Tshivenda 1998 (VEN98)
68

Mudzimu Murendwa

Phisalema ya Dafita, luimbo lwe a sikela malogwane.

Mudzimu Mubalanganyamaswina

681

68:1
Num. 10:35
Mudzimu u khou vuwa u balanganya maswina,

vha mu vhengaho vha shavha vha tshi fhufhura nḓevhe.

2U vha balanganya unga vhutsi;

Mudzimu a tou bvelele,

vhavhi vha a lovha

unga phula i tshi ṋoka muliloni.

3Vha no fulufhedzea vhone

vha a pembela Mudzimu a tshi swika,

vha ṱavha mukosi nga dakalo.

4

68:4
Ps. 104:3
Dot. 33:26
Yes. 19:1
Imbelani Mudzimu,

rendani dzina ḽawe nga nyimbo,

Munamelamakole,Kana: “Mubuḓekanyaphanga”.

mu lugiseleni nḓila!

U pfi Muṋe washu, mu fhululedzeni!

Mudzimu Muvhofhololi

5

68:5
Ps. 10:14
Mudzimu a no dzula fhethu hawe hukhethwa,

ndi Khotsi a tsiwana, Mulwelatshilikadzi.

6Vha si na vhudzulo Mudzimu u vha fhaṱela mahaya,

zwivhotshwa a zwi vhofholola,

hone mavhanga a ḓo dzula makwarani.

7

68:7-8
Ek. 13:21
Ps. 77:17-18
Rangap. 5:4-5
Mudzimu,

zwiḽa u tshi endedza vhathu vhau,

u tshi buḓekanya phanga,

8ḽifhasi ḽo dzinginyea,

ḽiṱaḓulu ḽa shulula mvula,

hu tshi swika Mudzimu wa Sinai,

hu tshi ḓa Ene Mudzimu wa Israele.

9Mudzimu, wo nisa mvula nnzhi,

shango ḽau ḽo bvaho ḽa dovha ḽa vuwa,

10vhathu vhau vha dzula khaḽo,

Iwe Mudzimu wa tonda vhaheḓana nga vhuthu hau.

Mudzimu Muladzashango

11Muṋe wa zwoṱhe o ṋea ndaela,

vhasadzi vhanzhi

vha mbo ḓi anḓadza ayo mafhungo,

vha ri,

12“Mahosi a maswina ashu a khou shavha,

mmbi dzavho dzo hasekana!”

Vhasadzi hayani vha kovhekana zwo thubwaho:

13Zwifanyiso zwa maivha zwo fhomiwaho nga siliva,

phapha dzao dzi penya musuku u songo vangiwaho.

(Ndi mini vhaṅwe vha tshee vho dzula

zwitumbani zwa dzinngu?)Tshiheberu tsha vese iyi a tshi pfali zwavhuḓi.

14Zwiḽa Ramaanḓaoṱhe a tshi balanganya mahosi

Thavhani ya Tsalimoni,

o nisa mahaḓa.

Mudzimu Muthubamathubwa

15Thavha dza Bashani dzo hula hani,

dzi na miṱumba minzhi!

16

68:16
Ps. 76:2Dot. 7:7-8
1 Korint. 1:28
Ni itelani vivho, inwi dzithavha dza miṱumba minzhi?

Ni vhivhelani thavha ye Mudzimu a ḓikhethela

uri a dzule khayo?

Muṋe washu u ḓo ḓi dzula khayo lini na lini!

17Muṋe wa zwoṱhe u bva Sinai a tshi ḓa fhethu hawe hukhethwa,

e na gariki dzawe dza nndwa dza maanḓa,

dza zwigidi na zwigidi.

18

68:18
Ef. 4:8-10
O thuba mathubwa manzhi,

a gonya nao nṱha,

a ṋewa nduvho nga vhathu,

na mavhanga a mu luvha;

Mudzimu Muṋe washu u ḓo dzula henengei.

Mudzimu Mulamuleli

19

68:19
Yes. 46:3-4
63:9
Nga hu rendwe Muṋe wa zwoṱhe ḓuvha na ḓuvha;

u a ri hwala,

ndi Ene Mudzimu Mutshidzi washu.

20

68:20
Ps. 30:3
Heb. 13:20
Mudzimu washu ndi Mudzimu Mutshidzavhathu;

ndi Muṋe washu,

ndi Muṋe wa zwoṱhe,

u ri lamukisa lufuni.

21Ngoho Mudzimu u ḓo devhekanya ṱhoho dza maswina awe;

vhane vha ṱana milandu yavho u ḓo pwasha dethele ḽavho

ḽo lukwaho mavhudzi.

22Muṋe wa zwoṱhe o amba a ri,

“Ndi ḓo vhuisa vhathu vhanga vha tshi bva Bashani,

naho vho mbwandamela vhudzivhani ha lwanzhe,

ndi ḓo vha ṋula,

23uri vha ṱambe milenzhe nga malofha a maswina,

mmbwa dzavho dzi a ṋanzwe dzi fure.”

Mudzimu Mupembelwa-nga-Israele

24

68:24
Ps. 24:7-10
68:24-27
1 Koron. 13:8
15:16-28
Mudzimu, wo vhonwa nga vhoṱhe

u tshi ḓala muḓalo wó kunda,

vha vhona u tshi dzhena fhethu hau hukhethwa,

Iwe Mudzimu wanga, Khosi yanga,

25wó tangwa nga vhaimbi na vhalidzi vha zwilidzo,

vhasidzana vha tshi khou lidza tshele.

26Vhumbani dzikhwairi ni imbele Mudzimu,

rendani Muṋe washu,

inwi vhaḓuhulu vha Jakopo!

27Ngoyu Benyamini, ene muṱuku,

o vha ranga phanḓa,

ha tevhela vhahulwane vha Juda na tshigwada tshavho,

na vhahulwane vha Zebuloni,

na vha Nafuthali.

Mudzimu Muluvhiwa-nga-tshakha

28Mudzimu, sumbedza maanḓa au,

maanḓa e wa ri tshidza ngao,

29

68:29
Yes. 18:7
Mish. 8:27-28
68:29-31
Ps. 96:7-10
a tshi bva thembeleni Jerusalema,

hune mahosi vha u ḓisela nduvho.

30

68:30
Esek. 29:3
Kaidza Egipita,

heḽiḽa buka ḽi dzulaho ṱhangani;

kaidza dzitshakha,

heḽo sambi ḽa dzimboho na ṋamana dzadzo,

vha vhuya vha u khotha vha ṋekedza siliva.

Balanganya havho vhathu vha no funa nndwa!

31Hu ḓo ḓa vhaḓinḓa vha tshi bva Egipita,

vha luvha Mudzimu nga zwifulwa zwa musinaseṱha;

Vhakushu vha ḓo rabela Mudzimu vhó imisa zwanḓa.Tshiheberu tsha vese idzi mbili a tshi pfali zwavhuḓi.

Mudzimu Murendwa-nga-mivhuso

32Inwi mivhuso ya shango,

imbelani Mudzimu,

rendani Muṋe wa zwoṱhe nga nyimbo,

33

68:33
Ps. 68:4
29:3
Ene Munamelalutombo,

lutombo lwa kale-kale!

Thetshelesani a tshi bvumisa he ngindii-ngindii.

34Ḓivhadzani maanḓa a Mudzimu,

u vhusa Israele nga vhugala,

maanḓa awe a fhira lutombo.

35Mudzimu u ofhisa hani

a tshi bva fhethu hawe hukhethwa!

Ndi Ene Mudzimu wa Israele;

u ṋea vhathu vhawe nungo na maanḓa.

Mudzimu nga a rendiwe!