Tshivenda 1998 (VEN98)
19

Tsiko na maṅwalo zwi ḓivhadza vhugala ha Mudzimu

Phisalema ya Dafita ye a sikela malogwane.

Vhuṱanzi ha tsiko

191

19:1
Ps. 8:3
Rom. 1:20
Ḽiṱaḓulu ḽi ṱanziela vhugala ha Mudzimu,

lutombo lu ḓivhadza mishumo ya zwanḓa zwawe,

2ḓuvha ḽi tshi tsha ḽi tsha na zwaḽo,

vhusiku vhuṅwe na vhuṅwe vhu ḓa na nḓivho.

3Maipfi azwo ha bulwi nga mulomo,

mafhungo azwo ha pfiwi nga nḓevhe.

4

19:4
Rom. 10:18
Hone mukosi wazwo u swika he shango ḽa kanda,

maipfi azwo a guma vhusendekamisi,

he ḓuvha ḽa fhaṱelwa thumba yaḽo.

5Ḽi bva khayo unga mukwasha a tshi bva nḓuni,

ḽi dzhena mudavhini wa mbambe nga dakalo

unga munna wa maanḓa.

6Ḽi takuwa henengei vhusendekamisi,

ḽa fhambanya ḽa yo tota tombo vhusendekamisi,

a hu na tshine tsha tinya u fhisa haḽo.

Vhuṱanzi ha Maṅwalo

7

19:7-14
Ps. 119
Mulayo wa Muṋe washu a hu na hune wa solisea,

u netulusa muya wa muthu;

ndayo ya Muṋe washu i a fulufhedzea,

i ṱalifhisa vha si na maano;

8milayo ya Muṋe washu yo tou tswititi,

i takadza mbilu;

ndaela dza Muṋe washu dzo kuna,

dzi vhonetshela muthu;

9u ofha Muṋe washu

hu sendedza muthu kule na zwa dzitshika,

a hu na upfi zwi a fhela;

zwe Muṋe washu a laya ndi zwa ngoho,

a hu na na tshi soliseaho khazwo;

10zwi takadza u fhira musuku,

naho u munzhi wo bviswa manyelo;

zwi ḓifha u fhira mutoli,

u fhira na tshigili tsha ṋotshi.

11Na nṋe mulanda wau ndi laiwa ngazwo,

u zwi vhulunga zwi na pfufho khulu.

12Ndi nnyi ane a nga vhona vhukhakhi hawe?

Nṱanzwe-ha na milandu yo dzumbamaho.

13Ntsendedze kule na u ḓiḓivha,

u songo tenda ndi tshi vhuswa nga zwo raloho;

ndi hone ndi sa nga solisei,

ndi si na milandu i lemelaho.

14Zwine nda amba na zwine nda humbula

nga zwi vhe zwi takadzaho Iwe Muṋe washu,

bako ḽanga ḽa u khuda,

Mulamuleli wanga.

20

Muṋe washu u ḓo ita uri khosi i kunde

Phisalema ya Dafita ye a sikela malogwane.

Khumbelo

201Ngavhe Muṋe washu a tshi u aravha musi wa khombo,

Dzina ḽa Mudzimu wa Jakopo nga ḽi vhe tshiṱangu tshau!

2

20:2
Yes. 14:32
Ngavhe a tshi u phalala e henengei hukhethwa,

a ḓi u tika e Tsioni!

3Nduvho dzau nga a dzi elelwe,

a ṱanganedze zwiṱhavhelo zwau.

4

20:4
Ps. 21:2
Ngavhe a tshi u fha zwine mbilu yau ya tama,

a vuledze zwoṱhe zwine wa funa u ita,

5ra ḓo konou pembela ri tshi vhona wo kunda,

ra imisa zwiala

ri tshi renda dzina ḽa Mudzimu washu.

Ngavhe Muṋe washu a tshi u fha zwoṱhe zwe wa humbela!

Fulufhelo

6

20:6
Ps. 18:50
Zwino ndi vho zwi ḓivha uri Muṋe washu

u ḓo farisa khosi ye a ta,

u ḓo mu aravha e ḽiṱaḓulu ḽawe ḽikhethwa,

u ḓo mu ṋea gundo ḽihulu nga maanḓa awe.

7

20:7
Ps. 33:16-17
147:10-11
Dot. 20:1
Yes. 31:1-3
Vhaṅwe vha zuwa gariki dza nndwa,

vhaṅwe vha zuwa dzibere;

riṋe tshine ra zuwa

ndi dzina ḽa Mudzimu Muṋe washu.

8Vhone vha ḓo wela fhasi vhe huru,

a nga vha riṋe ri ḓo takuwa ra ima ró khwaṱha.

9Ṋea khosi gundo Muṋe washu,

ri aravhe ḓuvha ri tshi u vhidzelela!

21

Muṋe washu o ita uri khosi i kunde

Phisalema ya Dafita ye a sikela malogwane.

Khosi na Muṋe washu

211Khosi i ḓiphiṋa nga maanḓa au,

Muṋe washu;

i takala hani i tshi fariswa nga Iwe!

2

21:2
Ps. 37:4
1 Mah. 3:11-14
Wo mu ṋea zwine mbilu yawe ya tama,

tshe a humbela nga mulomo wawe a wo ngo mu dzima.

3U mu livhanya na mashudu mahulu,

ṱhohoni yawe wo mu ambadza khare ya musukusuku.

4O u humbela vhutshilo wa mu ṋea,

wa mu ṋea ndalamo.

5Wo mu hulisa a vha muhulwane vhukuma,

wa mu ṋea vhugala na madzanga.

6U mu shudufhadza u ya ho ya,

ha takali zwone a tshi vhona Iwe u nae.

7Ndi zwone,

khosi i ḓitika nga Muṋe washu;

a i nga tseki,

yo tikwa nga lufuno lu sa dzinginyei lwa Waṱaḓuluṱaḓulu.

Muṋe washu u balanganya maswina a khosi

8Maswina au oṱhe u ḓo a fara,

wa thuba vhoṱhe vha u vhengaho,

wa vha thuba nga tshanḓa tshau tsha maanḓa.

9Muṋe washu a tshi bvelela vha ḓo swa u tou nga ṋanḓo i fhisaho,

khavhu dza mbiti dzawe dzi ḓo vha fhisa dza vha lozwa.

10U ḓo lozwa vhana vhavho fhano fhasi,

na vhaḓuhulu vhavho vha si tsha vhidzwa.

11

21:11
Ps. 2:1-2
Naho vha u lukela maano,

naho vha u itela vhukwila,

zwoṱhe zwi ḓo pfuvha.

12Vha ḓo ri u u vhona vha shavha u ḓo vha pfula nga misevhe yau.

13Muṋe washu,

sumbedza vhuhulu ha maanḓa au;

ri ḓo renda mishumo yau mihulu nga nyimbo.