Tshivenda 1998 (VEN98)
6

O tsikeledzwaho nga vhulwadze na maswina

Phisalema ya Dafita ye a sikela malogwane; i pfi i imbiwe hu tshi lidzwa mbila dza tsinga ṱhanu na tharu.

“Humela kha nṋe u mphodze Muṋe wanga!”

61Yawee Muṋe washu,

u songo tsha nkaidza wo sinyuwa,

u songo nthwa musi u tshi duga nga mbiti.

2Muṋe washu, nkhathutshele;

ndi khou fhelela ndi tshi ya.

Mphodze, miraḓo yanga yo kulekana.

3

6:3
Ps. 13:1-2
Ndo hanganea tshoṱhe.

Yawee Muṋe washu,

u ḓo vhuya wa nkhathutshela lini?

4Vhuya Muṋe washu, mmbofholole,

ntshidze, hufha u na vhuthu.

5

6:5
Ps. 30:9
88:10-12
115:17
Yes. 38:18
Kha vho faho haho ane a kha ḓi u elelwa;

ndi nnyi ane a kha ḓi u renda

henengei vhudzulavhafu?

6U gomela hanga ho no tou nnetisa.

Vhusiku hoṱhe ndi rothisa miṱodzi

thovho yanga ya vhuya ya ṋukala;

vhulalo hanga ndi vhu lovhedza nga miṱodzi.

7Maṱo anga o no tou punda nga u lila;

ha tsha vhona nga mulandu wa vhakandeledzi vhanga.

“Muṋe washu o pfa thabelo yanga.”

8Ṱuwani maṱoni anga

noṱhe inwi vhaitazwivhi,

Muṋe washu o pfa tshililo tshanga!

9Muṋe washu o pfa khumbelo yanga ndi tshi ḓiṱukufhadza,

Muṋe washu u ṱanganedza thabelo yanga.

10Maswina anga oṱhe a ḓo tou tetemela,

a ḓo huma kathihi fhedzi o shona.