Bugu ya vhuraru

(Phisalema 73 – 89)

Mashudu a vhavhuya ha fheli, a vhavhi ndi a tshifhinganyana

Phisalema ya Asafu.

Ṱhoho ya mafhungo

73¹

u thakha vha mbilu dzo ṱambaho.

²Hone nṋe ndo ṱoḓou khukhulwa,

kaṱukuṱuku ndo redzemuwa.

³Ndo vha ndi tshi vhivha vhadzialuswetho,

ndi tshi vhona vhavhi zwi tshi vha anḓa.

U ṱonga ha vhavhi

⁴Vha vhuya vha fa vhá songo pfa vhuṱungu;

vho khwaṱha, vho takala,

⁵a vha tambuli unga vhaṅwe,

khombo dzi no wela vhaṅwe,

a dzi vha weli.

⁶Ndi zwine vha ambara luswetho unga vhulungu,

u levha vha hu fuka unga nguvho.

⁷Ludzula lwavho lu beba vhunwa,

mbilu dzavho dzi shulula vhukwila.

⁸

vha shushedza vhathu nga u vha levhela.

⁹Na Mudzimu a vha mu teledzi,

vha tshi amba a hu na ane vha mu ofha.

¹⁰Ndi zwine na vhathu vha Mudzimu vha vho vha tevhela,

vha kapula zwiambo zwavho zwoṱhe.

¹¹

“Mudzimu a nga si zwi ḓivhe;

Waṱaḓuluṱaḓulu a nga vhuya a zwi vhona naa?”

¹²Vhavhi vho tou ralo:

ndi vhapfumi,

vha ḓi pfuma vha tshi ya.

Vhuyo havho

¹³

ndi tshi ila vhutshinyi,

ho vha hu u sokou ḓinetisa?

¹⁴Hufha wo ntambudza ḓuvha ḽoṱhe,

ḽa tsha wa nthwa.

¹⁵Arali ndo vha ndo amba zwo raloho,

ndo vha ndi tshi ḓo vha ndi tshi khou landula

vhathu vha Mudzimu.

¹⁶Nda edzisa u ṱalukanya maitele a Mudzimu,

zwe vhutoto,

¹⁷

Ha vha hone ndi tshi ṱalukanya vhuyo ha vhavhi:

¹⁸Iwe u ḓo vha vhea hu redzaho,

vha redzemuwa nga vhukwila havho,

khunḓa ya fasha muvei.

¹⁹Iṱo ḽi tshi ri poi, vha vha vho no lovha,

vha fhedza nga u godimela hu ofhisaho.

²⁰Vha nga muloro une ḽi tshi tsha wa fhufha;

Iwe Muṋe wa zwoṱhe u tshi vuwa vha a nyamalala.

U rudza mbilu nga u konana na Mudzimu

²¹Zwiḽa ndi tshi khou ḽa mbilu ndó dinalea,

²²ndo vha ndi tshi nga tshifuwo tshi sa ḓivhi tshithu,

ndi tshi nga phukha maṱoni au.

²³Naho zwo ralo a thi u litshi;

u mpfara nga tshauḽa tshanga;

²⁴

magumoni u ḓo nṱanganedza vhugalani hau.

²⁵Wa hanga ngei ṱaḓulu ndi nnyi arali e si Iwe?

Na fhano shangoni ndi kha ḓi tamani ndí na Iwe?

²⁶

hone Mudzimu ndi Ene maanḓa a mbilu yanga,

ndi Ene mukovhe wanga wa lini na lini.

²⁷Vha u ṱutshelaho vha ḓo lovha;

u lozwa vhoṱhe vha u shandukelaho.

²⁸A vha nṋe, ndi takadzwa nga u vha tsini ha Mudzimu;

Muṋe washu, Muṋe wa zwoṱhe,

ndo mu ita vhukhudo hanga;

ndi ḓo ḓivhadza zwoṱhe zwine a ita.