Tshivenda 1998 (VEN98)
13

U pfa muvhuso

131

13:1
Tit. 3:1
1 Pit. 2:13-14
Joh. 19:11
Vhathu vhoṱhe nga vha luvhe vhavhusi vhavho; a hu na maanḓa a u vhusa a sa bvi kha Mudzimu. Hune vhavhusi vha vha hone vho vhewa nga Mudzimu. 2Khezwo, a lwaho na muvhuso u lwa na zwe zwa vhewa nga Mudzimu; u lwa nawo ndi u ḓiovhela mulandu. 3Muitazwivhuya u vhona vhavhusi vha sa ofhisi, vha ofhisa a tshinyaho. A funaho u dzula a sa ofhi muvhusi a ite zwivhuya, ndi hone muvhusi a tshi ḓo mu takalela. 4Muvhusi ndi muḓinḓa wa Mudzimu wa u tonda iwe. Hone arali wa tshinya u ofhe; ho ngo fara pfumo lwa fhedzi; ndi muḓinḓa wa Mudzimu wa u lifhedza a tshinyaho. 5Ndi zwine ha pfi tshashu ndi u luvha vhavhusi, hu si nga u ofha ṱhamu fhedzi, ri tou itiswa nga luvalo. 6
13:6
Luk. 20:22,25
Ndi zwine na thela: vhavhusi ndi vhaḓinḓa vha Mudzimu, vha ḓinetisela mushumo wawe. 7
13:7
Mat. 17:25-27
Zwino-ha vhoṱhe ni vha ṋee zwo vha fanelaho; vhathelisi ni vha fhe muthelo; vhane vha ḓela kosekose ni vha fhe yone; vho fanelaho u ofhiwa ni vha ofhe; vho fanelaho u huliswa ni vha hulise.

Mulayo u khunyelela nga lufuno

8

13:8
Joh. 13:34
Rom. 13:10
Kol. 3:14
1 Tim. 1:5
1 Joh. 4:20-21
Ni songo ḽa mulandu wa muthu; mulandu waṋu nga u vhe u funana fhedzi. A funaho vhaṅwe o khunyeledza Mulayo wa Mudzimu. 9
13:9
Ek. 20:13-17
Mat. 19:19
22:39-40
Gal. 5:14
Jak. 2:8
Liv. 19:18
Hu tshi pfi, “U songo ita vhupombwe,” “U songo vhulaha,” “U songo tswa,” “U songo emula,” na musi u ufhio mulayo, wo katelwa henefha kha ḽa uri, “Funa muṅwe unga iwe muṋe.” 10A re na lufuno ha khakheli muṅwe; ndi zwine ha pfi lufuno ndi u khunyeledza Mulayo.

Ḓuvha ḽi vho tsha

11

13:11
1 Korint. 15:34
Ef. 5:14
1 Thes. 5:6
Hezwo ni zwi ite ni tshi ḓivha uri tshifhinga ndi tshone tsha u karuwa, ngauri u tshidzwa hashu hu ḓo ṱuwa hu tshi khunyelela, a zwi tsha nga zwiḽa ri kha ḓi bva u vha vhatendi. 12
13:12
2 Korint. 6:7
Ef. 6:11,13
Ho no vha maḓautsha, mapfuvhi a ḓo ṱuwa a tshi tswuka. Nga ri litshe-ha mishumo ya swiswi, ri dzhie mafumo a tshedza. 13
13:13
1 Korint. 6:10
Ri tshile ro ḓifara sa vha tshimbilaho masiari, ri songo tshila nga u ḽela vhuḓabaḓaba na u kambiwa, na nga vhupombwe na vhuaḓa, na nga khani na vivho. 14
13:14
Gal. 3:27
Ambarani Muṋe washu Yesu Khristo, ni songo londa zwa tsiko yaṋu mmbi ya kale na ita zwine ya emula zwone.

14

Ri songo haṱulana

141

14:1
Rom. 15:1
1 Korint. 8:9,11
A re na valuvalu kha lutendo ni mu ṱanganedze-vho, tenda na si mu ṱaṱise khani nga zwine a humbula. 2Ndi uri muṅwe u tenda uri zwoṱhe zwi a ḽiwa, hone a songo khwaṱhaho kha lutendo u ḽa miroho fhedzi. 3
14:3
Kol. 2:16
Zwenezwo-ha a ḽaho zwoṱhe a songo nyadza a ilaho zwiṅwe; zwi ḓi nga a ilaho zwiṅwe a songo vhea mulandu kha a sa ili; hufha Mudzimu o mu ṱanganedza. 4Iwe u nnyi une wa vhea mulandu mulanda wa muṅwe? A nakisa u koniswa nga Muṋe wawe; zwi ḓi nga a kundwa, zwi vhonwa nga Muṋe wawe. Hone u ḓo nakisa, ngauri Muṋe wawe u na maanḓa a u mu konisa.

5

14:5
Gal. 4:10
Muṅwe u vhona ḓuvha ḽiṅwe ḽi ḽikhethwa, muṅwe a vhona oṱhe a tshi fana. Tenda muṅwe na muṅwe a vhona zwine a ita zwi zwone vhukuma mbiluni yawe ene muṋe. 6
14:6
1 Korint. 10:31
1 Tim. 4:3-4
Ane a ḽi ita ḽikhethwa u itela u hulisa Muṋe washu; zwi ḓi nga ane a ḽa zwoṱhe, u ḽa a tshi hulisa Muṋe washu, ngauri a tshi ḽa u livhuha Mudzimu. Na ane a ila zwiṅwe, u zwi ila a tshi ri ndi u hulisa Muṋe washu, hu uri na ene u ḓi livhuha Mudzimu. 7
14:7
2 Korint. 5:15
Gal. 2:20
1 Thes. 5:10
Hufha hu si na na muthihi washu ane a ḓitshilela ene muṋe, na ane a ḓifela. 8Ri tshi tshila ri tshilela Muṋe washu, naho ri tshi fa ri fela Muṋe washu. Ndi zwone hu musi ri tshi tshila, hu musi ri tshi fa, ri vha Muṋe washu. 9
14:9
Rom. 8:34
Mish. 10:42
Ndi zwe Khristo a fa a dovha a vuwa; ho vha u itela uri a ḓo vha Khosi ya vho faho na vha tshilaho. 10
14:10
Mat. 25:31-32
Rom. 2:16
Joh. 5:22,27
Zwino inwi-ha, ni ṋetshelani mulandu mukomana waṋu? Inwi-vho, ni nyadzelani murathu waṋu? Hufha roṱhe ri tshi ḓo sengiswa nga Mudzimu. 11
14:11
Yes. 45:23
A thi ri ho ṅwalwa ha pfi,

“ ‘Ndi ana nga vhutshilo hanga,’

hu tshi amba Muṋe washu,

‘vhathu vhoṱhe vha ḓo nnduvha;

vhoṱhe vha ḓo bula

vha ri ndi Mudzimu.’ ”

12

14:12
Mat. 12:36
1 Pit. 4:5
Zwenezwo-ha muṅwe na muṅwe washu u ḓo ḓifhindulela phanḓa ha Mudzimu.

Ri songo wedzana khomboni

13Zwino-ha kha ri litshe u sumbana nga minwe; ndi khwiṋe u vhofha ḽa uri ri songo wedzana khomboni kana u dzhenisana vhutshinyini. 14

14:14
Mat. 15:11Mish. 10:15
Rom. 14:23
1 Korint. 8:7,10
Nge nda vha wa Khristo ndi fulufhela ndi si na valuvalu uri a hu na tshithu na tshithihi tshine tsha pfi tshi na tshika tshone tshiṋe; tshi tou vha tsha tshika kha onoyo a tshi humbulelaho uri tshi na tshika. 15
14:15
1 Korint. 8:11
Arali murathu wau a tshi pfa vhuṱungu nga u vhona zwine iwe wa ḽa, zwenezwo zwine wa ita a u tsha itiswa nga lufuno. Muthu we Khristo a mu fela a songo lovha nga mulandu wa zwine wa ḽa. 16Ni sedze uri zwivhuya zwine na vha nazwo zwi si soliwe, 17
14:17
1 Korint. 8:8
ngauri muvhuso wa Mudzimu a si mafhungo a u ḽa na u nwa, hai, ndi a vhuvhuya, na a mulalo, na a dakalo zwi bvaho kha Muya Mukhethwa. 18Ane a shumela Khristo nga u ralo, Mudzimu u a mu takalela, na vhathu vha a mu hulisa.

19

14:19
2 Tim. 2:22
Heb. 12:14
Zwino-ha kha ri vhe vha ṱoḓahoDziṅwe ṱhanzi dzi ri, “ri dzula ri tshi ṱoḓa ...” zwi ḓisaho mulalo na u fhaṱa. 20
14:20
Tit. 1:15
1 Korint. 8:9-12
Ni songo thutha mushumo wa Mudzimu ni tshi itiswa nga mafhungo a zwiḽiwa. Zwoṱhe zwi nga ḓi ḽiwa, hone ndi u khakha u ḽa tshithu tshine tsha nga wedza muṅwe khomboni. 21
14:21
1 Korint. 8:13
U ita zwone u tshi ḓiilisa ṋama kana waini, kana tshiṅwe-vho arali tshi tshi nga wedza mutendi nga iwe khomboni. 22Hezwo zwine wa tenda u si na valuvalu nga zwi vhe zwa iwe muṋe na Mudzimu. U na mashudu ane a si ḓivhone mulandu musi a tshi ita zwine a vhona zwi zwone.

23Hone ane a ḽa e na valuvalu u na mulandu, nge a ḽa mbilu i sa tendi; huno zwoṱhe zwine wa ita u si na ngoho ndi vhutshinyi.

15

Ri songo ḓitakadza ri roṱhe, nga ri takadze na vhaṅwe

151

15:1
Gal. 6:1
1 Thes. 5:14
Rom. 14:1
Riṋe-ha ri si na valuvalu kha lutendo musi ri tshi vhona vhaṅwe vhe naḽo ri fanela u vha konḓelela, ri songo ṱoḓa zwi ri takadzaho ri roṱhe. 2
15:2
1 Korint. 10:33
Tshashu roṱhe hu vhe u takadza wa hashu ri tshi itela u mu tonda uri ri fhaṱane kha lutendo. 3
15:3
Filip. 2:5-7
Ps. 69:9
Hufha na Khristo a songo ṱoḓa zwine zwa takadza Ene muṋe. A thi ri ho ṅwalwa ha pfi,

“Zwigoḓo zwa vha goḓaho Iwe Mudzimu

zwo ḓa kha Nṋe.”

4

15:4
Rom. 4:23-24
1 Korint. 9:9-10
10:6,11
Zwoṱhe zwo ṅwalwaho kale Maṅwaloni zwo ṅwalelwa u gudisa riṋe, zwi tshi ri ṱuṱuwedza u lavhelela zwe Mudzimu a ri fulufhedzisa ri sa fheli mbilu. 5
15:5
Rom. 12:16
Ane a ri ṱuṱuwedza uri ri konḓelele ndi Mudzimu; ngavhe a tshi ita uri ni anḓane nga u tevhedza zwe Khristo Yesu a ita, 6uri noṱhe ni hulise Mudzimu a re Khotsi a Muṋe washu Yesu Khristo nga mbilu nthihi na ipfi ḽithihi.

Na vhannḓa vha na mukovhe kha tshilidzi tsha Mudzimu

7

15:7
Rom. 14:1,3
Ndi zwone ṱanganedzanani unga na Khristo o ni ṱanganedza, uri Mudzimu a huliswe ngazwo. 8
15:8
Mat. 15:24
A thi ri Khristo o ḓiita mushumeli wa Majuda uri u fulufhedzea ha Mudzimu hu vhonale? O zwi itela u khunyeledza zwe Mudzimu a vha o fulufhedzisa vhomakhulukuku wavho, 9
15:9
Ps. 18:49
uri na vhannḓa vha hulise Mudzimu nga u vhona tshilidzi tshawe, unga ho ṅwalwa ha pfi,

“Zwino ndi ḓo u renda kha vhannḓa,

nda imbela dzina ḽau.”

10
15:10
Dot. 32:42
Huṅwe-vho ha pfi,

“Hee vhannḓa, takalani-vho na vhathu vha Mudzimu!”

11
15:11
Ps. 117
Huṅwe ha dohwa ha pfi,

“Noṱhe vhannḓa,

khoḓani Muṋe washu;

tshakha dzoṱhe dzi mu rende.”

12
15:12
Yes. 11:10
Ha dovha ha amba na Yesaya a ri,

“Hu ḓo simuwa ḓadzwane kha mudzi wa Isai,

Ene a no ḓo vuwa,

a vha Muvhusi wa vhannḓa;

tshakha dza vhannḓa dzi ḓo lavhelela Ene.”

13Huno Ene Mudzimu we a ri fulufhedzisa zwivhuya zwine ra vho kona u zwi lavhelela, ngavhe a tshi ni ḓadza dakalo, a ni fha mulalo tshoṱhe nge na mu fulufhela, uri ni dzule no mu lavhelela zwi tshi bva kha Muya Mukhethwa.

Zwo itaho uri Paulo a ṅwale nga u ralo

14

15:14
1 Joh. 2:21
Heb. 6:9
Vha hashu, nṋe ndi vhona ni vhavhuya vhukuma, ni na nḓivho yoṱhe, ni kona u eletshedzana nga tshaṋu. 15Mudzimu nga vhuthu hawe o nndaedza uri ndi ni ṅwalele ndi tshi ni dzivhulusa, nṋe huṅwe nda ṅwala ndi sa dzumbi. 16
15:16
Mish. 9:15
Rom. 11:13
Mudzimu o nnyita tshifhe wa u ḓivhadza vhannḓa mafhungo maḓifha a Khristo Yesu, uri vha nge nduvho ine nda ṋekedza i takalelwaho nga Mudzimu, yo itwa khethwa nga Muya Mukhethwa. 17Zwino nge nda vha wa Yesu Khristo ndi na zwine nda nga kona u zuwa zwe nda shuma kha zwa Mudzimu. 18
15:18
Mish. 15:12
21:19
Rom. 1:5
Ndi ḓo amba zwenezwo fhedzi zwe Khristo a shuma nga nṋe, nga maipfi na mishumo ya uri na vhannḓa vha vhe vhane vha pfa Mudzimu. 19
15:19
Mish. 19:11
O shuma nga maanḓa a zwiga na maḓembe, nga maanḓa a Muya wa Mudzimu ndi tshi ḓivhadza mafhungo maḓifha a Khristo u thoma Jerusalema nda vhuya nda swika na Iliria. 20
15:20
1 Korint. 3:10
2 Korint. 10:13,15-16
Nṋe ndo lusa u ḓivhadza mafhungo maḓifha henefho fhedzi he dzina ḽa Khristo ḽa vha ḽi sa athu pfala, uri ndi si fhaṱe kha muteo we wa tewa nga muṅwe, 21
15:21
Yes. 52:15
unga ho ṅwalwa ha pfi,

“Vha sa athu vhudzwa ngae vha ḓo vhona;

na vha sa athu pfa a tshi ambiwa vha ḓo ṱalukanya.”

Lutamo lwa Paulo lwa u dalela Roma

22

15:22
Rom. 1:131 Thes. 2:18
Ndi zwone zwo nkundisaho lunzhi u ni dalela. 23
15:23
Mish. 19:21
Rom. 1:1115:32
Zwino vhunga ndo no ṱanganya mivhundu ino, nahone hu kale ndo ḓi ṱulutshela u ḓa ha inwi, 24ndi ri ngavhe ndi tshi nga zwi ita zwino. Huno ndi nga takala u fhira ndi tshi ni ṱolela hezwi ndi tshi ya Spania na ḓo kona u mpfarisa nga zwa u ya henengei, musi ndo thoma u dzulinyana henefho nda ḓiphiṋa nga u ni vhona. 25
15:25
Mish. 20:22
24:17
Zwino-ha ndi kha ḓi thoma u ya Jerusalema ndo fara zwa u vhavhalela vhakhethwa vha Mudzimu henengei. 26
15:26
Mish. 19:21
24:17
2 Korint. 9:12
Ndi uri vha Makedonia na vha Akhaya vho langana nga dakalo uri vha ite sengosengo vha kovhele-vho vhakhethwa vha Mudzimu vha re vhashai ngei Jerusalema. 27
15:27
Rom. 11:17
1 Korint. 9:11
Vhone vho ḽi vhofha nga vhoṱhe, nahone ndi pfanelo ya uri vha vhavhalele-vho avho vhashai, ngauri Majuda vho kovhela vhannḓa zwa muya, zwenezwo na vhannḓa vha fanela u tonda-vho Majuda nga zwa u fusha muvhili. 28
15:28
Rom. 1:13
Musi ndo no khunyeledza mushumo uyu nda vha kumedza itshi tshiṱunḓo tshe vha kuvhanganyelwa, ndi hone ndi tshi ḓo fhira nga henefho musi ndi tshi ṱutshela Spania. 29
15:29
Rom. 1:11
Nahone ndi fulufhela uri musi ndi tshi swika henefho ndi ḓo ḓa na mashudu oṱhe a Khristo nga vhuḓalo.

30

15:30
2 Korint. 1:11
Kol. 4:12
Ndi a ni humbela-ha vha hashu, vhunga ri vha Muṋe washu Yesu Khristo, rí na lufuno lwe ra fhiwa nga Muya wawe, ndi ri kha ri khwaṱhele roṱhe u rabela Mudzimu, ni tshi nthabelela 31
15:31
Mish. 20:22
2 Korint. 1:10
2 Thes. 3:2
15:31b
Rom. 15:16
uri ndi lamulelwe kha vhaḽa vha ngei Judia vho landulaho Khristo, na uri vhakhethwa vha Mudzimu vha re Jerusalema vha takalele zwine nda khou ya u vha vhavhalela ngazwo, 32
15:32
Rom. 1:9-10
uri ndi tshi swika ha inwi ndi swike nga dakalo, arali Mudzimu a tshi funa ndi ḓiphiṋe nga u awela na inwi henefho. 33
15:33
Rom. 16:20
Filip. 4:9
1 Thes. 5:23
Ene Mudzimu Muladzashango nga a vhe na inwi noṱhe henefho. Amen.