Tshivenda 1998 (VEN98)
90

Bugu ya vhuṋa

(Phisalema 90 – 106)

Muthu ndi a faho, Mudzimu ndi wa lini na lini

Thabelo ya Mushe, muḓinḓa wa Mudzimu.

Mudzimu Randalamo

901Muṋe wa zwoṱhe,

wo ḓi vha dzhavhelo ḽashu

zwi tshi ya nga mirafho na mirafho.

2Zwiḽa thavha dzi sa athu bebwa,

u sa athu sika ḽifhasi na shango,

u ḓi vha Mudzimu

u bva kale-kale, na lini na lini.

Muthu ha lalami

3

90:3
Gen. 3:19
Iwe u vhuedzedza muthu mavuni,

wa ri,

“Vhuelelani kha zwe na vha ni zwone,

inwi vhana vha vhathu.”

4

90:4
2 Pit. 3:8
Kha Iwe tshigidi tsha miṅwaha

tshi tou nga ḓuvha ḽa mulovha ḽo fhiraho,

tshi nga muthu a tshi rembuluwa kathihi vhusiku.

5

90:5-6
Ps. 103:15-16
Yes. 40:6-7
U kumba vhathu, zwa nga muloro une ḽi tshi tsha wa hangwiwa;

vha nga hatsi vhu melaho nga matsheloni:

6nga matsheloni vhu a titima,

nga madekwana ha puta ha oma.

U swa nga mbiti dza Mudzimu

7Ri fhiswa nga mbiti dzau,

u tshi dinalea zwi ofhisa hani!

8

90:8
Ps. 19:12
Milandu yashu a yo ngo u dzumbama;

u dzumbulula zwiphiri zwashu nga tshedza tshau.

9Maḓuvha ashu oṱhe a nyamaladzwa nga mbiti dzau;

vhutshilo hashu vhu nga mufemo,

a vhu lengi u fhela.

10Ri tshila miṅwaha ya 70,

vha lalamaho vha tshila 80,

hone zwine ya ri ḓisela zwi zwidini na maṱungu fhedzi;

i tou fhufha ra vha ri si tsheeho.

11Ndi nnyi o no thetshelaho maanḓa a mbiti dzau?

Ndi nnyi a no ḓivha uri wa sinyuwa zwi ofhisa hani?

12

90:12
Ps. 39:4-6
Ri funze u vhala maḓuvha ashu ri vhone uri ha gathi,

mbilu dzashu dzi vhe na vhuṱali.

Mudzimu wa tshilidzi

13

90:13a
Ps. 13:1-2
Muṋe washu, humisa mbiti dzau,

zwi ḓo guma lini?

Khathutshela vhalanda vhau.

14Kha ri vuwe ro fushwa nga lufuno lwau,

ri imbe ri takale maḓuvha oṱhe a vhutshilo hashu.

15Ri takadze zwi eḓane na zwiḽa u tshi ri ṱungufhadza,

zwi eḓane na miṅwaha ye ra ṱangana na zwi konḓaho.

16Ngavhe vhalanda vhau vha tshi vhona mishumo yau ya maanḓa,

vhana vhavho vha vhona vhugala hau.

17Ngavhe Muṋe wa zwoṱhe Mudzimu washu

a tshi ri itela vhulenda,

zwe ra shuma zwi si vhe mahandana,

ndi zwone, nga a khwaṱhise mishumo ya zwanḓa zwashu.

91

Mudzimu Mutsireledzi

Vhushavhelo

911Ane a khuda nga Waṱaḓuluṱaḓulu,

u ḓo lala murunzini wa Ramaanḓaoṱhe.

2

91:2
Ps. 18:2
Ndi ḓo amba na Muṋe washu nda ri,

“Ndi Iwe vhushavhelo hanga,

u vhudzumbamo hanga,

Mudzimu wanga ane nda mu fulufhela.”

Tsireledzo

3Ngoho u ḓo u ponyokisa tshikwekweni

tshe wa retshelwa,

hu tshi ḓa dwadze ḽi vhulahaho,

a u tshidza.

4

91:4
Ps. 17:8
U ḓo u kuvhatedza nga mithenga yawe,

a u pilela nga phapha dzawe;

u fulufhedzea hawe ndi tshone tshiṱangu na philelo.

5Na khombo dza vhusiku a u nga dzi ofhi,

naho u musevhe u poswaho masiari,

6nangwe ḽi dwadze ḽi dodelaho swiswini,

naho ḽi bulayo ḽi fhedzaho vhathu masiari tshivhangalala.

7Vha tshigidi vha tshi ḓi rambalala thungo ino yau,

vha fumi ḽa zwigidi vha tshi wa thungo ya tshauḽa tshau,

hone iwe a zwi nga u kwami;

8u ḓo sokou sedza zwau,

wa vhona vhavhi vha tshi lifhedzwa.

9Hufha Muṋe washu e vhushavhelo hau,

Waṱaḓuluṱaḓulu e vhudzumbamo hau,

10a hu na khombo i no ḓo u wela,

a hu na phanzi i no ḓo sendela nnḓu yau.

11

91:11-12
Ps. 34:7Mat. 4:6
U ḓo ruma vharuṅwa vhawe,

vha u londola nḓilani dzau dzoṱhe;

12vha ḓo u takula nga zwanḓa zwavho,

u sa ḓo khukhulwa mulenzhe nga tombo.

13

91:13
Luk. 10:19
U ḓo kanda ndau na ṋowa,

ndawana na mbeḓa wa zwi kandekanya.

Zwe Mudzimu a ri fulufhedzisa

14Mudzimu u ri,

“Ú a mpfuna, ndi ḓo mu tshidza;

ndi ḓo mu tsireledza,

u ḓivha dzina ḽanga.

15

91:15
Ps. 50:15
A tshi mmbidzelela ndi ḓo mu aravha;

e khomboni ndi ḓo ima nae;

ndi ḓo mu lamukisa nda mu hulisa;

16ndi ḓo mu tonda a lalama,

a vhona uri muthu ndi mu tshidza hani.”

92

Maanḓa a bva kha Mudzimu

Phisalema, luimbo lwa ḓuvha ḽa Sabatha.

Thendo i sa tumuwi

921

92:1-3
Ps. 33:1-3
Muṋe washu, Waṱaḓuluṱaḓulu,

zwo naka hani ri tshi u livhuha,

ri tshi renda dzina ḽau nga nyimbo,

2ri tshi ḓivhadza lufuno lwau nga matsheloni,

nga madekwana ra anḓadza u fulufhedzea hau,

3nga tshilidzo tsha thale dza fumi,

na nga luimbo lwa mbila,

hu tshi lidzwa haripa!

4Muṋe washu,

u ntakadza nga mishumo yau,

ndi fhululedza zwe wa ita.

U lovha ha maswina a Mudzimu

5Muṋe washu,

mishumo yau yo hula hani!

Mihumbulo yau yo ṱanḓavhuwa hani!

6A si na ṱhalukanyo ha ḓivhi,

tsilu a ḽi pfesesi,

7

92:7
Mir. 24:19-20
uri naho vhavhi vha tshi simuwa unga hatsi,

na vhaitazwivhi zwi tshi vha anḓa,

vha ḓo fhedzwa tshoṱhe.

8Hone Iwe Muṋe washu u ḓi dzula u muhulwane lini na lini.

9Ngoho-ngoho maswina au, Muṋe washu,

ngoho-ngoho maswina au a ḓo lovha;

vhoṱhe vhaitazwivhi vha ḓo balanganywa.

U lalama na maanḓa a vha fulufhedzeaho

10Wo nnyombela shambo nda nga ṋari,

wa nnḓodza mapfura a netulusaho.

11Maṱo anga o vhona maswina anga a tshi kundwa,

nḓevhe dzanga dzo no ḓi pfa mutsindo

wa vhane vha mmvutshela.

12

92:12-14
Ps. 1:3
52:8
25:12-13
Vha fulufhedzeaho zwi ḓo vha anḓa

unga mutshevho u tshi ṱuma lurere,

vha aluwa unga mukedara wa Libanoni.

13Vho ṱavhiwa nḓuni ya Muṋe washu,

vha titima miṱani ya Mudzimu washu.

14Vha ḓo ḓi aṋwa mitshelo

naho vho no ḓi vha vha maḓuvha;

vha ḓo dzula vhe vhaswa unga miri midala,

15vha tshi ṱanziela uri Muṋe washu u ita zwone,

ndi Ene bako ḽanga, ha khakhi.