Tshivenda 1998 (VEN98)
31

Fulufhelo ḽa mutovholwa

Phisalema ya Dafita ye a sikela malogwane.

Mutovholwa:

Thabelo yawe i sumbedzaho fulufhelo

311

31:1-3
Ps. 18:2
Muṋe washu, ndi khuda nga Iwe,

u songo vhuya wa tenda ndi tshi shoniswa;

hufha u tshi fulufhedzea, nndamulele!

2

31:2
Ps. 102:2
Mpfe, u si lenge u nndamukisa!

Ivha bako ḽanga ḽine nda khuda khaḽo,

ivha nnḓu ine nda dzumbama khayo,

ndi hone ndi tshi ḓo tshila.

3Ndi ngoho, u bako ḽanga,

u dzhavhelo ḽanga,

nnyendedze-ha u nndededze,

hufha u Mudzimu wanga.

4

31:4
Ps. 140:5
Mponyokise mambuleni e vha nthetshela,

hufha u vhushavhelo hanga.

5

31:5
Luk. 23:46
Mish. 7:59
Ndo kumedza muya wanga zwanḓani zwau;

Muṋe washu, wo ntshidza,

Iwe Mudzimu a fulufhedzeaho.

6Ndi vhenga vhane vha luvha midzimu i si tshithu,

hone nṋe ndi fulufhela Iwe Muṋe washu.

Thendo yawe

7

31:7
Ek. 3:7
Wo vhona u tambula hanga

wa ḓivha vhuṱungu ha muya wanga;

ndi ḓo takala nda pembelela lufuno lwau

lu sa dzinginyei.

8A wo ngo nkumedza zwanḓani zwa maswina,

wo mmbofholola, ndi vho kona u fema.

Mulaṱwa:

Tshaavhuyo

9Muṋe washu, nkhathutshele,

ndo hanganea!

Maṱo anga o punda nga miṱodzi,

ndo kulekana miraḓo tshoṱhe,

10vhutshilo hanga ho fheṱwa nga mbiluvhuṱungu,

vhutshilo hanga ho fhungudzwa nga u ḽa mbilu,

maanḓa anga o fhedzwa nga milandu yanga,

na marambo anga o ṋoka.

11

31:11
Ps. 38:1169:12
Maswina anga oṱhe a a nnyadza,

zwihulu vhahura vhanga;

khonani dzi vho nnyita dada;

vha ṱanganaho na nṋe nḓilani vha a shavha.

12Ndo no tou hangwiwa sa o faho,

ndi vho nga mudzio wo pwasheaho;

13

31:13
Jer. 20:10
maswina a ṱolou ntshushedza,

nyofho dzo tou ntanga nga hoṱhe;

ndi khou langanwa,

vha luka maano a u mmbulaha.

Thabelo yawe i sumbedzaho fulufhelo

14Hone nṋe ndi fulufhela Muṋe washu,

ndi ri, “U Mudzimu wanga.”

15Zwine nda ṱangana nazwo ḓuvha ḽiṅwe na ḽiṅwe

zwi langwa nga Iwe;

nndamulele zwanḓani zwa maswina anga,

na zwanḓani zwa vhoṱhe vha ntovholaho.

16

31:16
Ps. 80:3,7,19
Num. 6:25
Hufha ndi mulanda wau,

ntsedze nga vhuthu;

hufha lufuno lwau lu sa dzinginyei,

ntshidze!

17

31:17-18
Ps. 109:2
Muṋe washu, ndo u vhidzelela,

u songo tenda ndi tshi shoniswa,

kha hu shoniswe vhavhi,

nga vha valwe milomo nga tshalo!

18Milomo yavho kha i shatelwe,

i zwifhelela vha si na mulandu

nga u ḓihudza na luswetho na u sasaladza.

Thendo

19Vhuthu hau ho hula hani!

U dzula u tshi tonda vha u ofhaho na vhoṱhe vha khudaho nga Iwe,

uri vhathu vhoṱhe vha zwi vhone.

20

31:20
Ps. 23:6
U vha dzumba tsini-tsini hau hu si na vhukwila ha vhathu,

wa vha vhea he vha tsireledzea, vha si tsha ḓo seṅwa.

21Muṋe washu nga a rendwe;

o ntsumbedza lufuno lu kanukisaho zwiḽa ndo tingwa

unga muḓi wó govhelwa.

22Ndo vha ndo tshenuwa nda ri,

“Ndo fhandekanywa na Iwe,

ndo lovha!”

Hone Iwe wo pfa mukosi wanga wa nndamulela.

23Funani Muṋe washu noṱhe inwi

vhalanda vhawe vha fulufhedzeaho!

Muṋe washu u vhulunga vha na ngoho,

ngeno vha u ḓihudza a tshi vha lifhedza zwihulu.

24Imani no khwaṱha ni sa neti noṱhe inwi

ni fulufhelaho Muṋe washu.