Tshivenda 1998 (VEN98)
94

Mudzimu u ḓo haṱula vhakandeledzi vha vhathu vhawe

U hwelela vhavhi

941

94:1-2
Dot. 32:35-36
94:1-11
Ps. 14:1-6
Muṋe washu,

u Mudzimu ane a lifhedza;

Iwe Mudzimu Mulifhedzi, ḓivhonadze!

2Takuwa, Iwe Muhaṱuli wa ḽifhasi;

lifhedza vhadzia-u-ḓihudza

u tshi tevhedza zwiito zwavho!

3

94:3
Ps. 13:1-2
Muṋe washu,

vhavhi vha ḓo ḓiphiṋa u ya ho ya naa?

Vha ḓo gumafhi?

Vhadzia-u-levha vha u ṱonga

4Maṱamba vha tou pfa vha tshi vhea;

vhaitazwivhi vhoṱhe vha a ḓikhoḓa.

5Vha kandeledza vhathu vhau,

Muṋe washu,

vha tsikeledza vhanangiwa vhau.

6Vha vhulaha tshilikadzi na ṱhunḓu,

vha ponda tsiwana.

7Vha ri Muṋe washu ha zwi vhoni;

Mudzimu wa Jakopo ha zwi londi.

Vhutsilu ha vhadzia-u-levha

8Ni vhone, inwi ni si na ṱhalukanyo;

inwi matsilu, ni ḓo ṱalifha lini?

9Kani we a ni ṋea nḓevhe ndi dzinganḓevhe?

We a ni fha maṱo ndi bofu kani?

10Kani-ha ane a onyolosa dzitshakha ha laṱisi?

Ene ane a gudisa vhathu ha na nḓivho kani?

11Muṋe washu u ḓivha mihumbulo ya vhathu;

u ḓivha uri a vha tshithu.

Mashudu a vha pfaho Mudzimu

12

94:12
Ps. 1:1
Muṋe washu,

ú na mashudu ane wa mu laya,

wa mu funza mulayo wau,

13u mu rudza mbilu musi wa khombo,

vhavhi vha vhuya vha swiṱwa.

14Muṋe washu a nga si laṱe vhathu vhawe,

a nga si furalele vhanangiwa vhawe.

15Hu ḓo dovha ha vhuya khaṱhulo mbuya;

vhoṱhe vha mbilu dzo ṱambaho vha ḓo i tevhela.

Mulamuleli e eṱhe

16Ndi nnyi ane a ḓo nndwela ndi tshi imedzana na vhavhi?

Ndi nnyi ane a ḓo nnyimelela vhaitazwivhi vha tshi mmvutshela?

17

94:17
Ps. 124:1-3
Ngavhe Muṋe washu a si mpfarise,

ndi musi ndo fa.

18Ndi tshi ri,

“Mulenzhe wanga u khou redzemuwa,”

Iwe Muṋe washu wa ntika,

ngauri u na lufuno.

19Musi mbilu yanga i tshi swa,

wa nkhuthadza wa nthudza mbilu.

Khaṱhulo i sa khakhi

20Nṋa vhavhusi vhavhi vhane vha ḓivhetshela

milayo ya vhukwila,

vha nga konana na Iwe?

21Vha luka vhunwa ha u fasha vha fulufhedzeaho,

vha si na mulandu vha haṱulelwa lufu.

22Muṋe washu ndi Ene vhushavhelo hanga;

Mudzimu wanga ndi Ene bako ḽi ntsireledzaho.

23Ú ḓo vha lifhedzela vhutshinyi havho,

a vha fhedza nga mulandu wa vhuvhi havho.

Mudzimu Muṋe washu u ḓo vha lozwa.

95

U vhidza lushaka u ḓa u luvha

Mifhululu

951Iḓani ri fhululedze Muṋe washu!

Nga ri mu pembelele,

Ene bako ḽi ri tshidzaho!

2Nga ri swike phanḓa hawe ri mu rende,

nga ri mu imbele ri pembele.

3Muṋe washu ndi Mudzimu muhulu,

ndi Khosi khulu i vhusaho midzimu yoṱhe.

4U vhusa u bva zwigodini zwa ḽifhasi

u swika miṱombozwiloni ya dzithavha.

5Lwanzhe ndi lwawe,

ndi Ene o lu sikaho,

na shango ndi ḽawe,

ḽo vhumbwa nga zwanḓa zwawe.

Khuliso

6Iḓani ri khothe ri mu luvhe,

nga ri gwadamele Muṋe washu o ri vhumbaho.

7

95:7
Ps. 74:1
95:7d-11
Heb. 3:7 – 4:11
Hufha e Ene Mudzimu washu,

riṋe rí vhathu vhawe,

rí sambi ḽine a ḽi londola.

Phindulo ya Mudzimu a tshi kaidza lushaka

Ngavhe ṋamusi ni tshi pfa ipfi ḽawe nandi!

8

95:8-9
Ek. 17:2-7
U ri, “Ni songo ita tshipimbi unga no ita ni Miriba,

ni songo dovha zwa ḽiḽa ḓuvha musi ni Masa phangani,

9he vhokhotsi aṋu vha nṱunga,

vha nndinga,

naho vho vhona zwe nda ita.

10Murafho wonouḽa ndo u nyala

miṅwaha ya mahumi maṋa,

nda ri, ‘Ndi vhathu vha mbilu dzo bvaho ngonani,

a vha funi u ḓivha nḓila dzanga.’

11

95:11
Num. 14:21-23
Nda ana ndo sinyuwa nda ri,

‘Vha nga si dzhene

he nda vha ndi tshi ḓo vha awedza.’ ”

96

Khosi ya tshakha dzoṱhe

(1 Koron. 16:23-33)

Vhugala ha Khosi

961

96:1a
Ps. 40:3
98:1
Yes. 42:10
Nzumb. 5:9
14:3
96:1-13
Ps. 98:1-9
Imbelani Muṋe washu luimbo luswa,

ḽifhasi ḽoṱhe nga ḽi imbele Muṋe washu!

2Imbelani Muṋe washu,

khoḓani dzina ḽawe,

ḓivhadzani u tshidza hawe ḓuvha ḽiṅwe na ḽiṅwe.

3Anḓadzani vhugala hawe tshakhani dzoṱhe,

ni ḓivhadze vhathu vhoṱhe

mishumo yawe i mangadzaho.

4Muṋe washu ndi muhulu,

o tewa nga thendo khulu,

o fanela u ofhiwa u fhira midzimu yoṱhe.

5

96:5
Ps. 115:4-7
Yes. 40:18-26
Hufha midzimu yoṱhe ya dzitshakha i si tshithu;

hone Muṋe washu o sika ḽiṱaḓulu.

6Vhurena na vhugala zwi khae,

fhethu hawe hukhethwa hu na maanḓa na lupenyo.

Khuliso yo teaho Khosi

7

96:7-10
Ps. 22:27-29
Yes. 2:2-366:23
Zak. 8:20-23
14:16
Ps. 47:5-9
Inwi tshakha dzoṱhe,

iḓani ha Muṋe washu!

Mu huliseni, mu luvheni,

u na maanḓa.

8Rendani dzina ḽa Muṋe washu,

zwo tea;

ḓisani nduvho nḓuni yawe.

9Khothani Muṋe washu

a tshi vhonadza lupenyo lwawe lukhethwa!

Ḽifhasi ḽoṱhe nga ḽi mu tetemele.

Khosi i tshi ḓa

10Vhudzani dzitshakha ni ri,

“Muṋe washu u a vhusa;

shango ḽo tikwa, ḽi nga si sudzuluswe;

u ḓo haṱula dzitshakha a sa ṱaluli.”

11Ḽiṱaḓulu nga ḽi takale,

ḽifhasi nga ḽi fhululedze,

lwanzhe nga lu bvume na zwoṱhe zwi re khalwo;

12masimu nga a pembele na zwoṱhe zwi re khao.

Ndi hone miri yoṱhe ya ḓaka i tshi ḓo fhululedza;

13

96:13
Ps. 9:8
46:9-10Mish. 17:31
i ḓo imbela Muṋe washu ngauri u a ḓa;

u ḓa u haṱula ḽifhasi.

U ḓo haṱula shango a sa ṱaluli,

dzitshakha u ḓo dzi haṱula nga khaṱhulo ya ngoho.