Tshivenda 1998 (VEN98)
56

A fulufhelaho ha ofhi

Tshirendo tsha Dafita tshe a sikela malogwane musi Vhafilista vho mu fara muḓini wa Gathi. Tshi pfi tshi imbiwe nga kuimbele kwa luimbo lu no ri, “Ḽiivha ḽa kule ḽi sa lili”.

Mutovholwa u khuda nga Mudzimu

561

56 (ṱhoho)
1 Sam. 21:10-15
Mudzimu, mpfele vhuṱungu,

vhathu vho mmvutshela!

Maswina ha nkhumeli!

2A ṱwa a tshi nkandekanya;

Iwe Mudzimu muhulu,

ndi vhanzhi vhane vha lwa na nṋe.

3Hone musi wa zwi ofhisaho ndi fulufhela Iwe.

4

56:4
Yes. 51:12
Mat. 10:28
Ndi renda Mudzimu

nga u takalela zwe a mpfulufhedzisa,

thi ofhi tshithu, ndi fulufhela Mudzimu;

muthu a nga nnyitani?

U ḓifunga ha vhakandeledzi

5

56:5-6
Ps. 35:20-21
Vha ṱwa vha tshi piringanya nyambo yanga,

vha dzulela u nndangana.

6Vha a kuvhangana vha nndalela,

vha nndonda hoṱhe hune nda tshimbila

vha tshi ṱoḓa u mmbulaha.

7Mudzimu,

u nga vha litsha vha ponyoka

vhó ita vhuvhi vhungafhongafho?

Vha rambaladze wo sinyuwa!

Mukhudisi

8Wo zwi vhona ndi tshi teka-teka;

miṱodzi yanga i shele mvuvheloni yau;

kani a zwo ngo ṅwalwa buguni yau?

9Musi ndi tshi u ṱavhela mukosi

ndi hone maswina anga a tshi ḓo huma;

Mudzimu u ima na nṋe,

hezwo ndi a zwi ḓivha.

10Ndi renda Mudzimu nga u takalela zwe a mpfulufhedzisa,

iina, ndi renda Muṋe washu nga u takalela zwe a mpfulufhedzisa.

11Thi ofhi tshithu, ndi fulufhela Mudzimu;

muthu a nga nnyitani?

12

56:12
Ps. 50:14
Mudzimu, zwe nda u anela thi zwi hangwi,

ndi ḓo zwi khunyeledza nga u ṋekedza nduvho.

13Wo ntshidza lufuni,

wa tika milenzhe yanga ndi si we,

ndi tshile ndi na Mudzimu,

ndí tshedzani tshi ṋeaho vhutshilo.