Tshivenda 1998 (VEN98)
63

U ṱuvha Mudzimu

Phisalema ya Dafita ye a sika e Phangani ya Juda.

Mudzimu tshiṱuvho tshanga

631

63 (ṱhoho)
1 Sam. 22:5
23:14
63:1
Ps. 42:1-2143:6
130:6
Mudzimu, u Mudzimu wanga,

ndo u ṱuvha;

ndo u ṱulutshela nga mbilu yanga yoṱhe,

zwa nga nḓala na ḓora,

ndí fhano shangoni ḽo omaho,

ḽo bvaho,

hu si na maḓi.

2

63:2
Ps. 17:15
Ndo ṱuvha u u ṱalela nḓuni khethwa,

uri ndi vhone maanḓa au na vhugala.

3

63:3
Ps. 73:26
Mish. 20:24
Lufuno lwau lu ntakadza u fhira na vhutshilo;

mulomo wanga u ḓo u renda.

4Ndi ḓo u livhuha vhutshilo hanga hoṱhe,

nda imisa zwanḓa zwanga ndi tshi u rabela.

Mudzimu dakalo ḽanga

5Ndi fushea nga Iwe nda nga ndo ḽa mapfura;

mulomo wanga u ḓo u renda nga nyimbo.

6

63:6
Ps. 119:55
Ndó lala ndi a u humbula,

ndi u elekanya vhusiku hoṱhe.

7

63:7
Ps. 17:8
Iwe wo ḓi vha Mutikedzi wanga;

ndi fhululedza nga dakalo ndó khuda nga phapha dzau.

8Mbilu yanga i nambatela Iwe,

ndi tikiwa nga tshanḓa tshau tsha maanḓa.

Mudzimu Mulweli wanga

9Vhane vha ṱoḓa u mmbulaha

vha ḓo godimela fhasi-fhasi dindini ḽa ḽifhasi;

10vha ḓo ḽiwa nga pfumo

vha vha zwiḽiwa zwa dziphunguhwe.

11

63:11
Ps. 84:9
Ndi hone khosi i tshi ḓo pembelela Mudzimu,

vhoṱhe vhane vha ana ngae vha mu zuwa,

milomo ya mazwifhi yó no fhumudzwa.

64

Mudzimu u lifhedza zwifheṱi

Phisalema ya Dafita ye a sikela malogwane.

Vhuvhi ha zwifheṱi

641Mudzimu,

ipfa ipfi ḽanga ndi tshi u lilela,

ntsireledze kha maswina haya a ofhisaho;

2nnzumbe ndi si fashwe nga zwikwekwe zwa vhavhi,

ndi ponyoke milavhu ya vhaitazwivhi.

3

64:3-4
Ps. 109:2
Vha ṱuṱula ndimi dzavho unga mapanga,

vha pfula nga maipfi avho a no nga misevhe ya vhutulu;

4vha pfula a si na mulandu vhó mu lalela,

vha mu pfula kathihi fhedzi vha sa ofhi.

5

64:5
Ps. 73:11
Vha ṱuṱuwedzana u ita vhuvhi,

vha langana hune vha ḓo rea zwikwekwe zwavho

nga tshiphiri,

vha ri, “Ri ḓo vhonwa nga nnyi?

6Ro luka vhukwila hone-hone;

u nga si ḓivhe tsha thumbuni ya fuyu.”

Ṱhamu ya zwifheṱi

7Hone Mudzimu u ḓo vha pfula nga wawe musevhe,

vha ḓo tshenuwa vho no phulwa mbonzhe;

8

64:8a
Ps. 34:21
u ḓo vha lozwela ndimi dzenedzo dzavho.

Vhoṱhe vhane vha vha vhona vha tshi wa

vha ḓo dzungudza dziṱhoho dzavho.

9Ndi hone vhoṱhe vha tshi ḓo ofha,

vha vhudzana zwe Mudzimu a ita vha zwi ṱalukanya.

10Vha no fulufhedzea vhone vha ḓo takalela Muṋe washu,

vha khuda ngae,

vhoṱhe vha si na vhufhura vha ḓo kona u zuwa.

65

Mudzimu Mapakulile

Phisalema ya Dafita, luimbo lwe a sikela malogwane.

Mudzimu wa tshilidzi

651

65:1
Ps. 76:2
Mudzimu,

wo tewa nga thendo Tsioni,

zwe ra u anela zwi ḓo khunyeledzwa;

2u pfa thabelo dzashu;

vhathu vhoṱhe vha ḓo ḓa ha Iwe

3

65:3-4
Rom. 5:1-2
vha tshi ḓiswa nga milandu yavho.

Nangwe vhutshinyi hashu ho ri tsikeledza,

Iwe u ri hangwela hone.

4

65:4
Ps. 23:6Heb. 10:19-23
Wa mashudu ndi uyo ane wa mu nanga,

wa mu sendedza tsini,

a dzula pfamoni dzau.

U ḓo fushwa nga zwivhuya zwa nḓuni yau,

zwa thembele yau khethwa!

Mudzimu Ramaanḓa

5

65:5-8
Ps. 46:8-10
Iwe Mudzimu Mutshidzi washu,

u a fulufhedzea;

u pfa thabelo dzashu,

wa ita zwi ofhisaho.

Ḽifhasi ḽoṱhe nga he ḽa guma,

na malwanzhe a kule-kule,

zwo fulufhela Iwe.

6Wo tika dzithavha nga maanḓa au;

wo fuka nungo.

7

65:7
Mar. 4:39
Iwe u dzikisa u unga ha malwanzhe na phosho ya magabelo ao,

wa ladza mifhirifhiri ya dzitshakha,

8uri vha dzulaho kule-kule mugumoni wa ḽifhasi

vha ofhe maḓembe au.

U ita uri vhubvaḓuvha na vhukovhela hu pembelwe nga dakalo.

Mudzimu Mapakulile

9

65:9-13
Ps. 104:10-15
U londola ḽifhasi wa ḽi ṋea ndalo,

wa ḽi pfumisa zwihulu;

madzambo au o ḓala maḓi,

uri vhathu vha kaṋe khaṋo khulu.

U zwi ita nga u rali:

10He vha lima u hu nisela mvula,

wa hu ṋukadza nga maḓi,

mavu u a ṋukadza nga vhusuṱo,

wa shudufhadza zwa aluwa.

11U ambadza ṅwaha tshiala tsha khaṋo khulu;

hune wa fhira hone hu ela mapfura;

12na pfulo ya phangani i a anda,

mivhundu ya ambara dakalo;

13mafulo a tshatshama miṱambi ya nngu,

magovha a ḓala mavhele,

a pembela, a imba nga dakalo.