Tshivenda 1998 (VEN98)
86

Mulanda a fulufhedzeaho wa Mudzimu, a tshi ṱavha mukosi musi wa khombo

Thabelo ya Dafita.

Mukosi wa muhumbeli

861Muṋe washu, mpfe u mphindule,

ndi muheḓana, ndi mushai!

2Nndondole,

hufha ndi tshi fulufhedzea!

U Mudzimu wanga, ndi fulufhela Iwe,

ntshidze!

3Muṋe wa zwoṱhe, nkhathutshele,

ḓuvha ḽoṱhe ndi vhidzelela Iwe.

4Nthudze mbilu, Muṋe wa zwoṱhe,

ndi livhisa mbilu yanga ha Iwe.

5

86:5
Ps. 130:3-4
Muṋe wa zwoṱhe, u na vhuthu,

u a hangwela,

vhane vha u vhidzelela u vha sumbedza lufuno luhulu.

6Muṋe washu, ipfa thabelo yanga,

thetshelesa mukosi wanga.

7Musi wa khombo ndi a u vhidzelela;

u ḓo mphindula.

Mudzimu a fhiraho zwoṱhe

8

86:8
Ps. 135:5
Muṋe wa zwoṱhe,

kha midzimu yoṱhe

a hu na a no nga Iwe;

a hu na mishumo ine ya nga vhambedzwa na yau.

9

86:9
Ps. 96:7-10
Wo vhumba tshakha dzoṱhe;

dzi ḓo ḓa dza u luvha,

dza renda dzina ḽau,

Iwe Muṋe wa zwoṱhe.

10Muhuluhulu ndi Iwe,

u ita zwimangadzo,

ndi Iwe Mudzimu u woṱhe.

11

86:11
Ps. 25:4
Muṋe washu,

mpfunze u ita zwine wa zwi funa,

ndi ḓo konou tshimbila ngohoni yau;

mphe mbilu nthihi,

ndi ofhe dzina ḽau.

12Muṋe wa zwoṱhe, Mudzimu wanga,

ndi ḓo u renda nga mbilu yanga yoṱhe,

ndi ḓo hulisa dzina ḽau lini na lini.

13

86:13
Ps. 30:3
A u mpfuni zwone,

wo nṋula fhasi-fhasi tshaloni.

Vha no nyadza Mudzimu

14Mudzimu, vhadzia-u-ḓihudza vha khou nndevhela,

vhadzia-tshiṱuhu vha khou mmbulaha;

ndi vhathu vha sa u londi.

15

86:15
Ek. 34:6
Hone Iwe Muṋe wa zwoṱhe

u Mudzimu wa tshilidzi na khathutshelo;

a u fheli mbilu,

lufuno lwau a lu dzinginyei,

u a fulufhedzea.

16Ntsedze, u nkhathutshele,

nṋee nungo dzau;

ntshidze,

hufha na mme anga o vha mulanda wau.

17Ntsumbedze tshiga tsha vhuthu hau,

maswina anga a zwi vhone, a shone.

Vhukumakuma Iwe Muṋe washu

wo mpfarisa wa mphumudza.