Tshivenda 1998 (VEN98)
84

U ṱulutshela nnḓu ya Mudzimu

Phisalema ya vhana vha Kora ye vha sikela malogwane uri i imbiwe hu tshi lidzwa tshilidzo tsha Gathi.

Muimbi e kule na thembele

841Nnḓu yau i takadza hani,

Iwe Muṋe washu Ramaanḓaoṱhe!

2

84:2
Ps. 42:1-2
Ndo ṱuvha miṱa ya Muṋe washu,

ndi ita na u ṋoka;

Mudzimu a tshilaho ndi mu fhululedza nga mbilu yanga yoṱhe.

3Hufha na lutiitii lwo wana tshiṱaha,

ṱhambamaḓi na yone yo ḓiwanela vhudzulo

hune ya nga thothonya mafhondo,

henefho tsini ha aḽiṱari yau,

Iwe Muṋe washu Ramaanḓaoṱhe,

Khosi yanga, Mudzimu wanga.

4

84:4
Ps. 84:10
23:6
84:4,5,12
Ps. 1:1
Vha na mashudu vha no dzula nḓuni yau;

vha dzula vha tshi u renda.

Muimbi e nḓilani ya u ya thembeleni

5

84:5
Ps. 122:1
Vha na mashudu

vhane maanḓa avho a bva kha Iwe;

a hu na tshi vha takadzaho mbilu

u fhira u fara lwendo lwa u ya nḓuni yau.

6

84:6
Yes. 41:17-20
Vha tshi fhira nga govhani ḽo omaho vha hu ita fhethu ha zwisima,

vha welwa nga mashudu a mvula dza tseula.

7Vha ḓi pfa mbilu dzo khwaṱha dzi tshi ya,

vha vhuya vha swika Tsioni,

maṱoni a Mudzimu.

Thabelo

8Muṋe washu,

Mudzimu Ramaanḓaoṱhe,

ipfa thabelo yanga!

Nthetshelese,

Iwe Mudzimu wa Jakopo!

9

84:9
Ps. 2:6
Mudzimu, londola khosi,

ene tshiṱangu tshashu,

vhavhalela ene we wa mu ta.

Muimbi e thembeleni

10

84:10b
1 Koron. 26:19
Ndi khwiṋe u ṱwa miṱani yau ḓuvha ḽithihi zwaḽo,

u fhira maḓuvha a tshigidi ndi sa hu vhoni;

ndi takalela u linda muṋango wa nnḓu ya Mudzimu zwanga,

u fhira u dzula nḓuni dza vhavhi.

11

84:11
Ps. 36:9
97:11
Yes. 60:19
Nzumb. 21:23
Mudzimu Muṋe washu ndi ḓuvha ḽashu,

ndi tshiṱangu,

u ri itela vhuthu, a ri hulisa;

vho faraho nḓila ya Muṋe washu vha sa vhuyi vha pambuwa,

ha vha dzimi tshivhuya na tshithihi.

12Muṋe washu Ramaanḓaoṱhe,

u na mashudu ane a fulufhela Iwe.