Tshivenda 1998 (VEN98)
11

Ṱhanzi mbili

111

11:1
Esek. 40:3
Zak. 2:1-5
Ndi hone ndi tshi ṋewa luṱanga lune lwa nga lwa u ela ngalwo, ha pfi, “Tshimbila u yo ela nnḓu ya Mudzimu na aḽiṱari, u dovhe u vhale na vha no khou luvha henefho. 2
11:2
Esek. 40:17,20
Luk. 21:14Dan. 9:24-27
Nzumb. 13:5
Miṱa ya nnḓa ha iyo nnḓu u songo i ela, u i sie nnḓa. Yone i ḓo kumedzwa vhannḓa. Vhenevho vha ḓo kandekanya muḓi mukhethwa vha ita miṅwedzi ya 42. 3Nṋe ndi ḓo ruma ṱhanzi dzanga mbili dza fhedza maḓuvha a 1 260 dzi tshi khou ḓivhadza vhathu zwine nda funa, dzo ambara madzanganda.”

4

11:4
Zak. 4:2-3
Dot. 19:15
Idzo ṱhanzi mbili ndi miolivi mivhili na zwivheambone zwivhili zwo imaho phanḓa ha Muṋe wa mashango. 5
11:5
2 Mah. 1:10,12
Jer. 5:14
Ane a vhuya a linga u vhaisa idzo ṱhanzi u ḓo swa nga mulilo u no shuluwa u tshi bva milomoni yadzo wa fhisa maswina adzo. Ane a linga u dzi vhaisa tshawe ndi u fa sa zwenezwo. 6
11:6
1 Mah. 17:1
Jak. 5:17
Dzi na maanḓa a u vala makole uri mvula i si ne musi dzi tshi ḓivhadza a Mudzimu; dza dovha dza vha na maanḓa a u shandukisa maḓi a vha malofha, na u rwa shango nga dambudzo ḽifhio na ḽifhio nga hune dza funa.

7

11:7
Nzumb. 17:8
Dan. 7:21-22
Hu ḓo ri musi vho no khunyeledza vhuṱanzi havho, ha ḓa ḽivhanda ḽi no bva dindini ḽa lwa navho, ḽa vha kunda ḽa vha vhulaha. 8
11:8
Yes. 1:10
Zwitumbu zwavho zwi ḓo rambalala mikotoni ya muḓi muhulu une ri tshi fanyisedzela wa pfi Sodoma na Egipita, henefhaḽa he na Muṋe wavho a vhambwa tshifhambanoni. 9
11:9
Ps. 79:2-3
Mar. 13:13
Vhathu vha tshakha dzoṱhe na mitupo yadzo yoṱhe na nyambo dzoṱhe na mashango oṱhe vha ḓo lavhelesa izwo zwitumbu, ha fhela maḓuvha mararu na hafu vha sa tendi zwi tshi swiṱwa. 10Vhathu vha ḽifhasi vha ḓo takala vha pembelela lufu lwa havho vhavhili, vha ita na u ṋekana zwifhiwa, ngauri vhaporofita avho vhavhili vho vha vha tshi shengedza vhathu fhano fhasi.

11

11:11
Gen. 2:7
Esek. 37:10
Musi ho no fhela aḽa maḓuvha mararu na hafu Mudzimu a vha vhudzulela mufemo wa vhutshilo, vha dovha vha vuwa vha ima nga milenzhe yavho, vhoṱhe vho zwi vhonaho vha tou tetemela nga nyofho. 12
11:12
1 Thes. 4:17
Ndi hone avho vhaporofita vhavhili vha tshi pfa ipfi ḽihulu ḽi bvaho ṱaḓulu ḽi tshi vhidzelela ḽi tshi ri, “Gonyani ngeno!” Vha mbo ḓi gonya ḽiṱaḓulu vho namela gole, maswina avho a tshi zwi vhona.

13

11:13
Esra 1:2
5:11-12
Neh. 2:4
Zwenezwo ha mbo ḓi vha na mudzinginyo muhulu wa shango, tshipiḓa tshithihi kha fumi tsha muḓi tsha pwashekana, ha fa vhathu vha 7 000, vho salaho vha farwa nga nyofho vha renda Mudzimu wa ṱaḓulu.

14

11:14
Nzumb. 8:13
Khombo ya vhuvhili zwino yo fhira, hu ḓo ṱuwa hu tshi tevhela ya vhuraru.

Phalaphala ya 7

15

11:15
Nzumb. 10:7
12:10
Ps. 2:2
Dan. 2:447:14,18,27
Luk. 1:33
Ndi hone muruṅwa wa 7 a tshi lidza phalaphala yawe. Ha pfala maipfi mahulu ngei ṱaḓulu a tshi ri,

“Zwino ndi hone Muṋe washu na Mesia wawe

vha tshi ḓo vhusa shango.

U ḓo vhusa lini na lini.”

16

11:16
Nzumb. 4:4
Zwenezwo vhala vhahulwane vha 24 vho dzulaho kha khuluṋoni dzavho phanḓa ha Mudzimu vha wa nga zwifhaṱuwo vha luvha Mudzimu 17
11:17
Nzumb. 1:4
vha tshi ri,

“Muṋe washu, Mudzimu Ramaanḓaoṱhe,

Iwe u re hone, we wa vha u hone,

ri a u livhuha

zwe wa sumbedza maanḓa au mahulu

wa thoma u vhusa.

18

11:18
2 Thes. 1:6
Ps. 110:5
Dan. 7:10
Nzumb. 20:12
Tshakha dza vhannḓa dzo vha dzo halifha,

ha swika tshifhinga tsha ndifhedzo yau,

tshifhinga tsha u haṱula vhafu,

tsha uri vhaḓinḓa vhau vhaporofita na vhakhethwa vhau vhoṱhe,

na vhane vha u ofha,

vhahulwane na vhaṱuku,

vha wane pfufho yavho,

tshone tshifhinga tsha u lozwa vhalozwi vha ḽifhasi.”

19

11:19
Nzumb. 15:5
4:5
Ndi hone nnḓu ya Mudzimu ngei ṱaḓulu i tshi vulwa, henefho nḓuni ha vhonala mbulungelo ya mulanga, ha vha na mavhengevhenge a dziphenyo na ngindi-ngindi ya mibvumo na mudzinginyo wa shango na tshifhango tshihulu.