Tshivenda 1998 (VEN98)
20

Miṅwaha ya 1 000 ya musi Saṱhane o vhoxwa

201

20:1-3
Yes. 24:21-22
20:1
Nzumb. 9:1
Nda vhona muruṅwa a tshi tsa a tshi bva ṱaḓulu o fara khii ya dindi na geḓane khulu. 2
20:2
Nzumb. 12:312:92 Pit. 2:4
A fara ḽiḽa ḓiragoni, heḽiḽa ḽiṋowa ḽa kale-kale, ene diabolo, ene Saṱhane, a mu vhofha, uri a dzule o vhoxwa hu vhuye hu fhele miṅwaha ya 1 000. 3
20:3
Dan. 6:17
Muruṅwa a mu posa dindini a khiela a ita na u shatela uri a si tsha ḓo kona u dovha u fhura dzitshakha hu vhuye hu fhele yeneyo miṅwaha ya 1 000. Ngavhuya u ḓo vhofhololwa tshifhinganyana.

4

20:4
Dan. 7:9,18,22
1 Korint. 6:2
Nzumb. 6:9
13:12-16
2 Tim. 2:12
Nda vhona dzikhuluṋoni, vho dzulaho khadzo vhó ṋewa maanḓa a u haṱula. Nda dovha nda vhona mimuya ya vhathu vho vhulawaho nga u tou tumulwa dziṱhoho nge vha nambatela vhuṱanzi ha Yesu na ipfi ḽa Mudzimu. Vhone a vho ngo luvha ḽivhanda kana tshifanyiso tshaḽo; a vho ngo swaiwa nga luswayo lwa ḽivhanda kha phanḓa dzavho na zwanḓa zwavho. Vha dovha vha tshila vha thoma u vhusa na Khristo vhe mahosi miṅwaha yoṱhe heyo ya 1 000. 5
20:5
1 Thes. 4:16
Ndi hone u vuwa ha u thoma. Vhaṅwe vhafu ho vhuya ha fhela miṅwaha heyo ya 1 000 vha sa athu dovha vha tshila. 6
20:6
Nzumb. 2:1121:8
Avho vha no ḓo wanala kha u vuwa ha vhafu ha u ranga vha na mashudu, ndi vho ḓikumedzaho Mudzimu; lufu lwa vhuvhili a lu tsha ḓo vha vhusa. Vha ḓo vha vhotshifhe vha Mudzimu na vha Khristo, vha vhusa nae ha vhuya ha fhela miṅwaha ya 1 000.

U kundwa ha Saṱhane

7

20:7
Nzumb. 20:2
Hu ḓo ri ho no fhela miṅwaha ya 1 000, Saṱhane a vhofhololwa a bva dzhele, 8
20:8
Esek. 38:1-2
39:6
Nzumb. 16:14
a tshimbila a tshi fhura dzitshakha hoṱhe-hoṱhe, dza Gogo na Magogo, a vha kuvhanganya uri vha bve pfumo, vhó ḓala sa muṱavha khunzikhunzini ya lwanzhe. 9
20:9
Esek. 38:9,16
Ps. 132:13
Nzumb. 13:13
Vha balangana na ḽifhasi vha tanga mishasha ya vhathu vha Mudzimu na muḓi une a u takalela. Hone ha wa mulilo u tshi bva ṱaḓulu wa vha lozwa. 10
20:10
Nzumb. 19:20
20:14-15
Zwenezwo uḽa diabolo we a vha fhura a poswa ishani ḽa mulilo na tsevhela, fhaḽa he ha poswa ḽivhanda na muporofita wa u zwifha. Henefho vha ḓo tambudzwa vhusiku na masiari lini na lini.

Khaṱhulo ya u fhiledza

11

20:11-15
Dan. 7:9-10
Nzumb. 4:2
20:11
Nzumb. 21:1
Dan. 2:35
Nda vhona khuluṋoni khulu tshena na o dzulaho khayo. Ḽiṱaḓulu na ḽifhasi zwo vha zwo nyamalala henefho phanḓa hawe zwi si tsha vha na vhudzulo. 12
20:12
Dan. 12:1
Nda vhona vhafu, vhahulwane na vhaṱuku, vho ima henefho phanḓa ha khuluṋoni, bugu dza vulwa. Ha dohwa ha vulwa iṅwe bugu; ndi bugu ya vha tshilaho. Ndi hone vhafu vha tshi haṱulwa hu tshi tevhedzwa mishumo yavho nga he ha ṅwalwa dzibuguni. 13Lwanzhe lwa ṱanza vho felaho ngomu halwo. Lufu na vhudzulavhafu zwa humisa vhe vha vha vho iswa hone, vhoṱhe vha haṱulwa hu tshi tevhedzwa mishumu yavho. 14
20:14
1 Korint. 15:26,54
Nzumb. 21:4
Zwenezwo lufu na vhudzulavhafu zwa kudzwa ishani ḽa mulilo. Heḽo isha ḽa mulilo ndi lufu lwa vhuvhili. 15Muṅwe na muṅwe we dzina ḽawe ḽa vha ḽi songo ṅwalwa buguni ya vha tshilaho a kudzwa ishani ḽeneḽo ḽa mulilo.