Tshivenda 1998 (VEN98)
72

Khosi-khosi

Phisalema ya Solomoni.

Khosi mbuya

721

72:1-19
Yes. 11:1-5
72:1-4
Ps. 101:1-8
Mudzimu, funza khosi vhuṱali,

a haṱule nga hune wa funa;

o bebelwaho vhuhosi

mu ṋee maanḓa a khaṱhulo mbuya,

2a kone u haṱula vhathu vhau a sa ṱaluli,

vhaheḓana vhau a vha vhuse nga u fulufhedzea.

3

72:3
Yes. 32:17
Thavha kha dzi aṋwe lupfumo,

mivhundu i bveledze u fulufhedzea.

4

72:4
Ps. 9:12
Ngavhe a tshi haṱula vhaheḓana a sa ṱaluli,

a lamulela vha lilaho,

a kandekanya vhakandeledzi vhavho.

Muvhuso u sa gumi

5

72:5
Ps. 72:1789:3-4
Nga' lalame unga ḓuvha na ṅwedzi,

a vhone mirafho na mirafho.

6

72:6-7
2 Sam. 23:3-4
A tonde vhathu unga mvula i tshi na pfuloni,

a nge vhusuṱo vhu no shasha mavu.

7

72:7
Yes. 60:21
Ngavhe u fulufhedzea hu tshi anda muvhusoni wawe,

ha ḓala mulalo ṅwedzi wa vhuya wa lovha.

8

72:8
Ek. 23:31
72:8-11
Ps. 2:8
Muvhuso wawe u ḓo ḓadza shango u bva kha lwanzhe

u guma nga lwanzhe,

u bva Yufuratha u swika mugumoni wa ḽifhasi.

9Tshakha dza phangani dzi ḓo mu khotha,

maswina a ḓo tou shuvhama a ṋanzwiswa buse.

10Mahosi a Spania na a kule-kule a ḓo ḓisa zwifhiwa,

a Sheba na Seba a ḓo ḓisa nduvho.Sheba na Seba u nga ri ndi Yemeni Tshipembe.

11Mahosi oṱhe a ḓo mu khotha,

tshakha dzoṱhe dzi ḓo vha vhalanda vhawe.

Khosi ya tshilidzi

12Ú lamulela vhaheḓana vhane vha mu vhidzelela,

na vhashai vha si na muphalali.

13Vha si na nungo, na vhaheḓana,

u vha pfela vhuṱungu;

u ḓo tshidza vha lilaho.

14

72:14
1 Mah. 12:4Mat. 11:29-30
Vha tshi kandeledzwa,

vha tshi huvhadzwa,

u a vha lamulela;

u vhona vhutshilo havho vhu ha mutengo muhulu.

Mashudu a si na mugumo

15Thovhele nga a lalame!

Ngavhe vha tshi mu luvha nga musuku wa Sheba,

a dzula a tshi rabelelwa,

a humbelelwa mashudu nga misi.

16Ngavhe shango ḽi tshi vha na ndalo,

thavha dza tou phapha mavhele u swika miṱumbani yadzo,

a tou vhofhana unga ḓaka ḽa Libanoni,

miḓi ya ḓala vhathu unga hatsi.

17

72:17
Gen. 12:2-3
Ngavhe dzina ḽa khosi ḽi sa hangwiwi,

bvumo ḽawe ḽa nga ḓuvha ḽi sa kovheli;

vhathu vha tshi shudufhadzana vha ri,

“Mudzimu a u shudufhadze unga a tshi shudufhadza khosi yashu!”

tshakha dzoṱhe dza khoḓa mashudu awe.

Thendo (Lupendelo lwa Bugu ya vhuvhili)

18Nga hu rendwe Mudzimu Muṋe washu,

Ene Mudzimu wa Israele!

Ndi Ene e eṱhe ane a ita zwimangadzo.

19Nga hu rendwe dzina ḽawe ḽa vhugala lini na lini!

Ngavhe vhugala hawe vhu tshi ḓadza shango ḽoṱhe!

AMEN! AMEN!

20Thabelo dza Dafita ṅwana wa Isai dzi fhela henefha.