Tshivenda 1998 (VEN98)
35

Thabelo ya u humbela u lamulelwa kha maswina

Luimbo lwa Dafita.

Muṋe washu Mulweli wanga

351Muṋe washu,

imedzana na vha nthomaho,

ilwa na vha lwaho na nṋe.

2Fara tshiṱangu na philelo,

u ḓe u nndamulele.

3Ṱomola pfumo ḽau na tsanga u thivhele vha ntovholaho.

Amba na nṋe u ri, “Ndi mutshidzi wau.”

4Vhane vha ṱoḓa u ḽa ṱhoho yanga

kha vha shone vha tou niwa nga ṱhoni.

Vhalaleli vhanga vha humise vha tshi tou fhufhura nḓevhe.

5-6

35:5-6
Ps. 34:7
Nga vha nge mungu

u hwalwaho nga ḓumbu

vha tshi vhilimedzwa nga Muruṅwa wa Muṋe washu,

nḓila yavho nga i tou nzwii, i redze.

Muruṅwa wa Muṋe washu a tshi vha ruthutha

7Vho nthea nga mambule ndí songo vha levhela,

vha ita na u mmveela khunḓa ndi si na tshe nda tshinya.

8

35:8
Ps. 7:15-16
Nga vha tshenuwe vho lozwiwa,

mambule a fashe murei,

khunḓa i fashe muvei.

9A vha nṋe, ndi pembelela Muṋe washu,

ndi a takala, o ntshidza.

10

35:10
Ps. 9:12
Ndi amba nga mbilu yanga yoṱhe,

ndi ri:

Muṋe washu, ndi nnyi ane a nga Iwe?

U lamulela muheḓana kha wa maanḓa,

mutshinyali wa mu lamulela

zwanḓani zwa muṱanguli.

Muthathedzwa

11

35:11
Ps. 27:12
1 Mah. 21:13
Mat. 26:59
Ndi zwifhelelwa nga vhalevhi;

ndi sengiswa zwine ndi si zwi ḓivhe;

12vha lifhedza zwivhuya nga zwivhi;

a thi tshee na ṱhama.

13

35:13-14
2 Sam. 12:16-17
Hone vhone vha tshi lwala o vha lilisaho ndi nṋe,

nda ḓiṅala nda ḓidzima zwiḽiwa,

nda rabela ndo kotama,

14zwa nga ndi rabelela khonani kana murathu,

nda ṱungufhala nda tshimbila ndo kotama,

ndó hasha milora ṱhohoni,

nda nga muthu a lilelaho mme awe.

15Zwino nṋe ndó wela-vho khomboni vha nkuvhanganela vha ntsea.

Ndi vho nzhonzhowedzwa nga mifhafhara i sa ḓivhalei,

vha ntsasaladza vha dovha.

16Vha mmbaisa nga u nkholedza vha dovha,

vha tshi tou ntshenganyela na maṋo.

17Muṋe wa zwoṱhe,

u ḓo sokou ṱanzwa maṱo

wa lavhelesa u swika lini?

Nndamulele kha vha nndevhelaho,

u mponyokise mulomoni wa i ḽaho.

18

35:18
Ps. 22:22
Ndi hone ndi tshi ḓo u livhuha

ho kuvhangana tshivhidzo tshoṱhe,

nda u khoḓa magogo a tshi zwi pfa.

Maswina a tshi pembela

19Maswina anga a sokou mmbenga;

u songo a litsha a tshi ḓiphiṋa nga nṋe;

u songo tenda vha tshi sinyedzana nga u vhona khombo yanga.

20A vha ṱoḓi mulalo,

tshavho ndi u luka maano a u pomoka vhadziamulalo.

21Vha nkholedza vha ri,

“Ahaa, ahaa,

ro zwi vhona nga ashu maṱo!”

22Iwe Muṋe washu,

u songo tsha fhumula wó zwi vhona!

Muṋe wa zwoṱhe, u songo nndaṱedza!

23Takuwa u nndamulele Mudzimu wanga!

Muṋe wa zwoṱhe, ima na nṋe!

24Mudzimu Muṋe wanga,

hufha u muhaṱuli muvhuya,

u songo vhuya wa tenda vha tshi ntshonedza,

25vha tshi ri, “Koṱo, koṱo, ro kona!”

kana vha ri,

“A ro ngo zwizwiedza-ha!”

26Ngavhe vhane vha takalela u tambula hanga

vha tshi shona vha nyadziwa.

Vhenevho vha u ḓihudza vha amare ṱhoni vha nyadzee.

27Avho vhane vha ntsengela

nga vha takale vha fhululedze

vha ri, “Muṋe washu ndi muhulwane!

Ene u takalela zwi tshi nakela mulanda wawe!”

28Ndi hone ndi tshi ḓo ḓivhadza vhuvhuya hau,

nda u renda ḓuvha ḽoṱhe.