Tshivenda 1998 (VEN98)
46

Mudzimu Mutsireledzi wa Jerusalema

Luimbo lwa vhana vha Kora lwe vha sikela malogwane; lu pfi lu imbiwe nga vhasidzana.

461Ri khuda nga Mudzimu,

ndi Ene maanḓa ashu,

ha kundwi u ri lamulela khomboni.

2Naho ḽifhasi ḽa dzinginyea,

a ri ofhi tshithu,

naho thavha dza wela tshivhindini tsha lwanzhe,

3

46:3
Ps. 27:1
naho maḓi alwo a unga a fhufhuma,

naho magabelo a dzinginyisa thavha,

a ri ofhi.

4

46:4
Yes. 33:21-22
Esek. 47:1-12Ps. 36:8-9
Hu na mulambo wa milonga u takadzaho muḓi wa Mudzimu

hu re na nnḓu khethwa ya Waṱaḓuluṱaḓulu.

5Mudzimu u vhukati hawo,

u nga si thuthiwe;

Mudzimu u ḓo u lamulela mapfuvhi a tshi tswuka.

6Tshakha kha dzi zhambe zwadzo,

mivhuso i dzinginyee.

Ipfi ḽawe ḽá bvuma ḽifhasi ḽi a ṋoka.

7Muṋe washu Mudzimu Mulangazwoṱhe u na riṋe,

Mudzimu wa Jakopo ndi Ene dzhavhelo ḽashu.

8

46:8-9
Ps. 76:3
Yes. 2:4
Iḓani ni vhone mishumo ya Muṋe washu,

edzonu vhona zwimangadzo zwe a ita fhano fhasi.

9U fhedza dzinndwa u swika he shango ḽa guma;

u vunḓekanya vhura,

a thathekanya mafumo,

zwiṱangu zwa maswole a zwi fhisa nga mulilo.

10“Dzikani ni ḓivhe uri ndi Nṋe Mudzimu,

ndi fhira dzitshakha, ndi fhira na ḽifhasi!”

11Muṋe washu Mudzimu Mulangazwoṱhe u na riṋe,

Mudzimu wa Jakopo ndi Ene dzhavhelo ḽashu.