Tshivenda 1998 (VEN98)
10

101

10:1
Rom. 9:2-3
A vha nṋe vha hashu, zwine mbilu yanga ya tama na zwine nda dzula ndi tshi humbela Mudzimu ndi uri lushaka lwa hashu lwa Vhaisraele lu tshidzwe. 2Ndi a vha vhetshela vhuṱanzi ha uri Mudzimu vha a mu swela mbilu, vha ro sa vha na ṱhalukanyo. 3
10:3
Filip. 3:9
U sa ṱalukanya havho ndi ha uri a vha ḓivhi nḓila ye Mudzimu a ri vulela ya u pfi vhavhuya, vha kha ḓi ṱoḓa yavho, ndi zwe vha lamba u pfi vhavhuya nga nḓila ya Mudzimu. 4
10:4
Mat. 5:17
Matsina Mulayo wo livha kha Khristo, wo guma ngae; roṱhe ri vho pfi vhavhuya nga u fulufhela Ene.

U tshidzwa ha tshakha dzoṱhe

5

10:5
Liv. 18:5
Mushe a tshi amba zwa u pfi muvhuya nga u khunyeledza Mulayo u ṅwala a ri, “Ane a u khunyeledza u ḓo tshila ngazwo.” 6
10:6-8
Dot. 30:11-14
Hone hu tshi ambiwa zwa u pfi muvhuya nga lutendo hu pfi, “U songo amba nga mbilu wa ri, ‘Hu ḓo gonya nnyi ṱaḓulu?’ ” – ndi uri: u yo dzhia Khristo – 7“kana wa ri, ‘Ndi nnyi ane a ḓo tsela dindini?’ ” – ndi uri: u yo bvisa Khristo henengei vhafuni. 8Mathina hu pfi mini? Hu pfi, “Ipfi ḽi henefho tsini-tsini na iwe; ḽi mulomoni wau na mbiluni yau.” Ndi ḽone ipfi ḽa lutendo ḽine ra ḓivhadza. 9
10:9
Mat. 10:32
Ḽi ri arali u tshi bula nga mulomo uri Yesu ndi Muṋe washu, u tshi tenda mbiluni uri Mudzimu o mu vusa vhafuni, u ḓo tshidzwa. 10Ri tenda nga mbilu ra pfi vhavhuya; ri bula nga mulomo ra tshidzwa. 11
10:11
Yes. 28:16
Rom. 9:33
Maṅwalo a ri, “Muṅwe na muṅwe ane a mu fulufhela ha nga shoni.” 12
10:12
Mat. 8:11
Rom. 1:16
Mish. 10:34-35
Rom. 3:29
A hu na phambano, kana u Mujuda, kana u wannḓa; hufha vhoṱhe vhe vha Muṋe onoyo muthihi; vhoṱhe vha mu rabelaho u vha kovhela lupfumo lwawe. 13
10:13
Juele 2:32
Mish. 2:21
Na Maṅwaloni hu pfi, “Muṅwe na muṅwe ane a rabela Muṋe washu u ḓo tshidzwa.”

14Zwino-ha, vha nga rabela hani we vha si mu fulufhele? Vha nga fulufhela hani ane vha sa athu pfa a tshi ambiwa? Vha nga pfa hani vha songo ḓivhadzwa?

15
10:15a
Mish. 13:2
10:15b
Yes. 52:7
Vha nga ḓivhadzwa hani hu si na vho rumiwaho khavho? A thi ri ho ṅwalwa ha pfi,

“Zwi takadza hani hu tshi swika vhaḓinḓa

vha mafhungo maḓifha.”

16

10:16
Yes. 53:1
Joh. 12:38
Hone a si uri vhoṱhe vho tenda mafhungo maḓifha. Hufha na Yesaya a tshi ri,

“Muṋe washu,

ndi nnyi we a tenda e a pfa kha riṋe?”

17Asizwi-ha, u tenda hu bva kha u pfa; a pfiwaho ndi mafhungo a Khristo.

18

10:18
Ps. 19:4
Hone ndi ri kani a vho ngo ḽi pfa? Iina, vho ḽi pfa. Hufha hu tshi pfi,

“Ipfi ḽavho ḽo pfala thungo dzoṱhe,

maambiwa avho o ya migumoni ya ḽifhasi.”

19

10:19
Dot. 32:21
Rom. 11:11
Tit. 3:3
Hone ndi dovha nda ri kani Vhaisraele a vho ngo zwi ṱalukanya? Hu thoma u fhindula Mushe a tshi ri,

“Ndi ḓo ita uri ni vhivhe vhathu vha si lushaka,

nda ni sinyusa nga vhathu vha matsilu.”

20

10:20
Yes. 65:1
Rom. 9:30
Yesaya a zwi khwaṱhisa a sa tati a tshi ri,

“Ndo wanwa nga vhe vha si nṱoḓe,

vhe vha si nndonde nda ḓivhonadza khavho.”

21

10:21
Yes. 65:2
Hone a tshi amba Israele u ri,

“Ndi ṱwa ndi tshi vhidza lushaka lu sa pfi, lwa tshipimbi.”