Tshivenda 1998 (VEN98)
49

Vhutsilu ha u ḓitika nga lupfumo

Phisalema ya vhana vha Kora ye vha sikela malogwane.

Ndayo yo livhanaho tshakha dzoṱhe

491Hee inwi tshakha dzoṱhe, ipfani!

Thetshelesani inwi noṱhe

vhadzulapo vha mashango!

2Vhahulwane na vhathu zwavho,

vhapfumi na vhashai!

3Haṋwani hanga hu ḓo bva a vhuṱali,

zwine nda elekanya zwi sumbedza ṱhalukanyo.

4Ndi ḓo kolongonya nḓevhe nda thetshelesa ndayo,

nda dzumbulula tshiphiri ndi tshi lidza haripa.

Lufu a lu na tshipfumelo

5Zwa vhifha ndi ofhani ndó tingwa nga maswina,

6

49:6
Ps. 37:16
Jer. 9:23
vhathu vhane vha ḓitika nga lupfumo lwavho,

vha zuwa u anda halwo?

7

49:7-9
Mat. 16:26
Hufha hu si na murengululi wa muṅwe,

a no bvisa tshipfumelo tsha vhutshilo ha muthu

a ṋea Mudzimu.

8Vhutshilo ha muthu vhu na mutengo muhulu,

a vhu rengululwi.

9A hu na a sa fi,

a hu na a sa dzheni tshaloni.

Mufu u ṱuwa na mini?

10

49:10
Mufunzi 2:13-16
Ndi nnyi a sa zwi ḓivhi uri na vhaṱali vha a fa?

Na matsilu, na madodo,

vhoṱhe vha a ḓi lovha,

lupfumo lwavho lwa sala lu tshi ḽiwa nga vhaṅwe.

11Zwalo ndi mahaya avho lini na lini,

vha dzula henefho ha fhira mirafho na mirafho,

naho vho rina mashango madzina avho.

12

49:12
Mufunzi 3:18-21
Muthu na u pfuma háwe ha lengi u fa,

u a ḓi lovha unga phukha.

13

49:13-15
Ps. 16:10-11
73:24-26
Ndi yone nḓila ya vha no ita vhutsilu nga u ḓifulufhela;

vha no fushea nga lupfumo lwavho vha fhedza nga u ralo.

14

49:14
Ps. 23:1
Nzumb. 6:8
Vha livha tshaloni unga nngu,

lufu ndi lwone mulisa wavho;

vha si na vhufhura vha ḓo vha vhusa ḽi tshi tsha;

mivhili yavho i ḓo sinela zwaloni

shangoni ḽa vhafu kule na mahaya avho.Tshiheberu tsha vese idzi mbili tshi a konḓa u ṱalutshedza.

15A vha nṋe, Mudzimu u ḓo nthengulula,

u ḓo nndamukisa maanḓani a lufu.

U ḓifhura nga murunzi wa ningo

16

49:16-19
Jobo 1:21
U songo ḽa mbilu u tshi vhona muṅwe a tshi pfuma,

u tshi vhona a tshi khokha lupfumo.

17A tshi fa u ḓo ṱuwa na mini?

Vhugala hawe vhu ḓo mu tevhela naa?

18Naho vhutshiloni vhuno o vhona unga u na mashudu,

vhathu vha mu khoḓa

nga u vhona a tshi pfuma a tshi ya,

19u ḓo ḓi tevhela vhokhotsi awe,

a vha tsha ḓo vhona tshedza tsha vhutshilo.

20Muthu na u pfuma háwe ha lengi u fa, u a ḓi lovha unga phukha.