Tshivenda 1998 (VEN98)
60

Mudzimu u a rwa, Mudzimu u a tshidza

Tshirendo tsha Dafita tshe a sikela malogwane; tshi pfi tshi imbiwe nga kuimbelwe kwa luimbo lune lwa pfi “Phendephende”. Ndi vhuṱanzi ha nndwa dzawe musi o vutshelwa nga Vhaaramu vha Misopothamia na Vhaaramu vha Tsoba, Juaba a huma a dia Vhaedomo, ha vhulawa vha 12 000 Govhani ḽa Muṋo.

Tshanḓa tsha Mudzimu tshi rwaho

601

60 (ṱhoho)
2 Sam. 8:13-14
1 Koron. 18:12
Mudzimu, wo ri laṱa wa ri fhandekanya.

Wo vha wo sinyuwa; dovha u ri tonde.

2Wo dzinginya ḽifhasi wa ḽi fhandukanya;

dovha u thivhe mitwe yaḽo,

ḽi kha ḓi dzinginyea!

3

60:3
Ps. 75:8
Wo ri livhanya na zwi konḓaho,

wa ri kambisa ra pepeleka.

4Wo ri ṱomela tshiga ra tshi kuvhanganela,

mmbi dzashu dza vha na nungo,

ra tinya misevhe.

Tshanḓa tsha Mudzimu tshi lamulelaho

(Ps. 108:6-13)

5Ri fhindule, u ri tshidze

nga tshanḓa tshau tsha maanḓa,

u lamukise vhalanda vhau vha fulufhedzeaho.

6Mudzimu o amba e fhethu hawe hukhethwa, a ri,

“Ndi ḓo kunda maswina nda kovha Shikheme,

Govha ḽa Sukotho nda ḽi kovhekanya;

7

60:7
Gen. 49:10
Giliadi ndi ḽanga, na shango ḽa Manase;

Efraimi ndi nguwane yanga,

luḓo lwanga lwa vhuhosi ndi Juda;

8

60:8
Rute 4:7-8
Muaba ndi sambelo ḽanga;

Edomo ndi posa navhula yanga,

ha vha u sumbedza uri ndi ḽanga;

inwi Vhafilista,

mphululedzeni ni luvhe!”

9Ndi nnyi a no ḓo ntswikisa Edomo,

nda dzhena musanda waho wo tangwaho nga mitsheṱo?

10

60:10
Ps. 44:9
Ndi nnyi arali e si Iwe Mudzimu?

Hone zwino wo ri laṱa, Mudzimu,

hufha u si tsha tshimbila na mmbi dzashu.

11

60:11
Ps. 118:8-9
Iḓa u ri phalale musi wa khombo,

muthu ha farisi tshithu.

12Rí na Mudzimu ri ḓo lwa sa vhahali,

Ene u ḓo kandekanya maswina ashu.

61

Vhukhudo ndi Mudzimu

Phisalema ya Dafita ye a sikela malogwane; i pfi i imbiwe hu tshi lidzwa haripa.

611Yowee Mudzimu, ipfa tshililo tshanga,

thetshelesa thabelo yanga!

2

61:2
Ps. 18:2
61:2-4
Ps. 27:4-5
Ndi u ṱavhela mukosi ndi ngeno mugumoni wa ḽifhasi,

mbilu yanga yo ṋoka.

Nnyendedze ndi gonye tombo ḽi mphiraho.

3Ndi Iwe vhukhudo hanga,

u mutsheṱo wo khwaṱhaho,

maswina a nga si dzhene.

4

61:4
Ps. 23:6
Litsha ndi dzule nḓuni yau lini na lini,

ndi khude nga phapha dzau.

5Iwe Mudzimu wo pfa zwe nda u anela;

wo nṋea ifa ḽi ṋewaho vhane vha ofha dzina ḽau.

6

61:6-7
Ps. 72:5
89:3-4
Nṋe khosi nṋee ndalamo,

ngavhe ndi tshi tshila nda vhona mirafho na mirafho;

7ngavhe ndi tshi dzula ndi khosi maṱoni a Mudzimu lini na lini.

Nndinde nga vhuthu hau na u fulufhedzea.

8Ndi hone ndi tshi ḓo u renda nga nyimbo lini na lini,

maḓuvha oṱhe nda khunyeledza zwe nda u anela.

62

U fulufhela Mudzimu e eṱhe

Phisalema ya Dafita ye a sikela malogwane, Jeduthuni.

U dzumbama maswina

621

62:1
Yes. 30:15
Musi ndi na Mudzimu,

ndi hone ndo rudza mbilu,

ndi Ene a ntshidzaho.

2

62:2
Ps. 18:2
Ndi Ene fhedzi a re bako ḽanga na Mutshidzi wanga;

Mutsireledzi wanga ndi Ene,

a thi nga sudzuluswi.

3Nṋa ni ḓo litsha lini u sala muthu murahu?

Noṱhe ni khou mu khokhovhedza

na nga ni khou khurumedza luvhondo lwo tshingamaho,

ni khou fuḓa luhura lwo waho.

4

62:4
Ps. 109:2
Ni langana u mu dzhiela vhuhulwane hawe;

ni takalela mazwifhi;

ni shudufhadza nga milomo,

mbiluni ni tshi mu teketela.

5Musi ndi na Mudzimu,

ndi hone ndo rudza mbilu,

ndi fulufhela Ene fhedzi.

6Ndi Ene fhedzi a re bako ḽanga,

na Mutshidzi wanga;

Mutsireledzi wanga ndi Ene, a thi nga dzinginyei.

7Mudzimu ndi Ene Mutshidzi wanga,

u a nkhulisa;

tombo ḽanga ḽa maanḓa,

vhukhudo hanga,

ndi Mudzimu.

8Inwi vhathu, fulufhelani Ene misi yoṱhe,

mu ṱanzeleni zwoṱhe zwa mbiluni dzaṋu;

Mudzimu ndi Ene vhukhudo hashu.

Muthu ene ndi mini?

9

62:9
Ps. 39:5-6
Yes. 40:15
Jak. 4:14
Vhathu vhone vha tou vha mufemo,

na vhahulwane a si tshithu;

naho vha fhanzhelwa tshikaloni tshithihi,

vha kha ḓi fhirwa nga mufemo.

10

62:10
Mat. 6:19-211 Tim. 6:17-19
U songo ḓitika nga u kandeledza vhaṅwe;

vhuvemu vhu nga si u vhuedze tshithu;

arali lupfumo lu tshi anda

u songo vhea mbilu yau khalwo.

11Ndo pfa Mudzimu a tshi amba a dovha,

a tshi ri maanḓa ndi awe.

12Lufuno lu sa dzinginyei ndi lwa Iwe Muṋe wa zwoṱhe.

Iwe u pfufha muthu u tshi tevhedza mishumo yawe.