Tshivenda 1998 (VEN98)
99

Khosi khethwa ya ṱaḓulu-ṱaḓulu

Khuluṋoni khethwa

991

99:1-2
Ps. 47:5-9
Muṋe washu u a vhusa,

tshakha nga dzi tetemele!

O thukha kha khuluṋoni vhukati ha vhakherube;

ḽifhasi nga ḽi dzinginyee!

2Muṋe washu ndi muhulwane Tsioni,

ndi Ene Muvhusi muhulu wa tshakha dzoṱhe.

3Nga vha rende dzina ḽau ḽihulu ḽi ofhisaho.

Ndí mukhethwa!

Khuluṋoni mbuya

4

99:4
Ps. 7:11
U Khosi ya maanḓa i funaho khaṱhulo mbuya,

ndi Iwe wo teaho khaṱhulo ya ngoho,

wa funza Jakopo zwi re zwone na u fulufhedzea.

5Hulisani Mudzimu Muṋe washu,

mu luvheni ni he milenzhe yawe ya kanda!

Ndí mukhethwa!

He Mudzimu a sumbedza u fulufhedzea hawe misi ya kale

6Mushe na Aroni vho vha vhe vhotshifhe vhawe,

Samuele na ene o vha a tshi mu rabela;

vho vhidzelela Muṋe washu a vha aravha.

7

99:7
Ek. 33:9
O amba navho e kha phuphu ya gole,

vha tevhedza zwe a vha laya,

na ndaela dze a vha ṋea.

8

99:8
Ek. 34:7
Ndi ngoho, Mudzimu Muṋe washu, wo vha fhindula;

wo vha Mudzimu a vha hangwelaho,

naho wo vha u tshi vha lifhedzela vhukhakhi havho.

9

99:9
Ps. 76:2
Hulisani Mudzimu Muṋe washu,

mu luvheni e thavhani yawe khethwa.

Mudzimu Muṋe washu ndi mukhethwa!