi katela na inwi ni re Roma vhe na vhidzwa uri ni vhe vha Yesu Khristo.

7

1:7
1 Korint. 1:3
2 Korint. 1:2
Zwino-ha ndi resha inwi noṱhe vhafunwa vha Mudzimu vha re Roma vhe a ni vhidza a ni ita vhakhethwa vhawe, ndi ri:

Ngavhe Mudzimu Khotsi ashu na Muṋe washu Yesu Khristo vha tshi ni itela vhuthu na vha na mulalo.

Lutamo lwa Paulo lwa u ya Roma

8

1:8
1 Korint. 1:4
Ef. 1:16
Filip. 1:3
Kol. 1:3-4
Rom. 16:19
1 Thes. 1:8
Filim. 4
Ndi tshi ni humbula noṱhe ndi livhuha Mudzimu nga Yesu Khristo, ngauri lutendo lwaṋu lu ambiwa mashangoni oṱhe. 9-10
1:9
1 Thes. 1:2-3
1:10
Rom. 15:23,32
Mudzimu ndi ṱhanzi: a thi ni hangwi misi yoṱhe ndi tshi rabela. Ene Mudzimu ane nda mu shumela nga mbilu yanga yoṱhe ndi tshi ḓivhadza mafhungo maḓifha a Murwa wawe, u a zwi ḓivha. Tshine nda mu humbela ndi uri arali a tshi funa ndi vhuye ndi vulelwe nḓila ya u ni dalela-vho. 11Ndi uri ndo ṱulutshela u ni vhona uri ndi kone u ni kovhela-vho tshiṅwe tshifhiwa tsha muya tsha u ni khwaṱhisa. 12Ndi tshi ralo ndi uri roṱhe ri khwaṱhisane: inwi nga u vhona lutendo lwanga, nṋe-vho nga u vhona lwaṋu.

13

1:13
Rom. 15:22
Ḓivhani-ha vha hashu uri ndi kanzhi ndi tshi humbula u ni dalela, uri na ngeo ndi vhe na zwe nda shuma zwi no nga zwe nda shuma tshakhani dziṅwe. Hone u swika zwino zwo nkunda. 14Ndi tshi ralo ndi uri nda sa ya kha vhathu vhoṱhe, kha vha na Tshigiriki na vha si na, kha vhaṱali khathihi na vha sa ḓivhi tshithu, ndi na mulandu. 15Ndi zwine mbilu yanga ya swela u ḓivhadza mafhungo maḓifha na kha inwi ni dzulaho Roma.

Maanḓa a mafhungo maḓifha

16

1:16
1 Korint. 1:18,24
Mish. 18:4
19:10
20:21
A thi shoni ndi tshi amba mafhungo maḓifha. Hufha e one maanḓa a Mudzimu a u tshidza vhoṱhe vha mu fulufhelaho. O thoma kha Majuda, zwino o no swika na kha vhannḓa.“Vhannḓa” nga Tshigiriki vha pfi “Magiriki”, vhunga vhe vhone vhannḓa vho funziwaho. Ndi uri na kha vhone Paulo ha shoni a tshi amba mafhungo maḓifha.

17

1:17
Rom. 3:21-22
Gal. 3:11
Hab. 2:4Heb. 10:38
A ri dzumbululela nḓila ine vhathu vha pfi vhavhuya nga Mudzimu. Ndi nga lutendo fhedzi, unga ho ṅwalwa ha pfi, “Hu ḓo tshila we a pfi muvhuya nga u fulufhela Mudzimu.”Kana: “Muvhuya u ḓo tshila nga u fulufhela Mudzimu.”

Vhuvhi ha vhathu

18

1:18
Ef. 5:6
Zwiṅwe zwine Mudzimu a dovha u dzumbulula zwi tshi bva ṱaḓulu ndi u vhenga vhuvhi ha vhatshinyi vha no tou kanganyisa ngoho nga vhutshinyi havho. 19
1:19
Mish. 14:17
17:24-27
Ps. 19
Rom. 2:14-15
Vha haṱulwa ngauri zwine muthu a nga kona u ḓivha nga Mudzimu vha a zwi ḓivha. Hufha Mudzimu Ene muṋe a tshi zwi vhea khagala. 20
1:20
Rom. 3:19
Naho zwine Mudzimu a vha zwone zwi sa vhonali, vhathu vha nga zwi vhona zwavhuḓivhuḓi arali vha tshi sedza mishumo yawe. Tshee shango ḽa sikiwa maanḓa awe a sa fheli na zwine a vha zwone zwi khagala, lune hu si vhe na ḽine vha nga ḓilandula ngaḽo; 21
1:21
Ef. 4:17-18
ngauri naho vha tshi ḓivha uri Mudzimu u hone, a vha vhuyi vha mu vhona e Mudzimu, na u livhuha a vha mu livhuhi. Ndi zwine vha humbula zwi siho, mbilu dzavho dza swifhala nga vhutsilu. 22
1:22
Gen. 3:6
Vha ḓiita vhaṱali ngeno vhe matsilu, 23
1:23
Ps. 106:20
Dot. 4:15-19
Yes. 44:9-11,20
vha litsha u luvha Mudzimu wa lini na lini wa vhugala, vha vho luvha zwifanyiso zwa vhathu vha faho na zwa zwiṋoni, na phukha, na dziṋowa.

24

1:24
Ps. 81:12
1 Korint. 6:18
Ndi zwe Mudzimu a vha ṅaledzela kha zwa tshika uri vha tevhele nyemulo dza mbilu dzavho, vha vho itana zwine zwa nyadzisa mivhili yavho. 25
1:25
Gen. 3:4-5
Yes. 28:15Jer. 10:14Am. 2:42 Thes. 2:11
Vho laṱa Mudzimu vhukuma vha nanga mazwifhi, vha luvha tshisikwa vha shumela tshone, vha litsha u luvha Musiki, Ene o fanelaho u rendwa na lini na lini. Amen.

26

1:26
Rom. 1:24
Mudzimu o ḓo vha ṅaledzela kha nyemulo dzi shonisaho. Vhasadzi a vha tsha ita zwine zwa anḓana na tsiko yavho; vha vho itana zwa vhuṱudzi nga tshavho. 27Na kha vhanna zwo ralo: vho litsha zwa u funana na vhasadzi zwi anḓanaho na tsiko yavho; vha vho tou swa nga dzinyemulo, munna a tshi ita zwi shonisaho na munna ngae. Ndi zwe vha wana ngazwo ṱhamu yo fanelaho vhuṱudzi havho.

28

1:28
Rom. 1:24
Zwino vhunga vho vhona u tenda Mudzimu zwi sa vha farisi, Mudzimu o vha ṅaledzela kha mihumbulo i sa ḓivhalei, vha ita zwi songo ḓaho; 29vha ita vhutshinyi hoṱhe: hu mbilummbi, hu vhutshivha, hu vhuvhi, ndi zwavho. Vha na vivho, na vhupondi, na khani, na vhufhura, na vhunwa. Ndi vhadziazwitshele 30vhotshiisaphungo. Vha vhenga Mudzimu na u mu nyadza.Kana: “Ndi vha no vhengwa nga Mudzimu; vha a mu nyadza.” Ndi vhadzia-u-ḓihudza na vhazuwi na vhaluki vha zwivhi na vhanyadzi vha vhabebi. 31A vha na muhumbulo; a vha fulufhedzei. A vha na vhuthu; a vha na tshilidzi. 32
1:32
Gen. 2:16
Rom. 2:2
Vha a ḓivha ḽe Mudzimu a ḽi vhofha ḽa uri vhathu vha itaho zwa u ralo vho eḓanwa nga lufu; naho zwo ralo vha ḓi zwi ita, vha dovha vha takalela na vhaṅwe vha tshi zwi ita.

2

Khaṱhulo ya Mudzimu i katelaho vhathu vhoṱhe

21

2:1
Mat. 7:1-2
Joh. 8:7
Asizwo-ha iwe mudzia-u-haṱula vhaṅwe, naho u tshi nga vha nnyi, a u na tshine wa nga ḓiṱamba ngatsho. U tshi haṱula vhaṅwe ndi u ḓivhea mulandu-vho. Hufha iwe muṋe u tshi ita zwenezwo-vho. 2Zwino tshine ra ḓivha ndi uri Mudzimu u ita zwone a tshi haṱula vhathu vhane vha ita zwa u ralo. 3Kani iwe une wa haṱula vhaṅwe, hu uri na iwe u ita zwenezwo zwine vhone vha ita, u vhona unga u nga ponyoka khaṱhulo ya Mudzimu? 4
2:4
Rom. 9:22-23
Ef. 1:7
2:4,7
Rom. 3:251 Tim. 1:16
Yes. 30:18
2 Pit. 3:9
Kani-ha u khou tou nyadza vhulenda hawe vhuhulu na u konḓelela hawe na u sa fhela hawe mbilu? A u zwi vhoni uri vhulenda ha Mudzimu ndi ha uri iwe u laṱe vhuvhi naa? 5
2:5
Jak. 5:3
Hone nga tshipimbi tshau na mbilu i sa laṱi vhuvhi hayo, u khou ḓiṋaṋisela ṱhamu ya Mudzimu ine ya ḓo vhonala nga ḓuvha ḽa khaṱhulo yawe i sa khakhi. 6
2:6
Nzumb. 20:12-13
Mat. 16:27
Ndi hone Mudzimu a tshi ḓo ṋea muṅwe na muṅwe zwo fanelaho mishumo yawe. 7
2:7
Rom. 6:23
Vhane vha lusa u ita zwivhuya uri vha wane vhugala na u huliswa na u sa fa, u ḓo vha fha vhutshilo vhu sa fheli. 8
2:8
Rom. 1:18
Vhane vha londa zwavho fhedzi, vha sa thetshelesi vha tshi vhudzwa ngoho, vha tshi takalela vhutshinyi, u ḓo vha rwa ó sinyuwa. 9
2:9
Rom. 1:161 Pit. 4:17
Luk. 12:47-48
Muṅwe na muṅwe ane a tshinya u ḓo shengela a tambula. Zwi ḓo thoma kha Mujuda, hone na wannḓa ha nga ponyoki. 10Hone muṅwe na muṅwe ane a ita zwivhuya u ḓo wana vhugala na khuliso na mulalo. Hu ḓo thoma Mujuda, ha tevhela wannḓa. 11
2:11
Dot. 10:17
Mir. 17:15
Mudzimu ha ṱaluli.

12Vho tshinyaho vha si na Mulayo wa Mushe, vha ḓo ḓi lovha vha si nawo. Vho tshinyaho vhe na Mulayo, vha ḓo sengiswa hu tshi tevhedzwa wone Mulayo; 13

2:13
Jak. 1:22-25
ngauri vhane Mudzimu a ri vha pfi vhavhuya a si avho vhane vha sokou pfa Mulayo nga nḓevhe fhedzi, ndi vhane vha tou ita zwine Mulayo wa amba. 14Vhannḓa a vha na Mulayo wa Mushe, hone arali nga nzulele vha tshi ita zwiṅwe zwine Mulayo wa amba zwone, zwi amba uri mulayo ndi vhone vhaṋe naho Mulayo wa Mushe vha si nawo. 15
2:15
Rom. 1:19
Zwi sumbedza uri zwine Mulayo wa amba zwo ṅwaliwa mbiluni dzavho, na luvalo lu a ṱanzilela-vho; vha tshi elekanya vha a ḓipfa vhone vhaṋe uri: afha ndo khakha, huṅwe vha dovha vha ḓipfa uri: afha a tho ngo khakha. 16
2:16
Nzumb. 20:12
Joh. 5:22,27
Ndi zwone zwine nda amba ndi tshi ḓivhadza mafhungo maḓifha, nda ri zwi ḓo ralo nga ḓuvha iḽo ḽihulu ḽine Mudzimu a ḓo sengisa vhathu zwo dzumbamaho mbiluni dzavho, nga Yesu Khristo.

Majuda na Mulayo wa Mudzimu

17

2:17
Mat. 3:9
Joh. 8:33,39
Rom. 9:4
2:23
Zwino iwe-ha? U ri u pfi Mujuda; wa ḓitika nga Mulayo wa Mushe, wa zuwa Mudzimu; 18
2:18
Rom. 3:2
wa ri u ḓivha zwine Mudzimu a funa, u kona u nanga zwi re khwiṋe vhunga wo funzwa nga Mulayo; 19
2:19
Mat. 15:14
23:16,24
u ḓiita “mudededzi wa mabofu”, wa ri u “tshedza tsha avho vha re swiswini”, 20u “mufunzi wa vha sa ḓivhiho tshithu”, u “mudededzi wa zwixele”, vhunga u na Mulayo u katelaho nḓivho yoṱhe na ngoho yoṱhe. 21
2:21
Mat. 23
2:21-23
Ps. 50:16-21
U kona u funza vhaṅwe – khe u sa ḓifunzi iwe muṋe; u laya vhathu uri vha songo tswa – iwe a u tswi? 22
2:22
Mal. 1:8,12,14
3:8
U ri hu songo itwa vhupombwe – iwe a u iti naa? U tshi nengwa midzimu, iwe thundu dza thembele a u tswi? 23U tshi zuwa Mulayo wa Mudzimu a u nyadzisi Mudzimu nga u pfuka Mulayo naa? 24
2:24
Esek. 36:20
Yes. 52:5
Ndi zwine Maṅwaloni ha pfi, “Inwi Majuda ni ita uri vhannḓa vha nyefule Mudzimu.”

25

2:25
Gal. 5:3
U fumba Tshijuda hu a farisa arali u tshi ita zwine Mulayo wa amba; hone arali u mupfuki wa Mulayo ndi tshifa u songo vhuya wa fumba. 26
2:26
Mish. 10:1-2,35
Zwino arali muthu a songo fumba, hone a tshi tevhedza zwine Mulayo wa amba, Mudzimu a nga si mu ite sa o fumbaho na? 27
2:27
Mat. 12:41
Wannḓa a songo fumbaho muvhili arali a tshi tevhedza tshoṱhe Mulayo u ḓo haṱula iwe Mujuda, ngauri naho u na Maṅwalo, wo fumba, u ḓi vha mupfuki wa Mulayo. 28Mujuda a si uyo ane vhathu vha vhona e Mujuda; u fumba vhukuma a si ha muvhilini hu vhonwaho nga vhathu. 29
2:29
Dot. 10:16
Filip. 3:3
Kol. 2:11
Mish. 7:51
Rom. 7:6
2 Korint. 3:6
Mujuda ndi a re Mujuda mbiluni yawe; u fumba vhukuma ndi ha mbiluni, a si zwi itwaho nga mulayo wo tou ṅwaliwaho, ndi mushumo wa Muya. Mujuda a si ane a rendwa nga vhathu, ndi ane a rendwa nga Mudzimu.Ndi uri “Juda” zwi amba uri “Murendwa” (Gen. 29:35).

3

31Majuda izwo vha kha ḓi fhira vhannḓa nga zwifhio? U fumba hu kha ḓi farisani? 2

3:2
Rom. 2:18
9:4
Heb. 5:12
Hu farisa hunzhi na nga nḓila nnzhi. Tshihulwane ndi uri Mudzimu o vha kumedza maipfi awe. 3
3:3
Rom. 10:16
2 Tim. 2:13
Zwi na mini arali vhaṅwe vhavho vho vha vha songo fulufhedzea? Zwi nga amba uri Mudzimu Ene muṋe ha tsha fulufhedzea naa? 4
3:4
Joh. 3:33
8:26Ps. 116:11
51:4
Na kathihi, Mudzimu u ḓi vha wa u fulufhedzea naho vhathu vhoṱhe vha sa fulufhedzei. Ndi zwine Maṅwaloni ha pfi,

“U wanale u wa ngoho u tshi ṱanziela,

musi hu tshi sengiwa u ḓi wanala u si na mulandu.”

5Zwino hufha u tshinya hashu hu tshi ita uri hu vhonalese vhuvhuya ha Mudzimu. Ri nga ri mini-ha? Ri ḓo ri Mudzimu a tshi ri haṱula ndi u khakha naa? – ndi tshi ralo ndi amba lwa vhathu – 6Na kathihi! Arali zwo vha zwo ralo Mudzimu o vha a tshi ḓo haṱula hani shango?

7Ndi ri ndi kha ḓi haṱulelwani nda pfi ndi mutshinyi? Hufha u sa fulufhedzea hanga hu tshi ita uri hu vhonalese u fulufhedzea ha Mudzimu, ha vha u engedza vhugala hawe. 8

3:8
Rom. 6:1,15
Izwo a si khwiṋe u tou ri, “Nga ri ite zwashu zwivhi uri hu bvelele zwivhuya”? Iṱali vhaṅwe vhathu vha tshi nnzwifhelela vha ri ndo ralo. Vhenevho vha ḓo laṱwa nga Mudzimu, vhunga zwi zwone zwo fanelaho.

A hu na muvhuya

9

3:9
Rom. 3:1,19,23
Mini-ha zwino? Kani riṋe Majuda ri fhira vhannḓa? Na kathihi a zwo ngo ralo. Ndo no ḓi sumbedza uri hu Majuda, hu vhannḓa, vhoṱhe vha vhusiwa nga vhutshinyi. 10
3:10-12
Ps. 14:1-3
Jobo 4:17Mir. 20:9
Ndi zwine Maṅwaloni ha pfi:

“A hu na na muthihi zwawe a re muvhuya;

11a hu na a re na ṱhalukanyo;

a hu na a no fungelela u ṱoḓa Mudzimu.

12Vhoṱhe vho bva nḓilani,

a vha tsha ḓivhalea.

A hu na a no ita zwivhuya,

na muthihi zwawe.”

13

3:13
Ps. 5:9
140:3
“Haṋwani havho hu nga tshalo tshi songo fukedzwaho;

ndimi dzavho dzi fhufhuma mazwifhi.”

“Maipfi avho a nga vhuṱungu ha vuluvulu.”

14

3:14
Ps. 10:7
“Milomo yavho yo mara maṱamba mavhi.”

15

3:15-17
Yes. 59:7-8
Mir. 1:16
“Milenzhe yavho

i gidimela u shulula malofha;

16hune vha kanda hu sala tshinyalo na zwililo.

17Nḓila ya mulalo a vha i ḓivhi.”

18

3:18
Ps. 36:1
“A vha ofhi Mudzimu na zwiṱuku.”

19

3:19
Rom. 1:20
2:1
3:9
Huno riṋe ri ḓivha uri zwoṱhe zwine Mulayo wa Mudzimu wa amba zwo ambelwa avho vha vhuswaho ngawo, hu u itela uri hu sa ḓo vha na ane a nga ḓiṱamba, shango ḽoṱhe ḽi fanelwe nga khaṱhulo ya Mudzimu. 20
3:20
Ps. 143:2
Gal. 2:16
3:11
Rom. 7:7
Ngauralo a hu na ane a ḓo pfi muvhuya nga u ita zwine Mulayo wa amba; tshine Mulayo wa ita ndi u sumbedza muthu vhutshinyi hawe.

U pfi vhavhuya nga lutendo

21

3:21
Rom. 1:17
Hone zwino ho dzumbululwa nḓila ya Mudzimu ya u ri ita vhavhuya, i si ya u khunyeledza Mulayo, naho i tshi ṱanzilelwa Mulayoni na Maṅwaloni a vhaporofita. 22
3:22
Rom. 4:3,5
10:12
Kol. 3:11
Ri pfi vhavhuya nga u fulufhela Yesu Khristo, uri vhoṱhe vha mu fulufhelaho vha pfi vhavhuya. Vha a fana; 23
3:23
Rom. 3:10-12
vhoṱhe vho tshinya, vho ḓikhaukanya na Mudzimu wa vhugala. 24
3:24
Rom. 4:16
Ef. 2:5,8
1:7
Kol. 1:14
Heb. 9:12
Vha tshi pfi vhavhuya ndi u tou ṋewa nga fhedzi, ndi u tou khathutshelwa, nge Khristo Yesu a vha vhofholola. 25
3:25
Ef. 2:13
Kol. 1:20
Liv. 16:15
1 Joh. 2:2
4:10
Ene, Mudzimu o mu kumedza zwi tshi vhonwa nga muṅwe na muṅwe uri nga lufu lwawe a vhe tshipfumelo tsha vha mu fulufhelaho. Mudzimu a tshi ralo ho vha hu u vhonadza vhuvhuya hawe. Kale o vha a tshi tsinya iṱo 26a konḓelela vhutshinyi ha vhathu. Hone zwino u vho vhonadza vhuvhuya hawe, uri Ene a vhonale e muvhuya, na zwauri a fulufhelaho Yesu ndi ene ane a pfi muvhuya.

27Zwino tshine muthu a nga kha ḓi ḓikhoḓa ngatsho a ri: ndo shuma, ndi tshifhio? A hu na. Hufha o tshidzwa nga u tou fulufhela Mudzimu. Zwino a nga kha ḓi zuwa hani mishumo yawe? 28

3:28
Rom. 3:21
4:6
Ndi uri ri tshi elekanya ri vhona uri muthu u pfi muvhuya nga u fulufhela, hu si nga u khunyeledza zwine Mulayo wa amba. 29Kani-ha Mudzimu ndi Mudzimu wa Majuda fhedzi? Vhannḓa ha ḓi vha Mudzimu wavho naa? Iina, na vhone ndi Mudzimu wavho, 30
3:30
Rom. 10:12
Gal. 3:8
vhunga hu na Mudzimu muthihi fhedzi, huno hu Majuda, hu vhannḓa, u ḓo ri vha pfi vhavhuya nge vha mu fulufhela. 31Zwino zwi amba uri ri khou vhulaha Mulayo nge ha shuma lutendo? Na kathihi! Ndi hone-ha ri tshi khou tou u pfumbisa.