Tshivenda 1998 (VEN98)
11

Kugwada kwa Vhaisraele vho tshidzwaho

111

11:1
2 Korint. 11:22
Filip. 3:5
Zwino ndi ri kani Mudzimu o laṱa vhathu vhawe? Na kathihi! Hufha na nṋe ndi Muisraele muḓuhulu wa Abrahamu, wa tsinde ḽa Benyamini. 2
11:2
Ps. 94:14
Rom. 8:29
Mudzimu ho ngo laṱa vhathu vhawe vhe a dzula o vha ta. Kani zwine Maṅwalo a amba a ni zwi ḓivhi, fhaḽa he Elia a hwelela Vhaisraele ha Mudzimu a tshi ri, 3
11:3
1 Mah. 19:10
“Muṋe wanga, vho vhulaha vhaporofita vhau, vha thutha aḽiṱari dzau; ndo sala ndi ndoṱhe, na nṋe vha vho ṱoḓa u mmbulaha.” 4
11:4
1 Mah. 19:18
Phindulo ya Mudzimu ya ri mini? Ya ri, “Ndo ḓisiela vhanna vha 7 000 vhe vha si gwadamele Baali.” 5
11:5
Rom. 9:27,29
Na ṋamusi zwo ralo: ho sala kugwada nga he Mudzimu a ta ngaho nga khathutshelo yawe. 6
11:6
Rom. 4:4-5
Gal. 5:4
Arali zwo bva kha khathutshelo, ndi uri a zwo ngo bva kha mishumo ye vha shuma, ndi musi khathutshelo i songo tsha vha khathutshelo.

7

11:7
Rom. 9:31
10:3
Mini-ha zwino? Ndi uri tshine Vhaisraele vha khou ḓi tshi ṱoḓa a vho ngo tshi wana; tsho waniwa nga vhe Mudzimu a vha ta; vhaṅwe vho rindidzwa, 8
11:8a
Yes. 29:10
6:9
Dot. 29:4
Mat. 13:14
unga ho ṅwalwa ha pfi,

“Mudzimu o eḓedza mimuya yavho,

a swingisa maṱo avho,

a dzingisa na nḓevhe dzavho, na ṋamusi.”

9
11:9-10
Ps. 69:22-23
35:8
Na Dafita u ri,

“Vhuḽelo havho nga vhu shanduke,

vhu vhe gwekwe, vhu vhe tshifu,

vhu vhe tshikhukhuliso na tshilifhedzi.”

10“Maṱo avho nga a swingiswe uri vha si vhone,

vha si vhuye vha rulwa muhwalo wavho.”

Matavhi o ṱumiwaho

11

11:11
Mish. 28:28
Zwino ndi ri kani Vhaisraele vho khukhulwa hu tshi pfi vha we tshoṱhe? Na kathihi! U khakha havho ho vha u itela uri vhannḓa vha tshidzwe, uri vhone vha sale vha tshi zwi tama-vho. 12Arali zwino u khakha havho ho pfumisa shango, u shaya havho ho pfumisa vhannḓa, zwino u vhuya havho nga vhuḓalo a zwi nga ḓo pfumisa vhannḓa u fhira na zwiḽa naa?

13

11:13
Mish. 9:15
Rom. 15:16
Zwino ndi vhudza inwi vhannḓa, vhunga ndi muapostola we a rumiwa ha vhannḓa, ndi ri mushumo uyu wanga a thi tambi ngawo 14ndi tshi ri vhaḽa vha re malofha mathihi na nṋe vha tshi zwi vhona vha zwi tame-vho, ndi tshidze vhaṅwe vhavho. 15Arali shango ḽo pfumelelwa nga u laṱwa havho, u dovha u ṱanganedzwa havho zwi ḓo vha zwingafhani? A zwi nga ḓo nga vhafu vha tshi dovha vha tshila?

16

11:16
Liv. 23:9-10
Num. 15:17-20
Arali kugaku kwa u thoma kwa vhurotho ku kukhethwa, ndi uri vhuṅwe hoṱhe ndi vhukhethwa; nahone arali mudzi u mukhethwa, na matavhi ndi makhethwa. 17
11:17
Jer. 11:16
Ef. 2:12
11:17-18
Joh. 15:2,4-5
Arali zwino maṅwe matavhi a muolivi o tumulwa, vhudzuloni hao ha ṱumiwa iwe we wa vha u muolivi wa ḓaka, wa vha na mukovhe kha mudzi wa muolivi u re na mapfura manzhi, 18iwe u songo zuwela matavhi a uyo muri. Hone arali u tshi zuwa, u zwi ḓivhe uri a si iwe we wa tika mudzi, ndi mudzi we wa tika iwe.

19U nga ḓi ri, “Hufha ho tumulwa matavhi uri nṋe ndi ṱumiwe henefho.” 20

11:20
1 Korint. 10:12
Ndi zwone. Vho tumulwa nga u shaya lutendo, iwe u henefho nge wa fulufhela. U songo ḓihudza-ha, tshau nga hu vhe u dzula u tshi ofha. 21Arali matavhi vhukuma Mudzimu a songo litsha u a tumula, iwe a nga si u tumule ngani? 22
11:22
Joh. 15:2
Nah. 1:3
Edzou vhona uri Mudzimu u na vhulenda vhungafhani, hone zwe a amba zwi sa wi fhasi: vho guneaho ha litshi u vha rwa, iwe a tshi u fara nga vhulenda – arali u sa tambi nga vhulenda hawe; hone arali wa sa ralo na iwe u ḓo u tumulela kule. 23Zwi ḓi nga vhaḽa vho tumulwaho, arali vha sa futeleli u sa fulufhela havho vha ḓo ḓi dovha vha ṱumiwa-vho; Mudzimu u na maanḓa a u dovha u vha ṱuma. 24Arali iwe we nga tsiko yau wa bva kha muolivi wa ḓaka wo ṱuṅwa kha muolivi wavhuḓi, u si mbeu nthihi nawo, avha vha re mbeu nthihi nawo vha nga kundwa ngani u dovha u ṱuṅwa henefho he vha tumulwa hone?

U khathutshelwa ha Israele

25

11:25
2 Korint. 3:14
Vha hashu, hu na tshiphiri tsha Mudzimu tshine nda tama ni tshi tshi ḓivha-vho, uri ni sa ḓo ḓifhima uri ni vhaṱali. Ndi tsha uri vhaṅwe kha Vhaisraele vho omisa ṱhoho, hu vhuye hu khunyelele tshivhalo tsha vhannḓa. 26
11:26-27
Yes. 59:20-21
Jer. 31:33
Vhaisraele vhoṱhe vha ḓo tshidzwa nga u ralo,

“Mutshidzi u ḓo bva Tsioni.

U ḓo litshisa Jakopo vhuvhi hawe.

27Ndi wone mulanga une nda ḓo vhofha navho

musi vhutshinyi havho ndi tshi ḓo vhu hangwela.”

28

11:28
Dot. 7:8
10:15
Nge vha nyadza mafhungo maḓifha vho no vha maswina a Mudzimu, uri inwi vhannḓa zwi ni nakele; hone Mudzimu o dzula o vha ta, ndi zwine a kha ḓi vha funa a tshi elelwa vhomakhulukuku wavho. 29
11:29
Num. 23:19
Arali Mudzimu a vhuya a u fha tshithu a u vhidza, a zwi tsha shanduka. 30
11:30
Ef. 2:2
U ḓi nga inwi kale no vha ni sa pfi Mudzimu, zwino no ḓo khathutshelwa nga u sa pfa ha Vhaisraele, 31sa zwenezwo avho vho vhonala vhe vha sa pfi nga u khathutshelwa haṋu, uri zwo no ralo na vhone vha khathutshelwe. 32
11:32
Rom. 3:9
Gal. 3:22
Mudzimu o hoṋela vhathu vhoṱhe kha dzhele ya u sa pfa havho, a tshi itela u khathutshela vhoṱhe.

33

11:33b
Jobo 11:7
Ps. 36:5-6
Dot. 29:29
Dzivha wee ḽa lupfumo, ḽa vhuṱali, ḽa nḓivho ya Mudzimu! Nzudzanyo dzawe dzi nga ṱalukanywa nga nnyi? Nḓila dzawe dzi nga londwa nga nnyi?

34

11:34
Jobo 15:8
Yes. 40:13
Jer. 23:18
1 Korint. 2:16
“Ndi nnyi ane a ḓivha mihumbulo ya Muṋe washu?

We a mu eletshedza ndi nnyi?”

35

11:35
Jobo 41:11
“We a vhuya a tonda Mudzimu ndi nnyi,

ane zwino ha pfi a mu lifhele?”

36
11:36
1 Korint. 8:6
Kol. 1:16
Gal. 1:5
1 Tim. 1:17
2 Tim. 4:18
Hufha zwithu zwoṱhe zwo simuwa khae, zwi hone ngae, zwo livha khae. Nga hu rendwe Ene lini na lini. Amen.
12

Kutshilele kwa Tshikhriste

121

12:1
Rom. 6:13
Ndi a ni kwengweledza-ha vha hashu, vhunga Mudzimu o ri pfela vhuṱungu vhungafhangafha, ndi ri: ḓikumedzeni tshoṱhe ni vhe nduvho khethwa i tshilaho, i takadzaho Mudzimu. Ndi hone u luvha Mudzimu zwi tshi bva mbiluni.

2

12:2
1 Joh. 2:15
1 Pit. 1:14
Ef. 5:10,17
Ni songo edzisa matshilele a vha shango ḽino, aiwa, Mudzimu kha a ni fhe mihumbulo miswa, ni shanduke, uri ni kone u ṱalukanya zwine Ene a funa – zwivhuya, zwi mu takadzaho, zwi si tshiṱahe.

3

12:3
1 Korint. 4:6
7:17
Ef. 4:7
Mudzimu nga vhuthu hawe o nṋea uri ndi ni laye noṱhe, ndi ri: hu songo vhuya ha vha na muthihi waṋu ane a kalula u ḓifhima. Ndi khwiṋe a tshi ḓiṱukufhadza a tevhedza muelo wa lutendo lwe Mudzimu a mu kovhela. 4
12:4
1 Korint. 12:12
Ef. 4:4,16
Kha muvhili muthihi hu na miraḓo minzhi, miraḓo yone i si vhe na mushumo muthihi; 5
12:5
Joh. 17:21
1 Korint. 6:15
12:20,27
Ef. 1:23
4:25
sa zwenezwo na riṋe, naho ri vhanzhi ri muvhili muthihi nge ra vha vhathihi na Khristo; ri miraḓo ya muvhili muthihi i angulanaho. 6
12:6
1 Korint. 12:4
12:6-8
Mat. 25:15
1 Korint. 12:7-11
Ri na mpho dzo fhambanaho nga he Mudzimu a ri kovhela ngaho nga vhuthu hawe. Arali mpho i ya u ḓivhadza vhathu zwine Mudzimu a funa, muthu nga a ḓivhadze zwi anḓanaho na lutendo; 7arali i ya u shumela vhaṅwe nga a vha shumele; arali i ya u funza nga a funze; 8arali i ya u ṱuṱuwedza nga a ṱuṱuwedze; arali i ya u tonda nga a vhe mapakulile; arali i ya u ranga tshivhidzo phanḓa, nga a zwi ite nga mbilu yoṱhe; arali i ya u itela vhaṅwe vhuthu, nga a zwi ite o takala.

Kutshilele kwa lufuno

9Lufuno lwaṋu lu songo vha lwa u hoya;

nengwani zwivhi, ni nambatele zwivhuya.

10

12:10
Filip. 2:3
Funanani sa vhana vha musadzi, ni takalelane. Ni pikisane kha u hulisana.

11Shumelani Muṋe washu ni sa teledzi, no tou ḓifunga nga mbilu yoṱhe.Tshigiriki tshi ṱalutshedzwa nga nḓila mbili. Hu nga kha ḓi pfi, “no tou hwalwa nga Muya Mukhethwa.”

12

12:12c
Luk. 18:1
Vhunga ni na zwe na lavhelela, pembelani; ni si fhele mbilu naho ni tshi tambudzwa; ni dzule ni tshi rabela.

13

12:13c
2 Korint. 9:1,12
1 Pit. 4:9
Vhakhethwa vha Mudzimu vha tshi shaya

ni vha kovhele zwine na vha nazwo,

ni takalele vhaeni.

14

12:14
Mat. 5:44
Vha ni tovholaho ni songo vha teketela,

ni ri zwi vha nakele.

15Ni takale na vha takalaho, vha lilaho ni lile navho.

16

12:16a
Rom. 15:5
12:16b
Ps. 131:1
12:16d
Mir. 3:7
Rom. 11:25
Anḓanani nga tshaṋu; ni songo lilela vhuhulwane, ni ḓiite vhathihi na vhaṱuku;Kana: “ni takalele u shuma mishumo i nyadzeaho;”

ni songo ḓifhima ni vha ḓivhesaho.

17

12:17a
Mat. 5:39
Mir. 20:22
12:17b
2 Korint. 8:21
Mat. 5:16
12:17-20
Luk. 6:27-30
Ni songo lifhedza vhuvhi nga vhuvhi na kathihi.

Ḓiimiseleni u ita zwine vhoṱhe vha kona u vhona zwi zwivhuya.

18

12:18
Mar. 9:50Ps. 120:6
Luk. 2:14
Dzulani ni tshi konana na vhathu vhoṱhe nga hune zwa konadzea,

phambano dzi si thome kha inwi.

19

12:19
Liv. 19:18
Dot. 32:35Heb. 10:30
Vhafunwa, ni songo ḓilifhedzela,

khaṱhulo i vhe ya Mudzimu,

ngauri zwo ṅwalwa ha pfi,

“ ‘U lifhedza ndi hanga,

ndi Nṋe ane nda tevhedza,’

hu tshi amba Muṋe washu.”

20

12:20
Mir. 25:21-22
“Swina ḽau ḽí na nḓala u ḽi ṋee ḽi ḽe;

ḽí na ḓora ḽi ṋee ḽi nwe.

Ndi hone ḽi tshi ḓo tou niwa nga ṱhoni ḽa ḓisola.”

21Ni songo vhuswa nga vhuvhi;

ni vhu kunde nga u tonda.

13

U pfa muvhuso

131

13:1
Tit. 3:1
1 Pit. 2:13-14
Joh. 19:11
Vhathu vhoṱhe nga vha luvhe vhavhusi vhavho; a hu na maanḓa a u vhusa a sa bvi kha Mudzimu. Hune vhavhusi vha vha hone vho vhewa nga Mudzimu. 2Khezwo, a lwaho na muvhuso u lwa na zwe zwa vhewa nga Mudzimu; u lwa nawo ndi u ḓiovhela mulandu. 3Muitazwivhuya u vhona vhavhusi vha sa ofhisi, vha ofhisa a tshinyaho. A funaho u dzula a sa ofhi muvhusi a ite zwivhuya, ndi hone muvhusi a tshi ḓo mu takalela. 4Muvhusi ndi muḓinḓa wa Mudzimu wa u tonda iwe. Hone arali wa tshinya u ofhe; ho ngo fara pfumo lwa fhedzi; ndi muḓinḓa wa Mudzimu wa u lifhedza a tshinyaho. 5Ndi zwine ha pfi tshashu ndi u luvha vhavhusi, hu si nga u ofha ṱhamu fhedzi, ri tou itiswa nga luvalo. 6
13:6
Luk. 20:22,25
Ndi zwine na thela: vhavhusi ndi vhaḓinḓa vha Mudzimu, vha ḓinetisela mushumo wawe. 7
13:7
Mat. 17:25-27
Zwino-ha vhoṱhe ni vha ṋee zwo vha fanelaho; vhathelisi ni vha fhe muthelo; vhane vha ḓela kosekose ni vha fhe yone; vho fanelaho u ofhiwa ni vha ofhe; vho fanelaho u huliswa ni vha hulise.

Mulayo u khunyelela nga lufuno

8

13:8
Joh. 13:34
Rom. 13:10
Kol. 3:14
1 Tim. 1:5
1 Joh. 4:20-21
Ni songo ḽa mulandu wa muthu; mulandu waṋu nga u vhe u funana fhedzi. A funaho vhaṅwe o khunyeledza Mulayo wa Mudzimu. 9
13:9
Ek. 20:13-17
Mat. 19:19
22:39-40
Gal. 5:14
Jak. 2:8
Liv. 19:18
Hu tshi pfi, “U songo ita vhupombwe,” “U songo vhulaha,” “U songo tswa,” “U songo emula,” na musi u ufhio mulayo, wo katelwa henefha kha ḽa uri, “Funa muṅwe unga iwe muṋe.” 10A re na lufuno ha khakheli muṅwe; ndi zwine ha pfi lufuno ndi u khunyeledza Mulayo.

Ḓuvha ḽi vho tsha

11

13:11
1 Korint. 15:34
Ef. 5:14
1 Thes. 5:6
Hezwo ni zwi ite ni tshi ḓivha uri tshifhinga ndi tshone tsha u karuwa, ngauri u tshidzwa hashu hu ḓo ṱuwa hu tshi khunyelela, a zwi tsha nga zwiḽa ri kha ḓi bva u vha vhatendi. 12
13:12
2 Korint. 6:7
Ef. 6:11,13
Ho no vha maḓautsha, mapfuvhi a ḓo ṱuwa a tshi tswuka. Nga ri litshe-ha mishumo ya swiswi, ri dzhie mafumo a tshedza. 13
13:13
1 Korint. 6:10
Ri tshile ro ḓifara sa vha tshimbilaho masiari, ri songo tshila nga u ḽela vhuḓabaḓaba na u kambiwa, na nga vhupombwe na vhuaḓa, na nga khani na vivho. 14
13:14
Gal. 3:27
Ambarani Muṋe washu Yesu Khristo, ni songo londa zwa tsiko yaṋu mmbi ya kale na ita zwine ya emula zwone.