Tshivenda 1998 (VEN98)
69

Mutovholwa o ṅaledzwaho nga vha hawe

Phisalema ya Dafita ye a sikela malogwane; i pfi i imbiwe nga kuimbelwe kwa luimbo lu no ri “Phendephende”.

Mutsikeledzwa-nga-dambudzo

691

69:1-2
Ps. 42:7
Mudzimu, ntshidze,

maḓi o guma nga mukulo wanga!

2Ndo mbwandamela dopeni,

a hu na vhukando.

Ndo wela dzivhani ḽihulu,

lutsinga lu ṱoḓou nkumba.

3Ndo neta nga u ṱavha mukosi,

mikulo yanga i ita na u rema;

maṱo anga o ita na u punda

ndó lindela Mudzimu wanga a tshi nndamulela.

4

69:4
Ps. 109:2Joh. 15:24-25
Vhane vha sokou mmbenga ndi si na tshe nda tshinya,

vho anda u fhira mavhudzi anga.

Maswina anga a sokou nnzwifhelela;

vha na nungo, vha ṱoḓa u mmbulaha.

Vha ri ndi vhuedzedze zwe nda si tswe.

Muṅaledzwa

5Mudzimu, Iwe u ḓivha vhuhwarahwara hanga,

milandu yanga a i koni u u dzumbama.

6Muṋe wa zwoṱhe,

Muṋe washu Ramaanḓaoṱhe,

ngavhe vha u fulufhelaho vha sa shoni

vha tshi mmbona;

Mudzimu wa Israele,

vha u luvhaho ngavhe vha sa shoni nga u vhona zwine nda itwa.

7Ndi nyadzelwa Iwe,

hezwi ndo ambara ṱhoni.

8

69:8
Ps. 38:11
Vha hashu vha vho nnyita mutsinda,

ndi nga asili muṱani wa hashu.

9

69:9
Joh. 2:17
Rom. 15:3
Ndo no tou fhelela nga mbilu i tshi swela nnḓu yau,

maṱamba ane a poswa kha Iwe a wela kha nṋe.

10Ndi ḓiṱukufhadza nga u ḓidzima,

ndi zwine vhathu vha nnyadza.

11Ndi tshi ḓivhuedza nga u ambara saga,

ndi tou itwa ṱano.

12

69:12
Ps. 31:11
Mikotoni hu pfala dzina ḽanga fhedzi,

zwidakwa zwi ita na u nnyimba.

Mukosi

13

69:13
Ps. 31:15
Hone a vha nṋe ndi ḓo rabela Iwe Muṋe washu

nga tshifhinga tshine wa funa;

Mudzimu, u na lufuno luhulu,

ipfa thabelo yanga;

Iwe u a fulufhedzea, u ḓo ntshidza.

14Mphalale,

ndi si mbwandamele dopeni,

mponyokise kha maswina anga,

u nṋule dzivhani!

15U songo litsha ndi tshi kumbwa nga lutsinga lwa maḓi,

nda milwa nga lwanzhe,

nda govhedzwa nga dindi.

16Muṋe washu, mphindule;

lufuno lwau lu takadza hani!

Khathutshelo yau ndi khulu,

u songo tsha mpfuralela.

17U songo dzumbama mulanda wau;

ndi khomboni khulu,

ṱavhanya u mphindula!

18Iḓa u mmbofholole,

nndamulele u fhumudze maswina anga!

Zwifheṱi

19Iwe u ḓivha uri ndi nyadziwa hani;

ndí fhano ndo bva mvumbo,

ndo shona,

tendá maswina anga oṱhe á songo u dzumbama.

20Maṱamba o pwashekanya mbilu yanga,

ndo kulea nungo;

ndo lavhelela u pfelwa vhuṱungu,

zwe ndi bva vhubvo;

nda ri ndi ḓo fhumudzwa,

zwe vhutoto.

21

69:21
Mat. 27:48
Joh. 19:28-29
Ndi tshi pfa nḓala vho mpha vhutulu;

ndó farwa nga ḓora vha mpha viniga.

U teketela zwifheṱi

22Vha tshi ḽa nduvho dzine vha u ṋekedza,

nga dzi vhe khunḓa vha wele ngomu;

ngavhe madzanga avho a tshi vha tshikwekwe tsha vha fasha!

23Nga vha pofule!

Miṱoḓo yavho i kulee!

24Shululela mbiti dzau nṱha havho!

Vha sinyutshele u vha lozwe!

25Miḓi yavho nga i sale e matumba,

nḓuni dzavho hu si tsha sala muthu!

26Vha khokhovhedza o no ḓi rwiwaho;

vha tshi vhona mbonzhe dza we wa mu phula,

vha a mu holedza.

27Vhuvhi havho nga vhu lifhedzwe nga vhuvhi!

Vha songo vhuya vha ṱamba tsengoni!

28

69:28
Ek. 32:32
Mal. 3:16
Madzina avho nga a thuthwe buguni ya vha tshilaho!

Kha vha bviswe kha mutevhe

wa vhathu vhau vha fulufhedzeaho!

Thendo ya mutovholwa

29A vha nṋe, ndo kulea nungo,

ndi pfa vhuṱungu;

Mudzimu, ntakuse u ntsireledze!

30

69:30-31
Ps. 50:13-15
Ndi ḓo renda Mudzimu nga luimbo,

nda livhuha,

nda ḓivhadza vhuhulu hawe.

31Hezwo zwi ḓo takadza Muṋe washu

u fhira zwiṱhavhelo zwa dzikholomo,

u fhira u mu ṋekedza mboho yo vhinaho.

32Vhakandeledzwa vha ḓo ri u zwi vhona vha takala,

vha no luvha Mudzimu vha ḓo ṱuṱuwedzea.

33

69:33
Ps. 9:12
Muṋe washu u thetshelesa vha lilaho,

vhathu vhawe vho vhoxwaho ha vha hangwi.

Thendo dza ḽifhasi ḽoṱhe

34Ḽiṱaḓulu na ḽifhasi, rendani Mudzimu

na lwanzhe, na zwoṱhe zwi re khalwo!

35Mudzimu u ḓo tshidza Tsioni,

a vusa miḓi ya Juda;

vhathu vhawe vha ḓo dzula hone,

shango ḽa vha ḽavho.

36Ḽi ḓo vha ifa ḽa vhaḓuhulu vha vhalanda vhawe;

vhane vha mu funa vha ḓo dzula henefho.

70

Mukosi

(Ps. 40:13-17)

Phisalema ya Dafita ya u humbudza Mudzimu ye a sikela malogwane.

701Mudzimu, nndamulele!

Muṋe washu, ṱavhanya u mphalala!

2Vhane vha ṱoḓa u mmbulaha

nga vha shone vha nyadziswe.

Vhane vha tama ndi tshi welwa nga khombo

vha hume vho shona.

3Vhane vha tshi mmbona vha ri,

“Koṱo, koṱo!”

vha hume vho shona.

4Ngavhe vhane vha u ṱoḓa vha tshi takala vha pembela.

Vhane vha takalela u tshidzwa nga Iwe

vha dzule vha tshi ri,

“Mudzimu ndi muhulu!”

5A vha nṋe ndi muheḓana,

a thi na nungo.

Mudzimu, ṱavhanya u ḓa ha nṋe!

Iwe Muṋe washu, u Mutiki wanga,

u Mutshidzi wanga,

u songo vhuya wa lenga!

71

Thabelo ya mukalaha: Mudzimu vhukhudo hanga

711

71:1,3
Ps. 18:2
Muṋe washu, ndi khuda nga Iwe,

u songo vhuya wa litsha ndi tshi shoniswa.

2Hufha u tshi fulufhedzea,

mphalale u nndamukise!

Nthetshelese u ntshidze!

3Ivha vhukhudo vhune nda dzula ngomu,

he wa ri ndi ḓi dzula ndi tshi shavhela hone,

ndi tshidzwe;

u vhushavhelo hanga, u bako ḽanga.

Mudzimu Mutsireledzi tsha kale na kale

4Mudzimu wanga,

nndamukise kha vhavhi,

mavemu a tshiṱuhu a si nkunde.

5Muṋe wa zwoṱhe, ndo fulufhela Iwe,

fulufhelo ḽanga ndi Iwe u bva hanani hanga.

6

71:6
Ps. 22:9-10
Ndo ḓitika nga Iwe tshee nda bebwa,

na musi ndi sa athu vhona tshedza,

maanḓa anga o vha e Iwe;

ndi ḓo dzula ndi tshi u renda.

Mudzimu maanḓa a vha si na maanḓa

7Vhanzhi vho vhona maanḓa au kha nṋe,

nge wa vha vhukhudo hanga vhu sa tseki.

8Ḓuvha ḽoṱhe ndi ṱwa ndi tshi u renda,

ndi tshi ḓivhadza vhugala hau.

9

71:9
Yes. 46:3-4
Ndi songo ri ndo no kalaha wa nṅaledza,

u songo nṱutshela zwino ndi si tshee na nungo.

10Maswina anga o nndangana,

vha ṱoḓa u mmbulaha.

11

71:11
Ps. 3:2
Vha ri, “Mudzimu o mu ṱutshela;

kha ri mu sale murahu ri mu fare,

ha na mulamukisi.”

Mudzimu Muṱulutshelwa

12

71:12a
Ps. 22:11
71:12b
Ps. 70:1
Mudzimu, u songo vha kule na nṋe;

Mudzimu wanga,

ṱavhanya u mphalale!

13Ngavhe vhane vha nndevhela

vha tshi kundwa vha lovha.

Vhane vha ṱoḓa u nkhuvhadza

ngavhe vha tshi kundwa vha tou niwa nga ṱhoni!

14Ndi ḓo dzula ndo u fulufhela,

nda u renda nda dovha.

15Ndi ḓo bula u fulufhedzea hau.

Wo ntshidza lu si na mbalo;

ndi ḓo dzula ndi tshi zwi zuwa ḓuvha ḽoṱhe.

16Muṋe wa zwoṱhe, Muṋe washu,

ndi ḓo renda maanḓa au.

Ndi ḓo ḓivhadza u fulufhedzea hau;

a no fulufhedzea ndi Iwe u woṱhe.

Mudzimu a fulufhedzeaho

17Wo ḓi mpfunza u bva hanani hanga;

na zwino ndi kha ḓi bula zwimangadzo zwau.

18

71:18
Ps. 22:1
Mudzimu, u songo nṱutshela

nga u vhona zwino ndo kalaha,

ṱhoho yo tshena!

Maanḓa au a u tshidza vhathu

ndi kha ḓi tama u a ḓivhadza mirafho i ḓaho.

19Mudzimu, u fulufhedzea hau hu ṋanzwa makole;

wo ita zwihulu,

Mudzimu, ndi nnyi ane a nga Iwe.

20

71:20
Ps. 30:3
Wo nkhwesa khombo nnzhi na dambulo,

hone u ḓo dovha wa vusa nungo dzanga,

wa nṋula fhasi-fhasi dindini.

21U ḓo nkhudza nda vha muhuluhulu,

nda dovha nda rudza mbilu.

Thendo i sa tumuwi

22Ngoho ndi ḓo u renda nga haripa;

Mudzimu wanga,

ndi ḓo renda u fulufhedzea hau.

Ndi ḓo u imbela nga tshihwana,

Iwe Mukhethwa wa Israele.

23Ndi ḓo ṱavha mukosi nga dakalo nda u imbela;

wo mmbofholola.

24Ḓuvha ḽoṱhe ndi ḓo dzula ndi tshi bula u fulufhedzea hau,

nge vhe vha linga u nkhuvhadza vha kundwa vha tou niwa nga ṱhoni.