Tshivenda 1998 (VEN98)
24

Khosi ya vhugala

Phisalema ya Dafita.

Musikazwoṱhe

241

24:1
Ps. 89:11
Ek. 9:29
1 Korint. 10:26
Shango ḽoṱhe u ya he ḽa guma,

ḽifhasi na zwi re khaḽo,

zwoṱhe ndi zwa Muṋe washu.

2

24:2
Ps. 136:6
Jobo 38:6
Ndi Ene we a ḽi tea nṱha ha malwanzhe,

ndi Ene we a ḽi vhea nṱha ha maḓi mahulu.

Mukhethwakhethwa

3

24:3-6
Ps. 15:1-5
Ndi nnyi o teaho u gonya thavha ya Muṋe washu?

Ndi nnyi ane a nga ima fhethu hawe hukhethwa?

4Ndi uyo wa zwanḓa zwi si na tshika,

wa mbilu yo ṱambaho,

i nengwaho vhumbulu,

a sa ani a tshi zwifha.

5Ndi ene ane a ḓo shudufhadzwa

nga Muṋe washu,

a ṋewa zwo mu fanelaho nga Mudzimu Mutshidzi wawe.

6Ndi vhone vha no ṱoḓa u dzula na Mudzimu,

vha no lila u mu vhona;

ndi vhone vhana vha Jakopo.

Mukundavhoṱhe

7

24:7-10
Ps. 68:24
47:5-9
Hee inwi dzikhoro, aṱamani!

Vuleani inwi mahothi a kale-kale,

hu dzhene Khosi ya vhugala!

8Nṋa “Khosi iyo ya vhugala” ndi nnyi?

Ndi Muṋe washu,

Ene Muhali Ramaanḓa,

Muṋe washu Muhali nndwani.

9Hee inwi dzikhoro, aṱamani!

Vuleani inwi mahothi a kale-kale,

hu dzhene Khosi ya vhugala!

10Nṋa “Khosi iyo ya vhugala” ndi nnyi nandi?

Ndi Muṋe washu Mukundavhoṱhe,

ndi Ene Khosi ya vhugala.