Tshivenda 1998 (VEN98)
58

U sengiswa ha vhavhusi vha tshiṱuhu

Tshirendo tsha Dafita tshe a sikela malogwane; tshi pfi tshi imbiwe nga kuimbelwe kwa luimbo lu no ri, “U si lozwe!”

U hwelelwa havho

581

58:1-3
Mika 3:1-4
Ngoho inwi vhavhusi

ni vhea milayo yo teaho naa?

Ni haṱula vhathu ni sa ṱaluli naa?

2Hufha mbiluni dzaṋu ni tshi luka vhunwa;

zwanḓa zwaṋu zwa huvhadza fhano shangoni.

3Vhavhi vha pambuwa vha tshee ḽilani;

tshee vha bebwa ndi vhadzia-u-zwifha.

4Vha na vhuṱungu vhu no nga ha tshitemahe,

vho ḓidzingisa khole unga vuluvulu,

5uri ḽi si pfe maipfi a mudambiki,

naho e makone a manditi.

Ṱhamu yavho

6Mudzimu, vha kulekanye maṋo,

Muṋe washu, swarula ṱhaha dza ndau.

7Ngavhe vha tshi nyamalala unga maḓi a ṋwelelaho,

vha kandekanywa vha puta unga hatsi.

8Ngavhe vha tshi nga khumba i no enda i tshi fhelela,

vha nge gambutshela ḽi sa vhuyi ḽa vhona ḓuvha!

9Ngavhe vha tshi tshenuwa vho kumbiwa

vha kudzwa kule,

mulilo u tshi kha ḓi tou dugu,

khali dzi sa athu vhila.Kha vese iyi Tshiheberu a tshi pfali zwavhuḓi.

10Ndi hone vhavhuya vha tshi ḓo takala vha tshi vhona vhavhi

vha tshi lifhedzwa;

vha ḓo ṱamba milenzhe nga malofha a vhavhi.

11

58:11
Dot. 32:35-36
Ps. 7:11
Vhathu vha ḓo ri,

“Vha no fulufhedzea ngoho vha a pfufhiwa;

ngoho Mudzimu u hone a no haṱula shango.”